Adnan Oktar A9 TV; 21 aprel 2013

Kasıb-füqəraya ödənişsiz kompyuter, internetə ödənişsiz havayı daxil olmaq imkanı―bunlar vacibdir. Belə olduqda həqiqi müasir Türkiyəyə doğru sürətlə irəliləyərik, inşaAllah.

Elmsizlik kommunizmi, faşizmi, vəhşi kapitalizmi gətirər. Mədəni, məlumatlı bir adam o yollara girməz. Çünki elmi görsə Allahın sənətini görər. Allahın sənətini görsə Allaha aşiq olar. Allaha aşiq olan Allahdan qorxar, Allahı sevər. Qurana tabe olar. Dünyanın ən mükəmməl, ən yaxşı insanı olar, inşaAllah.

Ziyalı Türkiyə demək kommunizmə, faşizmə, vəhşi kapitalizmə qarşı Türkiyə deməkdir. Təhsilli, elmli bir adam necə darvinizmə, materializmə inansın, kommunist olsun?

Dövlət universitetləri, ibtidai təhsil necə pulsuzdursa, eyni şəkildə internet də dünya səviyyəsində ən mühüm təhsil təşkilatı olduğu üçün pulsuz olmalıdır. Təhsil üçün pul verilməz.

Bütün Türkiyə naqilsiz internetə qoşulsun. Bu Türkiyənin müasirliyi, irəliləməsi üçün çox vacibdir. Bu limit haqqını da ləğv etsinlər. 24 saat internet, vəssalam.

Kommunizm ancaq elmi mübarizə ilə məğlub edilər. Dünyanın heç bir yerində kommunizmi güc yolu ilə dayandıra bilmədilər.

Hökumətimiz interneti ən vacib mövzu olaraq qəbul etsin. Bütün Türkiyədə internet əlaqəsi havadan olsun və hər cür internet məhdudlaşdırması qaldırılsın. Hər kəs istədiyi vaxt rahat şəkildə internetə girə bilsin. İnternet məhdudlaşdırması kitabın üz qabığına kilid vurub, "oxuya bilməzsən" demək kimi bir şeydir.

Ödənişsiz və limitsiz internet tətbiq ediləndə bütün Türkiyə universitet halına gələr. Hətta dövlətimizin imkanı olmayanlara kompyuter verməsi çox yaxşı olar. Hər kəsin kompyuteri olmalıdır.

Türkiyədə hər yerdə naqilsiz, havadan internet tətbiqi limitsiz olsun. Cəmiyyətdə informasiyanın artması çox əhəmiyyətlidir. Savadı olmayan cahil bir cəmiyyətdə demokratiya olmaz.

İstəyən istədiyi kimi, necə istəyirsə elə yaşasın. Nə internetə, nə facebooka, nə skype-a, nə insanların dini inancına, nə də düşüncəsinə qarışılsın. Hər kəs azad olsun. Din belə mühitdə rahat şəkildə inkişaf edər.

Heç bir yerdə sevgi ifadəsinə rast gəlmirik. Hansı internet səhifəsini açsaq hamısında nifrət ifadələri ilə qarşılaşırıq. İslam aləmində də sevgidən bəhs edilmir. Əksinə ağlasığmaz bir nifrət üslubu var. Halbuki, dünyanın əsl ehtiyacı, qidası sevgidir.

Yüksək mədəniyyətə sahib olan bir insanın kommunist olması çox çətindir. Kommunistlərə şəfqətlə yaxınlaşaraq həqiqətləri dəlil və sübutları ilə izah etmək lazımdır.

Bədiüzzamanın diqqət çəkdiyi 2010-cu ili, Mehdi (ə.s)-ın ən canlı fəaliyyət göstərdiyi illərdən biridir.

2012-ci ilin sonlarına doğru hadisələr daha da şəkillənəcək, inşaAllah. 2012-ci il əhəmiyyətlidir. 2014-cü il fəaliyyətə başlama ili olacaq, inşaAllah. 2014-cü ildə də burda olub görüşəcəyik. Ondan sonra artıq yollar inananların və sevənlərindir, inşaAllah. Əsas yolda gedən kimi gedəcəyik, inşaAllah. İndi altımışla gediriksə, onda iki yüzlə gedəcəyik, inşaAllah.

Hər Marksist, Leninist ümumi mədəniyyətə çox əhəmiyyət verir və təbliğat edərkən onunla qarşısındakı insanı ovsunlayar, təsir edər. İnsanlar gecə-gündüz kitab oxuyur. Biz də gənclərimizi hər cür fəlsəfəyə qarşı hazırlayacaq, məlumatlandıracağıq.

Darvinizm çox sadə, primitiv bir nəzəriyyədir. Yəni elə kompleks deyil. Amma cavabının verilməsində ümumi mədəniyyət, elmi dünyagörüşü, təbii ki, əhəmiyyətlidir.

Atatürkün hədəfi ümumi mədəniyyəti inkişaf etmiş hər şeyi araşdıran, mühakimə edən, mübarizə edən, üfüqü geniş, vicdanı azad, öz azad gəncliyini yaşamaq idi. Bu, bizim də hədəfimizdir, inşAllah.

BİZİM ƏSƏRLƏRİMİZ VƏ SAYTLARIMIZ ÇOX BÖYÜK BİR ELM DƏNİZİDİR. QARŞIDAKINA MÜTLƏQ TƏSİR EDƏR. Qardaşlarımız geniş çərçivədə faydalanırlar, amma təsirimizi çox daha çox artıraq, ətrafımızı genişlədək.

Başı açıq qadınlara Allah sevgisini verməkdə Allah bizi vəsilə edir. Aydın, gümrah, çox keyfiyyətli bir gənclik davamlı inkişaf edir. Bir çox ölkədə dini kitablar qadağandır. Amma bizim kitablarımız sərbəstdir, çünki ÇOX MÜSBƏTİK, ŞƏFQƏT GÖSTƏRİRİK , BİLİK VƏ ELMLƏ YAXINLAŞIRIQ VƏ YOBAZLIĞA ŞİDDƏTLƏ QARŞI ÇIXIRIQ. SƏHABƏ DÖVRÜNÜ İSTƏYİRİK, O DÖVRÜN XOŞBƏXTLİK MÜHİTİNİ İSTƏYİRİK.

Bütün elm adamları kitab yazarkən hazır məlumatlardan istifadə edərlər. Peyğəmbərimiz (s.ə.v) "Elm Çində belə olsa arxasıyca gedin" deyir. BİZ DƏ ELMİ HƏR YERDƏN ÖYRƏNMƏLİYİK, ƏSAS ODUR Kİ, DOĞRU OLSUN. Avropada inkişaf etdirilmiş elmi bir şərhi niyə istifadə etməyək? Tibbdə yeni bir dərman var, istifadə etməyəkmi? O məntiqlə TV-ni də istifadə etməyək ki, müsəlman olmayanlar icad etdi. Peyğəmbərimiz (s.ə.v) “Elm insanın malıdır, harada tapsa oradan öyrənər” deyir. Biz də elmi harada tapsaq öyrənməyə çalışaq .

Gerçəklər, yazıyla, elmlə izah edilər; qışqırmaqla qarşı tərəfi razı salmaq olmaz.

Din dərsində xristianlıq, yəhudilik, müsəlmanlıq izah edilməlidir. Şiəlik, ələvilik, bektaşilik hamısı izah edilməlidir. Bu ümumi mədəniyyətdir.

İman, dərin iman bütün məsələ budur. Yoxsa çoxbilmişlik etmək, çox dünyagörüşlü olmaq, səkkiz dil bilmək, bütün ziyalı dünyagörüşünü su kimi əzbərdən oxumaq, izah etmək sıfırdır. Hətta bu insanlara xoş gəlməz, qəzəbləndirər. İnsanlar hikmət insanlarını sevər, dərin insanları sevər, dərin imanlı səmimi insanları sevərlər.

PKK mədəni, elmi cəhətdən gəncləri zəhərləyərək böyük bir kütləni idarəsi altına ala bilər. PKK-nın siyasi məqsədi bu kommunist təbliğatdır.

Ələvi Allaha, peyğəmbər (s.ə.v)-ə, hz. Əli (r.ə)-a aşiqdir. Ürək əhlidir. Buna görə də Allah onların ürəyinə gözəl sözlər ilham edir. Məsələn, şiə nitq üslubu nəfis, möhtəşəmdir. Ələvi türküləri möhtəşəmdir. İnsan dinləməkdən doymur.