Adnan Oktar A9 TV; 1 noyabr 2013

Rakim əhli də, Kəhf əhli də gənclərdən ibarət olur. Rakim əhli hz. İsa (ə.s)-ın tələbələri, Kəhf əhli də hz. Mehdi (ə.s)-ın tələbələridir.

Əshabı-Kəhfi də, hz. Mehdi (ə.s)-ı da, İsa Məsih (ə.s)-ı da imanın nuru ilə ayırd edəcəyik, inşaAllah.

Axırzamanda Əshabı-Kəhf kimi insanlar olacaq. İsa Məsih (ə.s) da onların içində olacaq. Bəlkə də ailəsi olmayan, keçmişini bilməyən 10, 15, bəlkə də 20 nəfər insan olacaq. Onların içərisindən birinin İsa Məsih (ə.s), bir qisminin də Əshabi-Kəhf olduğunu anlayacağıq.

Aradan 2000 il keçib, İsa Məsih ikinci dəfə dünyaya qaytarıldığında, romalı əsgərlərin qapıda durduğunu zənn edəcəklər. İsa Məsih bir an keçdiyini, yatdığını zənn edəcək. Bir saniyə qədər yatdığını zənn edəcək. Min ildə Allah qatına çıxmış və min ilə də enmişdir.

Allah Quranda min ilin nisbi olduğuna diqqət çəkir. İsa Məsih min ildə Allah qatına yüksəldi, min ildə də Allah qatından endi. Amma bu göz açıb bağlayana qədər oldu, yəni bir an içində. İsa Məsih (ə.s) gözünü bağladı, Allah qatına yüksəldi, gözünü açdı, dünyaya endi.

İnsanları aldatmağa ehtiyac yoxdur; Mehdi (ə.s) da, İsa Məsih (ə.s) da artıq həyatdadır və hal-hazırda fəaliyyətdədirlər.

Allah Təala İsa Məsih (ə.s) ilə Mehdi (ə.s)-ı sevgisizliyi aradan qaldırmaq üçün göndərər.

Hz. İsa (ə.s) gizli olacaq, Mehdi (ə.s) isə zahir olacaq.

Hz. İsa (ə.s)-ın fəaliyyəti gizli olar. Hz. İsa (ə.s) ictimai təbliğ etməz. Hz. Mehdi (ə.s) isə zahir olar, açıq-aşkar ictimai fəaliyyət göstərər. İsa Məsih gizli qalibanədir (qalib gəlmiş bir tərzdə, üstün gələrək). Yəni açıq-aşkar fəaliyyət göstərməz. Yalnız siyasi fəaliyyət göstərər.

Amerikanın tarixində indiyə kimi görünməmiş iqtisadi çöküntü, İsa Məsihin çıxış əlamətidir.

Amerika kimi güclü bir dövlətin müflisləşməsi, Mehdi (ə.s)-ın, İsa Məsihin həm çıxış, həm də fəaliyyətdə olmalarının əlamətidir. Allah onları Özünə qaytarmaq üçün, sevginin, mərhəmətin, şəfqətin əhəmiyyətini göstərmək üçün bunu edir.

İslam Birliyini, hz. Mehdi (ə.s)-ın gəlişini, İsa Məsih (ə.s)-ın enişini rədd etsən, bu Allaha xoş gəlməz.

Cənnətdə musiqi var. Allah bunu ürəyimizə bir məmnuniyyət olaraq verir. Bütün millətimiz əylənər, oynayar, gülər, musiqi dinləyərlər. Qatı dinçiliklərə görə bu doğru deyildir. Musiqi nemətdir, tərtəmiz bir şeydir. Ruhu cilalayan, ürəyi açan möhtəşəm gözəllikdir. Quşlar, şəlalələr belə―hər yerdə musiqi vardır.

Musiqi bir gözəllikdir. Ürəklərə sevinc, rahatlıq verər. Ürəyi qüvvətləndirər. İslam üləması belə "ürəkdə sıxıntı olanda gözəl musiqi ürəyi rahatladar, könlü açar" deyir, maşaAllah. Hz. Mövlananın tətbiqi bu idi.

Cənnətdə musiqi var, rəqs vardır. Cənnətdə olan burda da vardır. Cənnətdə Allah gözəl görürsə, burada da gözəl görür.

HƏYAT İMANLA GÖZƏLLƏŞİR. Məsələn, musiqi imanla gözəldir. Məsələn, deyir ki: "İçək, keflənək" Beynin dumanlanar, məhv olarsan. Nə musiqidən, nə də başqa bir şeydən zövq ala bilərsən. HƏR ŞEY İMANLA YAŞANILSA GÖZƏL OLAR.

Müsəlmanlar sənətə, musiqiyə, qadınların dekolte geyinməsinə qarşı çıxdıqlarına görə, avropalılar da artıq bunlardan bezir. Heykələ, portretə, musiqiyə, əyləncəyə, qadınların gülməsinə, küçəyə çıxmasına, dekolte geyinməsinə, kişinin saqqalını kəsməsinə qarşı çıxırlar və verdikləri cəzalar da həmişə ölümdür.

İslam hər yerə hakimdir. Əyləncə mərasimində də Allah barəsində danışarsan, toyda da. Əyləncə mərasimində Allah barəsində danışmaq olmaz kimi bir şey yoxdur. Bu dinsizliyi rəvac edəcək şəkildə yaymağa çalışan bir məntiqin əsəridir. Çünki, insanlar musiqiyə və əyləncəyə maraq göstərir. "Musiqi, əyləncə olduqda Allah barəsində heç danışmayın, susun" deyirlər. Dinsizlik məhz bunun nəticəsində yaranır.

Musiqini bilavasitə yaradan Allahdır. Gələn musiqidirmi? Deyil. Səs dalğasıdır. Dalğa qulağa gəlib çatır, qulaqsa eşitmir, kardır. Dalğanı çatdırır, onu elektrik halında verir. Beyin də onu musiqi olaraq dinləyir. Ortada musiqi yoxdur, bax musiqi heç yoxdur. Çalınan yerdə musiqi yoxdur. Çöldə musiqinin olmaması çox qəribədir, çöldə yoxdur.

Əgər sənəti pis qarşılasan, musiqiyə, rəsmə, heykələ, memarlığa qiymət verməsən, sənətçini əzməyə çalışsan, rəsm olan evdən qaçmağa çalışsan, "it şeytandır, gördüyün vaxt qov" desən, onda o ölkə inkişaf etməz. Avropa ölkələrinin inkişafının səbəbi sənətə, elmə dəyər vermələridir.

Din, dünyanın bütün gözəlliklərini özündə toplayan bir sistemdir. Dində sevinc var, nəşə var, əyləncə var, musiqi var. Xanımlar rahatlıqla gəzər, istəsə dekolte geyinər, istəsə başını örtər, heç kim heç kimə qarışmaz. İstəyən qəhqəhə çəkib gülər, istəyən döymə elətdirər, istəyən də parik taxar. Din belə şeylərə qarışmaz. Din bizim vicdanlı, dürüst, ağıllı, halala, harama diqqət yetirən kimsələr olmağımızı istəyir. Din sevincin, nəşənin digər adıdır.

İnsanlar qəlbdə, ruhda dindar olacaqlarını gördülər. Musiqi dinləyə biləcəklərini, qadınlar başı açıq gəzə biləcəklərini, eyni zamanda dindar olub namazlarını da qıla biləcəklərini gördülər. Onun üçün din, Türkiyədə gizli şəkildə mükəmməl yayıldı. Özünə hər yerdə fövqəladə bir zəmin tapdı.

Sən Qurana tabe olursansa, musiqiyə haram deyə bilməzsən, şəklə, heykələ, gülməyə, əylənməyə haram deyə bilməzsən, amma qatı dinçi ənənəvi sistem içindəsənsə musiqi haramdır, şəkil haramdır, heykəl haramdır.

İnsanlar, hüceyrəni, xromosomları, vakuolları, sitoplazmanı yorulmadan və diqqətlə araşdırmalıdırlar. Çünki Allah bizim xoşumuza gəlsin deyə Allahın yaradılış sənətini görək deyə yeri, göyləri və onlar arasındakıları yaratmışdır.