Adnan Oktar A9 TV; 7 mart 2015

Bunu dərk etməlisən ki, biz Türkiyənin bölünməsinə izin vermərik. Nə federasiya, nə o, nə bu ad altında bölünməsinə izin vermərik. Əsgərimizin, polisimizin qatillərini də heç vaxt buraxmarıq. Heç vaxt izin vermərik, canımız bahasına da olsa izin vermərik. Şəhid olarıq, amma bu vətəni bu namərdlərə, PKK-ya təslim etmərik. Bunu unutmalıdırlar.

Federasiya, yerli rəhbərlik, birləşmiş dövlətlər, bunların hamısı Türkiyəni bölmə məqsədi daşıyan fəaliyyətlərdir.

Gənclik daha qərarlı olmalıdır. İdealist gənclik bu istiqamətdən daha yaxşıdır. Öyrədilmiş, təchizatlı, qərarlı, ciddi, çəkindirici bir ünsürdür. İdealistlər kükrəyəndə bir çox yer titrəyir. Bu titrəmə hiss edilir.

MHP-nin aktiv bir gəncliyi var. Yetişdirilmiş, siyasi və ideoloji cəhətdən təhsil almış bir gəncliyi var. Amma Ədalət və İnkişaf Partiyasının belə bir gəncliyi yoxdur. Bunu Ədalət və İnkişaf Partiyası da etməlidir. Milliyyətçi, vətənpərvər, vətənə, bayrağa, millətə, dövlətə zərər verməyə çalışanlara qarşı kükrəyən bir gənclik yetişdirməlidirlər. Bu vacibdir.

Türkiyəni bölünməsinə icazə vermərik. Amerikan modeli bir federasiyanı heç vaxt qəbul etmərik. O Türkiyəni parça-parça edər. Qatilləri də sərbəst buraxmarıq. Həbsdə qalacaqlar. Bu qədər.

Türkiyənin sahibləri çox güclüdür. Vətənpərvər gənclik Türkiyənin sahibidir, BBP-lilər Türkiyənin sahibidir, Səadət Partiyasının dindar gəncliyi, CHP-nin fəal, diribaş gəncliyi, Ədalət və İnkişaf Partiyasının dindar gəncliyi, hamısı Türkiyənin sahibidir. Buna görə heç kim Türkiyəyə oyun oynaya bilməz.

Əsgərin gözü çox qaradır. O Allah, Kitab, vətən, bayraq, millət, dövlət üçün yaşayır. Əsgərin həyatda başqa bir məqsədi yoxdur. Əgər əsgər vətənin bölünəcəyini anlasa, onu heç kim tutub saxlaya bilməz. Jandarmanı da heç kim tutub saxlaya bilməz, polisi də heç kim tutub saxlaya bilməz. Kim alçaqlıq, xainlik edibsə qanunla və hüquqla onu sürükləyib meydana çıxarar.

Rəhmətlik Başbuğun gəncliyə verdiyi ruh, fəlsəfə, dövlət kitablarında oxudulmalı olan, dövlətin rəsmi siyasəti olmalı bir ruhdur. Gəncliyin də bu şəkildə yetişdirilməsi lazımdır. Bunu etmirlər. Bu çox dəhşətli bir şeydir.

Millətçi gəncliyin yaxşı xüsusiyyəti, çox dəliqanlı, cəsur olmasıdır. Əslində bütün türk gəncliyinin bu mənada dəliqanlı olması lazımdır. Qorxaq bir gənc ola bilməz. Vətəndən söhbət getdikdə qız da, oğlan da dəliqanlı olmalıdır.

CHP gecə-gündüz Allahdan bəhs etsin, cənab Kılıçdaroğlu ayələrlə danışsın, İslam Birliyini müdafiə etdiklərini açıq şəkildə bildirsinlər. Sülhü, qardaşlığı, sevgini, Bədiüzzamanı tərifləsinlər, Süleyman Hilmi Tunahanı tərifləsinlər. Bir sözlə, Atatürkün dindarlıq anlayışını müdafiə etsinlər. Eynilə Atatürk kimi olsunlar, qalib gələrlər, 70% səs çoxluğu ilə hakimiyyətə gələrlər.

Biz Cümhuriyyət Xalq Partiyasını dindar olması üçün daim təşviq etdik və xeyli irəliləyiş əldə etdilər. Dindarlığa doğru çox gözəl addımlar atdılar. Amma atdıqları hər addım onların burnundan gətirilsə, hər addımlarından sonra mənfi sözlər eşitsələr, onda bir hissəsi dindarlığa qarşı çıxa bilərlər. Bu da yaxşı olmaz. Digər mövzularda tənqid etsinlər, amma mənim fikrimcə din mövzusunda bunu etmələri səhv olar. Çünki onların dindar olması bütün müsəlmanların lehinədir.

Qadının hər yerdə ən azı kişilər qədər güc və say etibarilə çox olması, AK Partiyası tərəfindən dəstəklənilməlidir. Məsələn, məclisdəkilərin ən azı yarısı qadın olsun. Dövlət idarələrində işləyənlərin ən azı yarıya qədəri qadın olmalı və qadınlara üstünlük verilməlidir.

AKP, MHP, BBP, Səadət―bütün sağ partiyalarımızın fərqli gözəllikləri var. Hər hansı partiyanı təhqir etmək ağıllı hərəkət deyil. Bütün partiyaların yaxşı cəhətlərini bir yerə yığmaq ən məqsədəuyğun hərəkətdir. CHP də yaxşıdır, tarazlıq partiyasıdır.

MHP daxili və xarici təhlükələrə qarşı böyük gücdür. CHP qatı dinçiliyə qarşı mükəmməl potensialdır. Səadət Partiyası Ortodoks rəftarı ilə çox razıdır. Həmçinin Böyük Birlik Partiyasını da bütün qəlbimlə dəstəkləyirəm.

Səadət partiyası klassik Osmanlı ruhunu daşıyan, Ortodoks İslamı təmsil edən isti yuva, xoş yerdir. Mütləq olmalıdır.

MHP həmişə müstəqil bir güc kimi mövcud olmalıdır. İdealistlər, mücahidlər fərqli bir qüvvə kimi millətin zəmanətidir.

Bizim, idealist gənclərin, Alpərənlərin, bu imanlı millətin olduğu yerdə kommunizmə keçid baş verməz.

Darvinist, materialist təhsil verildiyi təqdirdə hər yeri bərəkətsizlik, uğursuzluq, bəla bürüyər. Darvinizm, materializm Allaha meydan oxuyan bir sistemdir, haşa. Eləcə də, bütün dünyaya hakimdir. Bu Türkiyəyə yaraşmır. Bizim darvinizmi, materializmi heç vaxt qəbul etməməyimiz, gənclərimizə doğrusunu öyrətməyimiz lazımdır.

PKK-nın olduğu hər yerdə, PKK-nın başının qanunla, hüquqla əzilməsi lazımdır. "Bəylər" deyir Atatürk, "Bir şey bilinməlidir ki, Türk aləminin ən böyük düşməni kommunizmdir. Hər görüldüyü yerdə əzilməlidir" deyir.

PKK-nın silahı yerə qoyması sadəcə yalandır. Adamlar kommunizmi hakim edəcəklərini düşünərək 40 ildir ki, mağaralarda gözləyirlər. Bu xəyaldır, silahı heç vaxt yerə qoymazlar.

Müsəlmana güllə atılmaz. Bu uğursuzluq gətirər, bəla gətirər. Çox böyük bir əxlaqsızlıqdır. Qarşılığı əbədi Cəhənnəmdir. Müsəlmana təbliğ edərsən, izah edərsən ayə ilə, hədislə, Quranla. Sən qatilsən ki? Havadan bombardman etmək nə deməkdir? Mühakimə edərsən, günahı varsa həbs edərsən.

Əsgərin əli ilə müsəlman öldürtmək ən böyük namərdlikdir. Heç bir türk əsgəri bunu qəbul etməz. Belə bir təklifi qəbul edəcək heç bir türk siyasətçisi də ola bilməz. Amerika uzaqdan həvəslənməsin,

Mehmetciyi qatil etmək istəyən dünyanın ən alçaq adamıdır. Mehmetcik onsuz da müsəlmana güllə atmaz. Müsəlman öldürmək çox böyük bir əxlaqsızlıq, tərbiyəsizlik və vicdansızlıq olar.