Adnan Oktar A9 TV; 22 dekabr 2015

Qadını keyfiyyətli olmayan bir ölkə, qətiyyən keyfiyyətli və müvəffəqiyyətli ola bilməz. Qətiyyən keyfiyyət əldə edə bilməz. Qətiyyən müasir ola bilməz, Avropalaşmış ola bilməz. Qadını ziyalı, azad, şən və baxımlı deyilsə, sevinmək, gülmək, idman etmək, yemək və içmək məsələlərində azad deyilsə, həmin ölkə heç vaxt aydınlıq ölkə deyil. Çox qararmışdır və hər qaralan ölkə mütləq dağılar, Allah qorusun.

Qadınlar xoşbəxt olarsa, cəmiyyət də xoşbəxt olar. Qadınların xoşbəxt olması üçün də, sərbəst olmalı və qorunmalıdırlar. Həm dövlət, həm də xalq qorumalıdır, hər kəs qadınları qorumalıdır, onlar hər yerdə üstün tutulmalıdırlar ki, şən olsunlar.

Hər keyfiyyətsiz dövlət dağılar. Qadını təzyiq altında olan hər dövlət məhv olar. Çünki insanların yarısı qadındır. Qadına zülm varsa orada rahatlıq olmaz. Allah intiqam alar.

Qadınlar rahat geyinməli, rahat yaşamalı və bütün dünyada sərbəst olmalıdırlar. Bunu etməyən hər ölkə həlak oldu. Qadınların azad olduğu hər ölkə, ən müasir, ən firavan, ən dinc ölkədir. Əksi olmaz. Çarşablı da istədiyi kimi geyinsin, üzünə rübənd salan da rübənd salsın, sərbəst olmalıdır, qadınlara təzyiq olmamalıdır.

Biz Avropalı, ziyalı, sevgi dolu olsaq, qadınlara dəyər versək, onların azad olduğu açıqca görülsə, incəsənətə, elmə, estetikaya çox əhəmiyyət versək, dünyanın ən keyfiyyətli ölkəsi olarıq. Hər kəs bizə heyran qalar. Bu olmasa qovrulub yox olarıq.

Qadını müasir olmayan ölkə heç vaxt müasir olmaz. Qadını rahat olmayan, qadını azad olmayan bir ölkə heç vaxt azad olmaz. Qadınların gülmədiyi bir ölkədə heç kəs gülə bilməz. Qadınlar xoşbəxt deyildirsə, heç kəs xoşbəxt olmaz.

İslamda çətinlik yoxdur. Allah asanlıq olmasını istəyir, ayədə dəfələrlə vurğulayır, "hz. İbrahim (ə.s)-ın dini kimi asandır" deyir. Başqa bir ayədə isə: "Allah sizin üçün çətinlik istəməz, asanlıq istəyər" deyir. İslam bayram kimidir, sevinc dinidir. Asıb-kəsmək, döymək, söymək və qadınlara həyatı zəhər etmək; bunlar yoxdur. İslamda qadınlar çiçək kimidir.

Qadınlar, çiçək kimi varlıqlardır. Onlara bu qədər iztirab, əzab verməyin nə mənası var? Buxarın dünyada gözəl yaşasınlar. O zaman Avropa da, Amerika da qapılarını Türkiyənin üzünə sonunadək açar. Bu PKK-lı alçaqları da onlar dəstəkləməzlər.

Hansı ölkədəki ki, Qadına təzyiq, zülm varsa həmin ölkə süqut edər. Allah bunu xoşlamaz, Allah qullarına zülm edilən yeri yox edər.

Bunu deyim ki, qadınlara azadlıq verilmədiyi müddətcə hər ölkə həlak olar. Bu mövzuda alınmış bir qərar var, bu Allah Qatındakı hökmüdür. Dünya baxımından da, bunun hökmü budur. Qadın əleyhdarı, qadına təzyiq və zülm göstərən hər sistem, hər hökumət, hər dövlət süqut edər, bunu bilməlidirlər.

Azadlıq olsun, demokratiya olsun. Bunun üçün hər kəs mümkün qədər mübarizə aparsın. Çünki azad mühitdə ağıl, incəsənət və elm inkişaf edər. Dövlət təzyiqi olduqda ağıl kütləşər. İnsanın müəllif gücü olmaz. İncəsənət xadimi çıxmaz, elm adamı çıxmaz. Sənaye də kütləşər, insanlar işləmək şövqlərini itirərlər.

Küfrdə azadlıq yoxdur. İslamda azadlıq var. Fironda, Nəmrudda azadlıq yox idi, lakin Rəsulullah (s.ə.v) dövründə azadlıqlar tam idi. Xristianlar da, musəvilər də sərbəst idi. Həmçinin sevgi, şəfqət, diqqət və qayğı görürdülər. Hər mövzuda qorunub himayə olurdular. Lakin Firon hər kəsi əzirdi.

İslamda tam azadlıq vardır. Sadəcə halallar və haramlar var, bu qədər. İnsanlar bunun içində mümkün qədər sərbəstdir. Yəni İslamda cəmiyyət təzyiqi yoxdur.

Türkiyə həm demokratiyada, həm hüquqda, həm azadlıqda, incəsənətdə, keyfiyyətdə, memarlıqda dünyanın ən üstünü olsun. Bütün dünyanı bu yolla xilas edə bilərik.

Türkiyə çarşablı qadınlar üçün də, hicablı qadınlar üçün də, dekolte geyinən qadınlar üçün də cənnət kimi olacaq. Hamısı çox azad olmalıdır.

Müasir olmaq, keyfiyyəti axtarmaq, incəsənət və estetikanı ön planda tutmaq ön planda olarsa, Türkiyə çox güclü olar. İncəsənət azadlıq, keyfiyyət və qadın hüquqlarının olduğu, qadınların azad yaşadığı ölkələrdə dövlət çevrilişi zehniyyəti formalaşmaz.

Dövlətin güclü olmasını təmin edən, vətəndaşın hər dəqiqəsini nəzarət altında saxlamaq deyil, keyfiyyətli insan yetişdirməkdir. Təzyiq, güc və zor tətbiqetmə, vətəndaşın ağlına və vicdanına dəyər verməmək, bunu da şəffaflıq adı altında etmək, İngiltərə dərin dövləti təlqinidir.

Kommunizmdə ictimai ədalət, təzyiq və güc tətbiq etməklə əldə edilməyə çalışılır. İslamda hər şey gözəlliklə, sevgi ilə və istəyərək əldə edilər, bərabərlik tam yaranar.

“Dində məcburiyyət yoxdur”. İnsanlara din zorla və təzyiqlə yaşadılmaz. Təzyiq və məcbur etmək Qurana görə haramdır.

İman gətirənlərə qarşı tarix boyu həmişə təzyiq və böhtan olmuşdur. Hər dövrdə böhtanla, düşmənçiliklə, nifrətlə qarşılaşmışlar.

Quran tam yaşandığı zaman din və həyat çox gözəl olar. Quran insanların üzərindəki bütün zəncirləri, təzyiqləri aradan qaldırar. Mümkün olduğu qədər azadlıq olar.

Şiddətlə gələn rəy rəy deyil. Bu utancdır. Necə pulunu zorla əlindən alan insan zorakıdırsa, bir insanı qorxudaraq rəyini alsan, onun rəyini zorla xeyirnə almış olarsan. Buna görə əxlaqa uyğun bir hərəkət deyil.

Bizim silahımız, hər şeydən üstün iman və imandan qaynaqlanan sevgimizdir, bu qədər. Güclü dindar olmalıyıq, həm də çox sevgi dolu olmalıyıq. Heç kəsdən intiqam almayan, hər kəsi barışdırmağa çalışan və hər kəsin yaxşı olması üçün çalışan insanlardan olmalıyıq.

Avropa və dünya səviyyəsində bütün insanların bizə dost olması, eləcə də, ən başda Allahın bizi sevməsi üçün, heyrətamiz sevgi müəllimi olmalıyıq. Yəni dünyada görülməmiş xarakter nümayiş etdirməliyik. Dünya bizi heyrətlə izləməlidir. Həmçinin daha çox müasir olmalıyıq.

Milli mənfəət məsələsi olmamalıdır. Hər kəsin mənfəəti üçün çalışmalıyıq. Özümüz əziyyət çəksək də, başqalarının xoşbəxtliyi üçün çalışmalıyıq. Belə nəcib millətə, nəcib dövlətə bu yaraşar. Bizə mənfəətpərəstlik, eqoistlik yaraşmaz.