Adnan Oktar A9 TV; 25 iyun 2014

Qadınlar son dərəcə ağıllı, incə düşünən, sənətkar ruhlu mükəmməl varlıqlardır. Qadınlar çox ağıllıdır. Təfərrüatları çox yaxşı görərlər, kişilərdən daha çox təfərrüatlı görərlər.

Qadına qarşı nifrət olduqca, İslam aləmində nicat, qurtuluş olmaz, bəla yağış kimi yağar. Allahın qullarının yarısı qadındır. Qadına belə nifrət Allahın bəlasını qazandırar.

Məclisin ən azından yarısının qadın olması lazımdır. Qadınlara da olduqca çox azadlıq verilməsi lazımdır. Kişi suverenliyi vardır, bu, açıq-aşkar görülür. Qadınlar xeyli üstündür, çox qiymətli, ağıllı, sadə, saf və bəzəkli, gözəl varlıqlardır. Onlar dünyanın bəzəyidir.

Dünyanın hər tərəfində qadınlar əzilir, insanlar bunu seyr edir. Mehdiyyət ilə bu bəla aradan qaldırılacaq. Mehdi (ə.s) bu bəlanı aradan qaldıracaq. Qadınların baş tacı olduğu sistem, qadınların olduqca azad olduğu sistem mehdiyyətdədir.

Qurandan uzaq olanda insanın ağlı gedir, davranışları pozulur, halala, harama diqqət etmir, nizamsız olur. Amma Qurana uyarsa, ağıl tam oturur, işləri yolunda gedir, bərəkət gəlir, üzərinə bir rəhmət, bir xoşluq, nur gəlir. Onun üçün Qurana möhkəm sarılmaq çox vacibdir.

Qadın çox mürəkkəb bir varlıqdır, çox diqqətlə davranmaq lazımdır. Sanki bir tül kimidir; o ruhun içində gəzmək üçün çox ağıllı olmaq lazımdır. Küt, zəif bir ağılla qadına yaxınlaşmaq adətən qeyri-mümkündür. Çünki çox tez inciyə, kədərlənə bilirlər. Yəni çox iti bir ağıl və diqqət lazımdır.

Qadınlar ağlı səy göstərək axtarırlar, çünki özləri çox ağıllı olduqları üçün ağıllı biri onlara çox təsir edir.

Qadınlara qarşı şəfqət ruhu qadına qarşı sevgini artırar. Bəziləri qadına yalnız cinsi mənfəət kimi baxır. O zaman nifrət ruhu ilə yaxınlaşar. Şəfqət, mərhəmət və onu qoruma ruhu sevgini çox artırar. Onsuz da Quranda həmişə şəfqətdən bəhs edilir. Yəni mərhəmətlə qarışıq sevgi, qoruyucu sevgidən bəhs edilir.

Allah insanların Ondan uzaqlaşmasına, Darvinizmə, materializmə meyl göstərmələrinə, materialist ruha düşmələrinə, xüsusilə də Qurandan uzaqlaşmalarına görə qadın gözəlliyini, qadın sevgisini dünyadan aldı.

Müsəlmanlar arasında tərəf saxlayan kənarda qalar. Müsəlmanlar arasında tərəf saxlamaq haramdır.

İnsanın özünü öldürməsi haramdır, günahdır. Qatil olaraq Allahın hüzuruna gedir, tövbə etmədən. Olmaz elə.

Allahın halal etdiyi haram qılınsa, Allah bəla verər.

Müsəlman göz görə-görə şərabı necə içsin? Boğazına tıxanar, istəsə də içə bilməz. Mömin zina ilə iflic olar. Əli qolu bağlanar, qüdrəti çatmaz. Günaha girmə gücü olmaz, bəsirəti bağlanar, edə bilməz, inşaAllah.

Qatı dinçilər Allahın Quranda halal buyurmasına baxmayaraq bir çox yeməyi və zinəti haram etməyə meyillidirlər. Allah ayədə "bütün zinətləri Mən yaradıram, sizə kim haram etdi?" deyir. Kim edir? Xurafatçılar edir.

Haram insanı sıxan bir şeydir. Haram mömini parçalayar. Haram olduğunu bilə-bilə harama girmək, haram iş görmək mümkün deyil. Amma imanı zəif olanlarda bədən iflic olduğu üçün, ət çürüdüyü üçün harama girməkdən təsirlənməzlər. Rahat şəkildə harama girərlər. İnsan diri olduğu halda harama girməsi qeyri-mümkündür. İnsan ancaq ölü olduğunda harama girə bilər. Dirinin gücü çatmaz, harama girmək dözülməz bir əzabdır. Möminin edə biləcəyi bir şey deyil.

Batil inanc olaraq, kişinin zina etməsini qürurlu, şərəf olaraq görürlər. Halbuki, əsl alçaldıcı olan odur. Qadın orada passiv, yazıq mövqeyindədir. Kişinin zina etməsi çox bərbad bir şeydir.

Fahişəlik yalnız cinsi əlaqə ilə olmur. Allahın hökmünü tətbiq etmədikdə, qeyri-qanuni şeylər etdiyində yenə fahşa, böyük günahlar etmiş olarsan, fahişə mövqeyinə düşərsən. Fahşa, yəni səhv olan şeylər, böyük günahlar, qeyri-normal olan şeylərdir.

Fahişəlik edənin ətində ağırlıq və çirkinlik olar, fahişəlik üslubundan bəlli olar. Təmiz olan qadının üzündə xüsusi bir nur, işıq və şirinlik olar.

Şərab və fahişəlik İncil və Tövrata görə də haramdır. Əbdülhəmid dövründə qeyri-müsəlmanlar üçün içki vardı demək, yanlış məntiqdir.

Kişinin də iffətli olması lazım olduğunu çox adam gündəmə belə gətirmir. Fuhuş həm qadına həm kişiyə haram qılınmışdır. Özlərinə hər cür çirkinliyi sözdə qanuni görərkən, qadınları ağlasığmaz təzyiq altına almaq istəyirlər. Qadınları əzmək homoseksuallığın çox böyüməsinə səbəb olur.

Xanımlar bəzənəcək, onlar çiçək kimi bəzənəcəklər. Bəylər də bəzənəcək, yaraşıqlı olacaqlar. Mehdiyyət bəzək, gözəllik dövrüdür.

Dünyanı cəhənnəmə çevirməyə çalışanlara, dünyanı cənnətə çevirərək cavab verəcəyik.

Eşq dedikdə, Allah eşqi nəzərdə tutulur. Allah eşqlə sevilər. Təcəllisi də eşqlə sevilər. Bütün gözəlliklər Allaha aiddir. Bütün təriflər də Allaha aiddir. Bizim aşiq olduğumuz Allahdır.

Allah Türkiyənin böyüməsi üçün cəhd göstərənlərə kömək etsin. Yollarını açsın, bəsirətlərini, fərasətlərini artırsın. Yüksək vəzifələr versin, uğurlu etsin.