Adnan Oktar A9 TV; 2 mart 2015

Şimali İraq tərəfində 300-ə qədər PKK düşərgəsi var. Burada gecə-gündüz darvinizm və materializm izah edilir. Kommunizmin etibarlılığı izah edilir. Şam, elə bil, bir dağ akademiyası, kommunist akademiyası kimidir. Gecə-gündüz siyasət mövzusunda təhsil alırlar.

PKK-nın məqsədi, Cənub-Şərq bölgəsini ələ keçirmək, orada müstəqil kommunist Kürdüstan dövlətini yaratmaq və sonra da bütün bölgəyə hakim olmaqdır. Sonra da qəlbindəki kin və intiqam alovunu söndürmək üçün bütün türk millətini məhv etmək. Məqsədləri budur. Bəla addım-addım gəlir, hər kəs ağlını başına yığmalıdır.

Türk millətini, türk gəncliyini siyasi şüurla yetişdirmək lazımdır. Onlar darvinizmə, materializmə qarşı yetişdirilməlidir. İşğalçı kommunist rejimə qarşı nələr ediləcəyi izah edilməlidir. Gənclərə Allah, Kitab, din, iman, vətən, millət, bayraq sevgisi öyrədilməli və bunlar qəlblərinə nəqş edilməlidir.

Kobani qalıq bir şəhərdir. Yerlə-yeksan olmuş, məhv olmuş bir yerdir. Təkcə açıq muzey ola bilər, başqa bir şey ola bilməz. Ayənin işarə etdiyi kimi, Allahın dinsizlərə necə bir fəlakət verdiyini, müsəlmanları necə xilas etdiyini göstərməsi baxımından mənalıdır. Kürd qardaşlarımızı; dindar olanları, Allahdan qorxanları xilas edib Türkiyəyə gətirdik, PKK/YPG isə oradaca həlak oldu.

PKK heç vaxt silahı yerə qoymaz. Cənub-Şərq bölgəsində mövqe qazanmağa davam edəcəklər. Yeganə çıxış yolu, onların hüquqi çərçivədə oradan tamamilə çıxardılmasıdır. Başqa cür heç bir şəkildə olmaz. Ora bir xərçəng xəstəliyi mərkəzidir, o xərçəngli toxumanın əməliyyatla alınması lazımdır. Bundan başqa müalicə yolu yoxdur.

PKK-nın silahı yerə qoyması, hamıya məlum olan silahı yerə qoyma fəaliyyəti kimi deyil. Silahı “yerə” qoyur, lakin guya özünü müdafiə etmə gücü olaraq, əsgər, jandarma, polis olaraq yenidən götürür. Məsələ budur. Yoxsa bunlar Cənub-Şərq bölgəsində silahsız bir dövlət qurmağı düşünmürlər. Dövlət qurmaq istəyirlər, lakin tamamilə avtomat silahların hakim olduğu, hərbi hava limanlarının, istehkam obyektlərinin və uzun müdafiə etmə sistemlərinin olduğu geniş miqyaslı bir fəaliyyət aparmağı düşünürlər.

PKK heç vaxt və qətiyyən silahı yerə qoymaz. Bir az məntiqli kimsə bunu görər. PKK silahı yerə qoyduğu anda məhv olar. Silah demək güc deməkdir. İnsanlar gücə hörmət göstərirlər. Silahı əldən getsə, PKK-nı əzərlər.

Bunu dərk etməlisən ki, biz Türkiyənin bölünməsinə izin vermərik. Nə federasiya, nə o, nə bu ad altında bölünməsinə izin vermərik. Əsgərimizin, polisimizin qatillərini də heç vaxt buraxmarıq. Heç vaxt izin vermərik, canımız bahasına da olsa izin vermərik. Şəhid olarıq, amma bu vətəni bu namərdlərə, PKK-ya təslim etmərik. Bunu unutmalıdırlar.

PKK-nın olduğu hər yerdə, PKK-nın başının qanunla, hüquqla əzilməsi lazımdır. "Bəylər" deyir Atatürk, "Bir şey bilinməlidir ki, Türk aləminin ən böyük düşməni kommunizmdir. Hər görüldüyü yerdə əzilməlidir" deyir.

Türkiyə çox əhəmiyyətli bir dönüş mərhələsindədir, buna görə də, vətənpərvər gənclərin dəstəklənməsi, qorunub himayə edilməsi çox əhəmiyyətlidir. Onların şövqlərinin artırılması, onların gümrah saxlanılması çox əhəmiyyətlidir.

PKK-nın silahı yerə qoyması sadəcə yalandır. Adamlar kommunizmi hakim edəcəklərini düşünərək 40 ildir ki, mağaralarda gözləyirlər. Bu xəyaldır, silahı heç vaxt yerə qoymazlar.

Cənub-Şərq bölgəsində xalqın HDP-yə dəstək verməsinin səbəbi PKK-dan qorxmalarıdır. Başqa bir şey deyil.

Heç kim Türkiyənin bölünməsinə izin verməz. Abdullah Öcalanı da heç kim azadlığa çıxarmaz. Buna heç bir türk polisi izin verməz. Bizim bütün polislərimiz millətçidir. Vətən, millət, bayraq deyilən kimi, hamısının gözü dönər. Hamısı Allah üçün, vətən üçün, bayraq üçün ölümü gözə alar.

Kürdlər baş tacıdır. Kürd mənim canımdır, mən kürd üçün canımı verərəm. Amma PKK alçaqlarına qanunla, hüquqla dünyanı dar edəcəyik. Bunu bilməlisiniz.

Millətçi gəncliyin yaxşı xüsusiyyəti, çox dəliqanlı, cəsur olmasıdır. Əslində bütün türk gəncliyinin bu mənada dəliqanlı olması lazımdır. Qorxaq bir gənc ola bilməz. Vətəndən söhbət getdikdə qız da, oğlan da dəliqanlı olmalıdır.

Böyük Türkiyə üçün təcili surətdə mənəvi dəyərlərə əhəmiyyət verən bir gənclik yetişdirilməlidir.

PKK yetişdirdiyi bütün gəncləri bilavasitə məqsədyönlü olaraq öyrədir. Tamamilə həyatın sosial tərəflərindən uzaqlaşmışlar. Yalnız hədəfə bağlanmışdırlar. Türk gəncliyi də belə olmalıdır. Milli-mənəvi hədəflərə bağlanmalıdırlar. Allah qorusun, belə olmasa fəlakət gələr.

Yeni yetişən gənclər arasında eqoist, darvinist, materialist quruluşlar meydana gəldi. Türkiyənin bölünməsi bunları maraqlandırmır. Buna qarşı tədbir alınmalıdır. Məktəblərdə; "Milli dəyərlər dərsi" keçirilməlidir. Bu dərsdə türk millətinin birliyi, bütövlüyü, PKK təhlükəsi, orduya sevgi, darvinizm-materializmin etibarsızlığı, bütün bunlar izah edilə bilər.

PKK gəncləri, misli görünməmiş siyasi təhsil və misli görünməmiş hərbi təhsil alırlar. Amma bizim gənclərimiz belə bir təhsil almır. Bizim gənclərimizə siyasi şüur verilmir. Bu baxımdan hərbi təhsil də alınmır. Bundan ötrü də, onlar bir dəstə itlə, böyük Türkiyə dövlətinə müqavimət göstərə biləcək hala gəlirlər. ABŞ da onları əl altından dəstəkləyir.

"Onsuz da əlimizdə bu cür hazır kütlə var, onların səslərindən rahat-rahat istifadə edək. Belə etməyimiz bizə bir müddət də kifayət edər" demək olmaz. Sürətlə yeni nəsil gəlir, kifayət qədər məlumat sahibi olurlar, məlumatlanırlar. Sən gəncləri ideoloji cəhətdən yetişdirmədikdə onlar da marksistlərin, leninistlərin, stalinistlərin əlinə keçir. Bu dəfə öhdəsindən gələ bilməzsən, çətin vəziyyətdə qalarsan.

Gənclər televiziya kanallarındakı boş proqramlarla vaxt keçirir. Bu, zehinləri boşaldan təhlükəli mədəniyyətdir. Milli şüura sahib nəsil yetişməlidir.

Bəzi gənclər arasında istehsaldan, texnologiyadan, elmdən tamamilə uzaq, yaradıcı olmaqdan, incəsənətdən, estetikadan tamamilə uzaq, hazır olanı yeyən, hazır olanla bəslənən və müftəxor olan ruh sistemi çox sürətlə yayılır. Məktəblərin tədris proqramına milli şüur dərsi əlavə edilərək buna qarşı tədbir alınmalıdır.

İndi görüləcək iş gəncləri maarifləndirmək, milli şüur dərsi keçməkdir. PKK mütəmadi təhsil verir. Kommunist terroristlər təhsil ilə bu hala gəlirlər. Biz də gənclərə həftədə üç saat milli şüur dərsi keçsək, olduqca faydalı olar.

Gənclərə milli şüur dərsi verilərək, onlara, kommunizm, darvinizm və faşizm təhlükəsinin nə olduğu, terrorun ideologiyasının nə olduğu, zorakılığın, sevginin və mərhəmətin nə olduğu öyrədilməlidir. Milli hədəflərimizdən, məsələn, Türk-İslam Birliyindən bəhs edilməlidir.

Qadın cinayətlərinə "dur" deməklə olmaz, verilən darvinist və materialist təhsilin dayandırılmasıyla olar. Əgər sən birini darvinist, materialist olaraq yetişdirsən, o da qarşısındakını böcək kimi görər. Öldürər də, asar da, kəsər də. Adamlar manyaka, dəliyə dönür. Ən gözəl üsul təhsildir. Qəlblərin Allah qorxusuyla nəqş edilməsi, darvinist, materialist sistemin dayandırılmasıdır.