Adnan Oktar A9 TV; 28 may 2017

İnsan dürüst şəkildə səmimi olaraq hər şeyin Allaha aid olduğunu anladıqda üzərindən şirkin bütün bəlaları yox olar, bütün çətinlikləri bitər.

Evlilik, Allahın rizasını axtararaq olmalıdır. İnsan yoldaşını seçərkən bu insan Allaha özünü təslim etmişdirmi, İslam üçün nələr etmişdir, İslamı yaymaq üçün nə edir, eqoistlikdən xilas olmuşdurmu, gözəl əxlaqlıdırmı kimi meyarlara baxıb axirət həyatı üçün yoldaşını seçər.

Təhsil müəssisələrində bütün dinlər və çox sayda dil öyrədilməlidir. Bir insan içində yaşadığı cəmiyyətin dinini bilmirsə o insan üçün böyük çatışmazlıqdır.

Şüuru açıq səmimi insan cəhənnəmə getməz.

Din ağır davranmaq deyil. Tam əksinə keyfiyyət, sevinc, gözəllik deməkdir.

Hər yuxu bir növ ölümdür. İnsan hər yuxuda ölər və hər səhər dirilər. Ölümdən oyanma da kəskin dirilişdir.

Quran çox açıq və dəqiqdir. Quranı oxuyan hər insan açıq və dəqiq ayələri anlayar. Eyhamla, xurafatla Qurandan hökm çıxardanlara etibar etməsinlər.

Ənənəçi ortodoks zehniyyət Türkiyənin üzərindən tam qalxsa bütün İslam aləmi xilas olar və işıqlanar.

Kiprdə hərbi qüvvəmizin azaldılması doğru olmaz. 80% azalmasın, tam əksinə 80% artsın, türk əsgərinin mövcud olması əmin-amanlıqdır, hüzurdur.

Təkcə Qurana tabe olan insan tam mənası ilə azaddır.

Allah ən yüksək sevgini istəyər. Dünyadakı çətinliklər istənilən bu sevgi səviyyəsini yüksəyə qaldırmaq üçündür. İnsanlar Allaha tam diqqətlərini versələr əslində çətinlik də yaşamazlar.

Mövlanaya aid olduğu iddia edilən kitablarda homoseksuallığı tərifləyən ifadələr var. Buna görə də, homoseksuallar da rumiliyə sahib çıxırlar. İngiltərə dərin dövlətinin rumiliyi israrla dəstəkləməsinin səbəbi də öz fəlsəfəsinə uyğun olması və homoseksuallığı müdafiə etməsidir.

İngiltərə dərin dövlətinin darvinizmlə, homoseksuallıqla, rumiliklə dünyanı məhv etmək istədiyini hələ insanlar tam anlaya bilmədilər, bəla böyükdür.

Bədiüzzaman həzrətləri hz. Mehdinin İstanbuldan çıxacağını, hicri 1400-cü illərdə vəzifə başında olacağını və dəccaliyyəti tam susduracağını bildirmişdir.

Diqqəti Allahdan heç ayırmamağı möminlərin bir-birinə xatırlatması gözəl olar. Hər yerə "şirkdən Allaha sığınıram" lövhələri də qoyula bilər. Hər şeyi edən Allahdır, Allahı unudub, başqa şeylərə güc aid etmək vicdansızlıq olar.

Münafiq təkcə müsəlmanlarla mübarizə aparar. Münafiqin vəzifəsi təkcə müsəlmanlara hücum etməkdir. Münafiq küfr əhli ilə, dinsizlərlə, dərin dövlətlə heç vaxt maraqlanmaz, təkcə yanından ayrıldığı möminlərlə mübarizə aparmağı hədəf qəbul edər. Ən çox da Peyğəmbərimiz (s.ə.v)-ə və səhabələrə diqqət yetirər. Münafiq Quran ayələrindən həmişə müsəlmanlar və Peyğəmbərimiz (s.ə.v) əleyhinə istifadə edər (haşa). Allahın münafiqlərə aid endirdiyi ayələrdən münafiqlər (haşa) Peyğəmbərimiz (s.ə.v) və səhabələrə aid imiş kimi istifadə edirdilər. Münafiq alçaq, ləyaqətsiz və xain olduğunu bilər, lakin özünü aldadaraq bunu görməzlikdən gələr. Münafiqlərə aid ayələrin də əhatə dairəsini çox yaxşı bilər, lakin sadəcə xainliyindən və alçaq xarakterindən dolayı bilərəkdən bu ayələrdən möminlərə qarşı istifadə edər. Peyğəmbərimiz (s.ə.v) dövründə yaratdıqları Dirar məscidində də münafiqlər həm əxlaqsızlıq edir, həm homoseksual cinsi əlaqəyə girir, həm də cinayət planı qururdular. Sonunda Allah hamısını cəhənnəm çuxuruna doldurdu.

Müsəlmanın ən yüksək keyfiyyəti hədəf seçməsi fərzdir. Çünki ən yüksək keyfiyyətdə İslama ən böyük xidməti edər. Ənənəçi sistemdə yanlış qənaətkarlıq anlayışı var. Qənaətkar olmaq baxımsızlıq içində yaşamaq deyil. Hər şeyin ən gözəlini istəmək, hər şeyin ən yaxşısı üçün səy göstərmək və hamısının Allaha aid olduğunu bilərək Allah yolunda istifadə etmək həqiqi qənaətkarlıqdır.

Allah insanların qəflətdən oyanmaları üçün tez-tez xəbərdarlıqlar yaradır. Kosmosda maqma qaynayan bir kürənin üzərində gedirik, ətrafımız meteoritlərlə əhatələnib. Çox insan bir dəfə belə Allahı yada salmır.

Allah axirətdə Qurana tabe olub olmadığımızı soruşacaq. Müsəlman təkcə Qurandan məsuldur.

Şəhidlərimiz cənnət əhli olur, nə gözəl xoşbəxtlikdir. Heç kim dünyada qalmayacaq. Şəhidlərimiz ən gözəl şərəflə dünyadan ayrılırlar. Allah şəhidlərimizin ailələrinə xoşbəxtlik içində səbir nəsib etsin. Övladlarının şəhidliyinə hər müsəlman kimi biz də qibtə edirik.

İnsanların bir-birinə etibar etməməyi və sevgi bəsləməməyi normal bir şey deyil, bu xüsusi sistemlə formalaşdırılmış mənəvi bəladır.

Allah ayədə "insan zalım və cahildir" deyə bildirir. İnsanların böyük əksəriyyəti, nankordur. Allahın böyük ağılı və himayəsi var, lakin şükür etmirlər.

Allah sevgisi güclü olduğu zaman dərin şəfqət, mərhəmət və fədakarlıq olar. Fələstin-İsrail probleminin həll edilməsi də Allah sevgisi ilə olar. Fələstinli gənclər də, İsrailli gənclər də, Allahı çox sevib səmimi dindar olduqları təqdirdə bir-birlərinə hörmət və sevgi bəsləyərlər.

Suriyadan gələn ərəb, kürd, türkmən hər kim olursa olsun bizim başımızın tacıdır. Türkiyə hamısına sevərək ev sahibliyi edir.

Nifrətlə nəticə əldə etmək olmaz. Əsəbi, kinli anlayışla heç bir problem həll edilməz. Allah sevgisindən irəli gələn sevgi və mərhəmət olmalıdır. İsrail-Fələstin məsələsində torpaq problemi deyil, sevgisizlik problemi var. Nifrət aradan qalxsa, sevgi və qardaşlıq ruhu yaransa, dərhal sülh hakim olar.