Adnan Oktar A9 TV; 24 iyul 2017

Bir çox insan sevgini bilmir, lakin mehdiyyət dövründə sevgi yüksək vicdanla, Allah qorxusu və Allah sevgisi ilə təcəlli edəcək.

Görünüş ilə təbliğ mühümdür. Baxımlı, keyfiyyətli, sevgi dolu mühitdə olduğumuzu göstərdiyimiz zaman İslamın gözəlliyini tam sərgiləmiş oluruq.

Quran ruhunun hər yerə yavaş-yavaş yayıldığını görürük. İnsanların sevgi, qardaşlıq və dostluq axtarışı bu ruhun əlamətidir.

Quran əxlaqına əsaslanan ağıllı sevgi, şəfqət, yetkinlik anlayışının insanlara mənimsədilməsi lazımdır. Bu da ənənəçi izahatla olmaz.

Ərəb düşmənçiliyi də, İsrail düşmənçiliyi də xüsusi təhriklə əldə edilir. Sevgisiz insanların nifrət siyasətinə qarşı səbirli izahat əsas şərtdir.

Xəta etdiyin vaxt, heç bir açıqlama vermədən dürüst şəkildə üzr istəmək keyfiyyətli insan əxlaqıdır.

Allah iman gətirənlərin canını çox gözəlliklə alar, insan heç qorxmaz, narahat da olmaz.

Sevgi, mərhəmət, şəfqət olmadıqda hörmət də olmur. Allahı sevən, Allahdan qorxan insan qətiyyən qarşısındakına hörməti itirməz.

Qadınları gözəlləşdirən ən mühüm şeylərdən biri azadlıqdır. Qadın azad yaşaya bildiyi zaman canlanar. Biz qadın azadlığının əsas olmasını istəyirik, bacılarımız sevgisiz, təzyiq göstərən, nifrət dolu tiplərin sözlərini qəti ciddiyə almasınlar.

Allahı sevməyi, Allahdan qorxmağı bilməyənlərin baxışlarında sevgi, gözəllik, şəfqət, dərinlik olmaz.

Romantizm ağlın bir kənara qoyulması deməkdir. Ağıl bir kənara qoyulduğu zaman sevgi və eşq qalmaz. Sevgi və ehtiras ağılla həqiqi zəmininə oturar. Ağıllı olduğun vaxt bağışlayarsan, cəsur olarsan, eqoist olmazsan. Romantizmdə isə insan mənfəət üçün sevdiyini sata bilər, bağışlaya bilməz, cəsarət göstərə bilməz.

İnsanların çoxu sevəcək insan tapa bilmədikləri üçün yalnız yaşayırlar. Hamısı sevgini axtarırlar, lakin dürüst, vəfalı, dərin sevgini tapa bilmirlər.

Bizi ən gözəl yetişdirən, ən dürüst, ən sabit, ən tutarlı, ən ağıllı olmağımızı təmin edən Qurandır.

Hörmətli Kılıçdaroğlu dürüst və təmiz insandır. Müxalifətin güclü olması Türkiyənin demokratik zənginliyidir, gözəllikdir.

Vicdanı təmiz, ağıllı insan gözlərindən həmən bəlli olar. Yaxşı insan da, pis insan da gözündən damğalanmışdır. Baxışlarından həmən bəlli olar.

Müsəlman yanlış bir söz deyəndə səmimiyyətlə üzr istəyib təkrarlamayacağını ifadə edər. Başqa mənaya yozmaq dürüst rəftar deyil.

Xarab olmuş yemək nədirsə, şərab da odur. İkisi də insan bədəni üçün zəhərdir.

Uşaqlarla ağıllı insan kimi danışmaq lazımdır. Uşaqlar da ağıllıdır, hörmət edərək, dəyər verərək danışılsa müsbət təsir yaranar.

Qarşındakı insan səmimi olmaya bilər, lakin mömin olaraq sən səmimi olmaqla məsulsan. Səmimi insan çox azdır. Onsuz da insanların bədbəxtliyinin səbəblərindən biri də budur, səmimi insan tapa bilməmələridir.

İslamı ən yaxşı Qurandan öyrənərik. Lakin Qurana mütləq səmimi, dürüst yaxınlaşmaq lazımdır.

Hər yuxu bir növ ölümdür. İnsan hər yuxuda ölər və hər səhər dirilər. Ölümdən oyanma da kəskin dirilişdir.

Dini izah edərkən ödəniş alınmasını haram gördüyüm üçün, kitablarımın heç birindən müəllif haqqı almıram. Təbliğdən pul alınmaz.

Əlil qardaşlarımıza hər zaman hər mövzuda prioritet vermək əxlaqın və vicdanın tələbidir. Bütün xalqa, əlillərin zərər çəkməməsi yönündə təhsil verilməsi lazımdır. Bu cür mövzular ağıl və könül işidir, ruh təhsili ilə olar.

İstanbul şəhərindən daha kompleks quruluşa malik olan hüceyrənin təsadüfən yarandığını söyləmək insanın ağlı ilə lağ etməkdir. Təkamül yalandır.

Tələbəni qorumaq, dəstəkləmək, ənənə və adətə çevrilməlidir. Necə ki, bayram cibxərcliyi vardırsa, təhsil alanı hər görən insanın da cibxərcliyi verməsi lazımdır.