Adnan Oktar A9 TV; 28 may 2017

Allah sevgisi güclü olduğu zaman dərin şəfqət, mərhəmət və fədakarlıq olar. Fələstin-İsrail probleminin həll edilməsi də Allah sevgisi ilə olar. Fələstinli gənclər də, İsrailli gənclər də, Allahı çox sevib səmimi dindar olduqları təqdirdə bir-birlərinə hörmət və sevgi bəsləyərlər.

Allah hamımızı hz. Mehdiyə və İsa Məsihə tələbə etsin. İslamın sevgi hakimiyyətini, nurlu hakimiyyətini Allah bizə göstərsin.

İnsanların bir-birinə etibar etməməyi və sevgi bəsləməməyi normal bir şey deyil, bu xüsusi sistemlə formalaşdırılmış mənəvi bəladır.

Allah axirətdə Qurana tabe olub olmadığımızı soruşacaq. Müsəlman təkcə Qurandan məsuldur.

Qadının əsas xüsusiyyəti sevmək və sevilməkdir. Sevgi olmadıqda qadın yorulmağa başlayar, həyat zövqü tamamilə əlindən gedər.

Mömin əfv edərək sağlam olar. Bağışlayıcı olmaq ehtirasın, sevginin, eşqin və dostluğun əsas xüsusiyyətidir. Bağışlayıcılıq yoxdursa, sevgi yaranmaz.

Hər zaman deyirəm ələvilər candır. İncəsənət xadimi ruhludurlar, arifdirlər, təfəkkürləri zəngindir, mövhumatçılığa qarşı bir qələmdirlər, sevgi insanlarıdır. Ələvilər əleyhinə danışanlar, məlumatsızlıqlarından və sevgisizliklərindən bu cür danışırlar.

Bədən Allahın insana təmin etdiyi gözəl portretdir, lakin bədən incəlik, ədəb, yüksək keyfiyyət və sevgi ilə bəzənmədikdən sonra insana xoşagəlməz gələr.

İnsan səbir, vəfa, sevgi, dərinlik, ağıl, keyfiyyətlə gözəl olar. Vəfasız, nəzakətsiz, incə düşünə bilməyən, dərinlik nədir bilməyən bir qadın, çox gözəl olsa da bəyənilməz. Allah bəyənilməyi ruhun ehtişamından asılı etmişdir.

Arda Turan tərbiyəli, nur kimi müsəlmandır. Sevgisiz insanların zəhərli dilləri ilə özünü narahat etməyə çalışmalarına heç etibar etməsin.

Musiqi halal, rəqs halal, rəsm, heykəl halaldır. Boşuna insanların üzərində təzyiq yaradırlar. İnsanların sevinc içində çox rahat yaşaması lazımdır. Öz qoyduqları lazımsız qaydalarla həyatı cəhənnəmə döndərirlər. Sevgi, gözəllik, incəsənət, musiqi, sevinc yoxdursa, həyat cəhənnəm olar.

Sevgi ən gözəl səmimiyyətlə izah edilər. Qadınlar səmimiyyətsiz komplimentlərdən çox narahat olar. Bir qadını, oradan-burdan eşitdiyi qəlibləşmiş cümlələrdən istifadə edərək, səmimi hörmət bəsləmədən edilən kompliment çox narahat edər. Qadın ağılsızlığı və səmimiyyətsizliyi dərhal anlayar.

Bir insana etibar etmək üçün onun ağlına, imanına, dərinliyinə baxmaq lazımdır. Etibar olmadan sevgi olmaz, olsa da, bu təkcə həvəs və həyəcan olar.

Türkiyədə Suriyalı problemi yoxdur. Türkiyədə Suriyalı qonaqlarımız var, canını qorumaq məqsədi ilə gələni qorumaq müsəlman üçün fərzdir.

Türkiyədəki ən böyük problem keyfiyyət problemidir. Keyfiyyət məsələsində bir nazirlik yaradılması çox yaxşı olar, hər kəs buna dəstək verəcəkdir.

“Eynilə, problem yoxdur, oha, məzələnmə” kimi cahil və qəlibləşmiş ifadələr işlətmək gənclərə yaraşmır. Təbii, zəngin üslubları olmalıdır.

Heç bir problem müharibə ilə, münaqişə ilə həll edilməz. Hər insana sahib çıxmaqla, hamını dost bilməklə, sülh ilə, sevgi ilə, etidalla həll edilər.

İslam Birliyi olsa müsəlman dünyasındakı bütün problemlər çox qısa müddətdə həll edilər. Müsəlmanlar lidersiz olduğu müddətcə problem bitməz.

Gözəl əxlaq insanı gözəlləşdirər. Ağıllı və dərin düşünən qadın heyrətamiz dərəcədə valehedicidir və gözəldir.

Keyfiyyətli insan tərifləndiyi zaman lovğalanmaz. Lakin insanların bir hissəsi qeyri-sabit olur, adi insan olduğu halda tərifləndiyi vaxt əxlaqları pozulur. Tərifləndiyi zaman lovğalanıb özündən çıxmaq müəyyən mənada ruhi xəstəlikdir və şəxsiyyət pozuqluğudur. Sevgi dolu, Allahdan qorxan, Allahı sevən insan hər zaman sabitdir, tərifləndiyi zaman əsla lovğalanmaz.

İnsan dürüst şəkildə səmimi olaraq hər şeyin Allaha aid olduğunu anladıqda üzərindən şirkin bütün bəlaları yox olar, bütün çətinlikləri bitər.

İnsan imtahanın sirrini tam bilsə zərrə qədər çətinlik çəkməz. Hər şeyin Allaha aid olduğunu çox yaxşı düşünmək lazımdır.

Evlilik, Allahın rizasını axtararaq olmalıdır. İnsan yoldaşını seçərkən bu insan Allaha özünü təslim etmişdirmi, İslam üçün nələr etmişdir, İslamı yaymaq üçün nə edir, eqoistlikdən xilas olmuşdurmu, gözəl əxlaqlıdırmı kimi meyarlara baxıb axirət həyatı üçün yoldaşını seçər.

Allah insanların qəflətdən oyanmaları üçün tez-tez xəbərdarlıqlar yaradır. Kosmosda maqma qaynayan bir kürənin üzərində gedirik, ətrafımız meteoritlərlə əhatələnib. Çox insan bir dəfə belə Allahı yada salmır.

Hədislərdə izah edildiyi kimi Sirat körpüsü anlayışı Quranda yoxdur. Axirətdə sorğu-sual var. Bu sorğu-sual mömin üçün asan, küfr əhli üçün çox çətindir. Möminin axirətdəki sorğu-sualı çox qısa və asan olduğu halda, küfr əhli üçün əzabverici şəkildə çətin və təfərrüatlıdır. Allah tək-tək hər şeyin hesabını soruşacaq.