Adnan Oktar A9 TV; 28 may 2017

Hədislərdə izah edildiyi kimi Sirat körpüsü anlayışı Quranda yoxdur. Axirətdə sorğu-sual var. Bu sorğu-sual mömin üçün asan, küfr əhli üçün çox çətindir. Möminin axirətdəki sorğu-sualı çox qısa və asan olduğu halda, küfr əhli üçün əzabverici şəkildə çətin və təfərrüatlıdır. Allah tək-tək hər şeyin hesabını soruşacaq.

İnsan imtahanın sirrini tam bilsə zərrə qədər çətinlik çəkməz. Hər şeyin Allaha aid olduğunu çox yaxşı düşünmək lazımdır.

Bir insana etibar edə bilməyimiz üçün ağıllı qiymətləndirmə aparmaq lazımdır. Quranın meyarı insanları diaqnoz etməkdə ən mükəmməl meyardır. Quranın meyarı ilə həm özümüzü, həm də insanları yaxşı tanıyarıq. Özümüz özümüzə necə zərər vermərik, insanları necə tanıyarıq, bunu öyrənərik.

Təhsil müəssisələrində bütün dinlər və çox sayda dil öyrədilməlidir. Bir insan içində yaşadığı cəmiyyətin dinini bilmirsə o insan üçün böyük çatışmazlıqdır.

Peşmanlıq insanın təhsili üçün vəsilədir. Lakin möminin peşmanlığı məhvedici peşmanlıq deyil.

Eqoistlik insan üçün ən çirkin haldır. Qadının da, kişinin də başqasını düşünən olması gözəldir. Özü üçün yaşayanı sevmək çox çətindir.

Şüuru açıq səmimi insan cəhənnəmə getməz.

Müsəlman Allah rizası üçün çox səmimi olar. Fəal, səmimi olanın yolunu Allah mütləq açar. Müsəlman əlində nə imkan vardırsa, ondan Allah üçün istifadə edər.

Hər yuxu bir növ ölümdür. İnsan hər yuxuda ölər və hər səhər dirilər. Ölümdən oyanma da kəskin dirilişdir.

Quran çox açıq və dəqiqdir. Quranı oxuyan hər insan açıq və dəqiq ayələri anlayar. Eyhamla, xurafatla Qurandan hökm çıxardanlara etibar etməsinlər.

Oruc tutmaq insana təvazökarlıq gətirər, oruc tutan insan şəfqətə və sevgiyə daha açıq olar.

Səmimi vicdanından istifadə edən insan hadisələrin onu sürükləməsinə icazə verməz, o hadisələri yönləndirər.

Şövqsüz və istəksiz bir Müsəlman, " evliyəm, ticarətim, məktəbim" deyər; "yorğunam, xəstəyəm" deyər, daim bəhanə tapar. Müsəlmanlar, İslama kömək etməli, Allah üçün fəaliyyət göstərməlidir. Həqiqi müsəlman isə hər zaman canlı, daim şövqlüdür.

Mömin əfv edərək sağlam olar. Bağışlayıcı olmaq ehtirasın, sevginin, eşqin və dostluğun əsas xüsusiyyətidir. Bağışlayıcılıq yoxdursa, sevgi yaranmaz.

Qadının əsas xüsusiyyəti sevmək və sevilməkdir. Sevgi olmadıqda qadın yorulmağa başlayar, həyat zövqü tamamilə əlindən gedər.

Hər zaman deyirəm ələvilər candır. İncəsənət xadimi ruhludurlar, arifdirlər, təfəkkürləri zəngindir, mövhumatçılığa qarşı bir qələmdirlər, sevgi insanlarıdır. Ələvilər əleyhinə danışanlar, məlumatsızlıqlarından və sevgisizliklərindən bu cür danışırlar.

Keyfiyyətli insan tərifləndiyi zaman lovğalanmaz. Lakin insanların bir hissəsi qeyri-sabit olur, adi insan olduğu halda tərifləndiyi vaxt əxlaqları pozulur. Tərifləndiyi zaman lovğalanıb özündən çıxmaq müəyyən mənada ruhi xəstəlikdir və şəxsiyyət pozuqluğudur. Sevgi dolu, Allahdan qorxan, Allahı sevən insan hər zaman sabitdir, tərifləndiyi zaman əsla lovğalanmaz.

Allahın çox sevdiyi insanı bütün dünya bir yerə toplansa məğlub edə bilməz. Tək bir insan Allahı çox sevdiyi zaman bütün dünyaya qarşı müvəffəqiyyətli olar.

Gözəl əxlaq insanı gözəlləşdirər. Ağıllı və dərin düşünən qadın heyrətamiz dərəcədə valehedicidir və gözəldir.

Allah hamımızı hz. Mehdiyə və İsa Məsihə tələbə etsin. İslamın sevgi hakimiyyətini, nurlu hakimiyyətini Allah bizə göstərsin.

Nifrətlə nəticə əldə etmək olmaz. Əsəbi, kinli anlayışla heç bir problem həll edilməz. Allah sevgisindən irəli gələn sevgi və mərhəmət olmalıdır. İsrail-Fələstin məsələsində torpaq problemi deyil, sevgisizlik problemi var. Nifrət aradan qalxsa, sevgi və qardaşlıq ruhu yaransa, dərhal sülh hakim olar.

Allah sevgisi güclü olduğu zaman dərin şəfqət, mərhəmət və fədakarlıq olar. Fələstin-İsrail probleminin həll edilməsi də Allah sevgisi ilə olar. Fələstinli gənclər də, İsrailli gənclər də, Allahı çox sevib səmimi dindar olduqları təqdirdə bir-birlərinə hörmət və sevgi bəsləyərlər.

İnsanların bir-birinə etibar etməməyi və sevgi bəsləməməyi normal bir şey deyil, bu xüsusi sistemlə formalaşdırılmış mənəvi bəladır.

Allah axirətdə Qurana tabe olub olmadığımızı soruşacaq. Müsəlman təkcə Qurandan məsuldur.

İnsan dürüst şəkildə səmimi olaraq hər şeyin Allaha aid olduğunu anladıqda üzərindən şirkin bütün bəlaları yox olar, bütün çətinlikləri bitər.