Adnan Oktar A9 TV; 25 Mart 2013

Amerika böyük gücdür, amma vurub yıxmaq mənasında deyil. Türkiyə mükəmməl sevgi gücüdür, mükəmməl iman gücüdür, Quranın mükəmməl gücüdür.

Ehtirasın təqlidi olmaz, ehtirası Allah yaradar. Allaha tam təslim olanda ehtiras böyüyər. Həqiqi ehtiras da, qarşı tərəfə Allah rizası üçün hiss edilər.

Təvazökarlığı qəbul etməsən, lovğalansan, təkəbbürlü olsan Allah bəla verər. Allah göstərməsin. Amma məzlum, təvazökar olsan bərəkət, hüzur, dinclik gəlir. Daxilin, xaricin, hər yerin nur olar. İşlərin rahatlıqla gedər. Əks təqdirdə Allah hər yerindən, hər şeydən çətinliyə salar. Bərəkət, hüzur, dinclik, ağıl, fikir, nur qalmaz. Allah əsirgəsin. Allah üzərinizdən nurunu qaldırar.

Bizi Allah, Quran, İslam Birliyi maraqlandırar. Allah bütün dünyaya hakimdir. Biz yaxşı olsaq səhv yolda olanlar bizə zərər verə bilməz. Güc Allahındır.

Çoxluqla öyünməyi Allah bəyənmir. Bəzi xurafatçılar "Bizim sayımız çoxdur" deyir, onunla öyünür. Halbuki, bu bərəkətsizdir. Çoxluq əhəmiyyətli deyil. Allahın razılığı, keyfiyyət əhəmiyyətlidir.

Bütövlük, ictimai ədalət rahatlıq yaradar. Mehdiyyətin demokratiya, rahatlıq, bərabərlik, sevgi, məhəbbət anlayışı hər cür ideologiyadan üstündür. Müqayisəsi qabil deyil. Son dərəcə səmimi və sürətli nəticə alınacaq bir sistemdir.

Allah hər yerdə, təcəlli olar: Üzümüzdə, başımızda, qollarımızda. Allah hər yerimizi görər, təcəllisi hər yerimizi əhatə etmişdir. Daxilimizi, xaricimizi hər yerimizi bilər. Cənab Allah elmi ilə, təcəllisi ilə hər yeri əhatələmişdir.

"Səbir et! Sənin səbrin ancaq Allahdandır. Onlara görə kədərlənmə və qurduqları hiylələrdən ötrü də sıxılma. (Nəhl surəsi, 127) Öz-özünə səbir edə bilməzsən, Allah sənə səbir etdirər. Qədərində varsa , Allah yaratsa səbir edirsən. Yoxsa səbir edə bilməzsən.

Bir kəsi özündən çıxaracaq tərzdə danışıqlardan çəkinmək lazımdır. Həmişə İslam Birliyinin İsraili də qoruyacağını, qoruyucu ruhu olduğunu vurğulamaq lazımdır. Daxili, xarici işlərinə müdaxilə edərək deyil, sevgi ilə qoruyacaq.

Müsəlmanın ilk xüsusiyyəti sevgi dolu olmasıdır. Sevgi dolu deyilsə o müsəlman deyil.

Daxili İşlər Nazirimizi Bədiüzzamana göstərdiyi hörmətə görə təbrik edirik. Ustadımıza olan sevgisi ilə könülləri fəth etdi.

Bizim modelimiz Quran modelidir, mehdiyyət modelidir, sevgi, eşq, söhbətin coşğusu modelidir.

Millətimiz harada sevgi, şəfqət var oraya dönər. Qəddarlıqdan qaçar, heç bir şəkildə oyunu verməz.

Biz sevgi üzərinə yaradıldıq. Sevgi ilə ürəyimiz rahatlayar. Nifrətdə boğularıq, bacarmarıq. Yəni ətimiz, sümüyümüz onu qaldırmaz. Bağışlayacağıq, hamısını qucaqlayacağıq.

Müsəlmanlar bir-birlərinə sevgilərini artırsınlar, bir-birlərinə bağlılıqlarını, məlumatlarını artırsınlar. Məsələləri mərhəmətlə, şəfqətlə, sevgi ilə həll etməyin üstündə dayansınlar.

Heç bir ölkəni, heç bir milləti alçaltmaq olmaz. Hamısına hörmətlə, sevgi ilə və şəfqətlə yaxınlaşmaq lazımdır.

Qürurla, üstünlük iddiası ilə İslam Birliyi olmaz, bunu heç bir ölkə qəbul etməz. Xidmət ruhu ilə, hörmətlə, sevgi ilə, şəfqətlə olar.

Dünya mərmi ilə deyil, iman və sevgi ilə düzələr.

İnsanın ağlı əhəmiyyətlidir. Ağlı görəcək, ürəyi təsdiq edəcək. Ağılla ürək eyni gücdə olmalıdır. İkisi birlikdə hərəkət edəcək. Əgər ağlını istifadə etməsə, sırf ürək ilə təsdiq etmək zəif iman yaradar. Güclü iman, təhqiqi-iman, aynəl-yakin iman çox güclü olar.

Peyğəmbərimiz (s.ə.v) bildirir ki, Mehdi (ə.s)-a qarşı, Mehdi (ə.s)-ın çıxışına maneə yaratmaq üçün yetmiş min müsəlman alim mübarizə aparar, amma daha sürətlə, güclü şəkildə inkişaf edər. O yetmiş min adam katalizatordur, daha da sürətləndirir. Elə fikirləşirlər ki, dayandıra bilərlər amma daha da sürətlənər.

Əsas məsələ iman məsələsidir. Bir insanın imanı güclüdürsə, mükəmməl olar. İmanı zəif olsa bir çox şeyə gücü çatmaz. Buna görə, imanı zəif bir insana təsəvvüflə yaxınlaşsan bir nəticə əldə edə bilməzsən. Quran möcüzələri ilə, iman həqiqətləri ilə imanını gücləndirib, sonra nə izah edirsənsə et.

Peyğəmbərimiz (s.ə.v) Mehdi (ə.s) barədəki hədisində belə bildirir: "İnsanlar haqqa dönənə qədər mübarizəsinə davam edəcək". Yəni vaz keçmək yoxdur. Əhatəsi nə qədərdir? Bütün insanlıq haqqa dönənə qədər, Mehdi (ə.s)-ın əzmi budur. Bütün insanlıq: Şimal qütbü, Afrika və s. Haqq İslamdır.

Dünyada mehdiyyəti bizim qədər ağıllı, elmi dəlillərə, qaynaqlara əsaslı şəkildə isbat edən, Risalə-i Nura, hədislərə, Qurana əsaslanan şəkildə, isbatlı izah edən heç bir birlik yoxdur.

Darvinizmi bu qədər mükəmməl, dünya səviyyəsində, elmi dəlillərlə məhv edən bizdən başqa bir kimsə yoxdur. Materializmi bizim qədər, bu qədər güclü fikirlə əzən yoxdur.

Bizim qədər iman həqiqətlərini əhatəli izah edən başqa biri yoxdur. Quranı bu qədər ağıllı, sadə və səmimi izah edən, komplekssiz, dəqiq, qısa və köklü izah edən yoxdur. Bu qədər Quran möcüzəsi izah edənləri görmədik.