Adnan Oktar A9 TV; 27 oktyabr 2016

Biz bu dünyada imtahan olunuruq, insan çətinliklərlə ucalar və keyfiyyətli, dəyərli hala gələr. Allahın təhsil üçün yaratdığı şərtləri bəziləri fəlakət kimi qəbul edir, dəyərini anlamırlar. Əzab və çətinlikləri, yəni cənnətin yolunu açan, insanın yetkin, keyfiyyətli hala gəlməsini təmin edən hər neməti bəziləri dərd kimi görürlər.

Müsəlman elm, irfan, hidayət, gözəllik verilənlərin yoluna yönəldilmək üçün dua edər, qəzəbə uğramışların, azmışlarınkına deyil.

Dünyadakı mal-dövlət və nemət ölümlə birlikdə geridə qalacaq. Daimi olan Allah və cənnətidir.

Allah sevdası, səmimi olan və Allahı dərin eşqlə sevənlərə möcüzəvi nemət kimi yaşadar.

“Çox gözəl danışdım” deyir. Xeyr səni danışdıran Allahdır. “Çox zəkalıyam” deyir. Xeyr, Allah zəkanı anbaan yaradır. Allah sənə hər an nemət verəcək, sən Allahı heç vaxt zikr etməyəcəksənsə bu Allahın xoşuna gəlməz.

Nemətlərdən həmişə və səmimiyyətlə hərdənbir, münasib vaxtlarda bəhs edilməsi insanlardakı mənfi şüur altı kodlaşdırmanı aradan qaldırar. Nemətlərdən qısa, əsaslı şəkildə bəhs etmək lazımdır, sıxıcı şəkildə bəhs edilsə insanların fikri dağılar, vaxtı gəldikcə yaxşı qavrayacaqları kimi bəhs edilməlidir.

Hər cür nemətin qaynağı Allahdır.

Münafiq nemətlərə qarşı şükür edən deyildir. Zəif ağlı ilə o nemətə onsuz da layiq olduğu qənaətindədir və nemətin Allahdan gəldiyinə inanmaz.

Hər şey Allah sevgisi ilə gözəldir. Allahın hədiyyəsi olduğunu düşündüyün zaman nemətlərdən zövq alınar.

Allah sevgisi həyatın ən mühüm nemətidir. Allah sevgisi olmadan heç bir sevgi olmaz, heç nəyin mənası da olmaz.

Əyləncə, musiqi, rəqs bəzilərinə görə müsəlmanlara qadağan edilməli olan nemətlər kimi göstərildi. Bütün dünya nemətləri müsəlmanlarındır. Müsəlmanlara öz aləmlərində hər şeyin pisinə layiq gördülər, yeməklərin, paltarların ən pisi müsəlmanların olsun istədilər, bu oyunu puç etdik. "Müsəlman musiqi dinləməz, rəsm çəkməz, qəzet oxumaz", "müsəlman qadınlar dekolte geyinə bilməz, gülə bilməz" dedilər, bunu da dəyişdirdik.

İnsanların zalım, nankor olması Allahın sevmədiyi haldır. Nankorluq çox qorxunc əxlaqdır. Allahın verdiyi nemətləri həmişə saymaq lazımdır. Müsəlmanın nemətləri həmişə yadda saxlaması və Allahı çox sevməsi lazımdır.

Allah möhtəşəm gözəlliklər yaradır. Bu gözəllikləri, bu nemətləri həmişə xatırlamaq, bəhs etmək əhəmiyyətlidir.

Allah yaxşıları qoruyar. Yaxşıların əlindən nemətləri almağa çalışdıqları zaman, o nemətlər daha da artar.

Allahın varlığı cənnət deməkdir, bizi sevindirər, sonsuz həyat deməkdir, bu bir insanın ən xoşuna gələcək nemətlərdən biridir.

Qız dostlarımın gözəlliyi, nəzakəti, ehtirası, nurları, təmizlikləri, imanları qısqanc insanları çox qəzəbləndirir. Möminlərin gözəlliyi pis əxlaqlı insanlar üçün bir növ əzabdır. Onlar qısqandıqca möminlər üzərindəki nemət daha da artar.

Oksigen çox böyük nemətdir. Heç kim bunu düşünmür. Çörək, meyvə nemətdir deyirlər, lakin oksigenin nə qədər mühüm nemət olduğunu söyləmirlər.

Peyğəmbərimiz (s.ə.v) cənnətdə; “ağıla, xəyala gəlməyən nemətlər olduğunu” bildirmişdir.

İman gətirənlərin həyatında dərinlik, mədəniyyət, nəzakət, yüksək vicdan, bərəkət, bolluq, təmizlik, bir sözlə, hər cür nemət üstünlüyü var.

Dünyada nemətlərin ölümlü olduğunu bilmək insanları narahat edir, çünki insanın fitrətində axirəti, sonsuzluğu istəmək var. Ölümün olması insanların diqqətini Allaha və axirətə yönəltmələrinə vəsilə olur. Buna görə xüsusi olaraq yaradılır.

İman həm dünyada, həm də axirətdə nemətə nail edən gözəllikdir. Lakin biz Allaha dünyada və axirətdə nemət versin deyə iman gətirmirik; varlığı açıq həqiqət olduğu üçün qəti olaraq, haqqəl-yakin iman gətiririk, aşiq olduğumuz, çox sevdiyimiz üçün iman gətiririk. Allahın rizası üçün yaşayırıq.

Dünyanın harasına getsək, hər yerdə Allahın mükəmməl yaratma sənətini görürük. Axirətdə bütün bu nemətlərə, gözəlliklərə görə sorğu-sual olunacağıq.

Allaha iman edirsənsə, səhər namaza durmamaq zülm sayılar. Çünki Allaha söz verirsən, mən Səni sevirəm deyirsən, nemətlərinin təqdir edirəm, şükür edirəm deyirsən. Lakin sənə təşəkkür etmək istəmirəm deyirsən. Belə olar heç?

Sübh namazına həvəslə durmalısan. Allah səni bu qədər incəliklərlə yaratmışdır, fasiləsiz surətdə nemət verir. Allah sənə səhər-səhər yemək verir, günorta da yemək verir, axşam da. Sənə fasiləsiz nəfəs verir, fasiləsiz ürəyini işlədir, gecə-gündüz. Ürəyini bir anlıq dayandırsa, ölərsən. Nəfəsini bir anlıq kəssə ölərsən. Sən təkcə bir namazı Allaha çox görsən, bu Allaha qarşı namərdlik olar.

Dinə qarşı həssas olmaq lazımdır, İslama güclü sahib çıxmaq lazımdır. Allah bizə sahib çıxır. Göz verir, burun, ağız, qulaq verir, ürəyi fasiləsiz işlədir. Dayandırsa yıxılarıq. Yemək verir, rənglər yaradır, səslər yaradır, gözəlliklər yaradır. Allah həmişə bizimlə əlaqədədir.