Adnan Oktar A9 TV; 22 may 2017

Allaha qarşı insan ən gözəl rəftarı göstərməklə məsuldur. Orta dərəcədə gözəlliyi müsəlman özünə yaraşdırmaz, ən gözəl rəftarı göstərər.

Qadınların səbri, mərhəməti, vəfası, ağlı, gözəlliyə olan meyli, incəliyi Allah tərəfindən onlara verilmiş ciddi üstünlükdür.

Zorakılığı zorakılıqla aradan qaldırmaq dəccaliyyət üsuludur. İslama görə pis yaxşı ilə, sevgisizlik sevgi ilə, ağılsızlıq ağılla yox edilər.

Şeytan diqqəti yayındıra bilər, unutqanlığa səbəb ola bilər, şüur altına pislik pıçıldayar. Ağlı və imanı güclü olan bunlara qarşı kəskin rəftar göstərər.

Qadının ruhuna ən çox təsir edən ehtiras, dərinlik, ağıl və sevgidir. Qarşısındakında ağıl və dərinlik görməyən qadın mənəvi cəhətdən ölmüş deməkdir.

Hadisələri hər zaman ağıllı qiymətləndirmək lazımdır. Bəzən insanlar çoxsaylı kütlələrin təsiri altında qalaraq hərəkət edir. Təklikdə nəcib olmaq lazımdır.

Bütün ürəklər Allahın nəzarətindədir. Allah hər an insanlara yaxşını da, pislikdən çəkinməyi də ilham edər.

Peyğəmbərimiz (s.ə.v) bir an belə özü üçün yaşamamışdır. Həyatın bütün yönlərindən çəkilərək hər anında təkcə Allah üçün yaşamışdır.

Mənim ən xoşbəxt olduğum an Allah ilə sıx əlaqədə olduğum zamandır. Allah ilə yaxınlıq insanı xoşbəxt edər, digərləri gəlib keçicidir.

Hər yerdə Allahın adının çəkilməsi, Allahı xatırlatmaq vacibdir. Bir restorana getsən menyuya baxar; “Allah necə də çox nemət yaradır” deyərsən. İnsanların bir çoxu Allahın adını nadir hallarda eşidirlər. Bir cümlə ilə Allahı xatırlatmaq insanlara həm qəlb rahatlığı, həm də cəsarət verər.

Bitkilərdə möhtəşəm ağıl var, bütün xüsusiyyətlərini özlərindən sonrakı nəsillərinə də ötürürlər, bu böyük elm tələb edir.

Bütün məxluqat cənnətdə ən gözəl və ən ağıllı halı ilə var. Cənnətin kəpənəkləri, qarışqaları, hər şeyi ağıllıdır.

Qadına ən mənfi təsir göstərən şey ağıl zəifliyidir. Qadının axtardığı ağıl, iman, dərinlik və ehtirasdır. Dərin düşünə bilməyən, nə dediyini bilməyən, ağlı zəif birini gördükdə qadın sevib bağlana bilməz. Beyni qapanar, özünü zorlasa da sevə bilməz.

Tək alma ağacındakı ağıl milyonlarla insanda yoxdur. Ağac hər cür mineralı, vitamini tanıyır, yetərli nisbətdə alır və lazımı qədər istifadə edir. Meyvənin içinə torpaqdakı zərərli olan heç nə keçmir, ağac mükəmməl təmizləmə sistemindən istifadə edir.

Ağıl anbaan yaradılır. Danışıq anbaan yaradılır. Ağlı verən də, danışdıran da Allahdır.

İnsan üçün ən mühüm məsələ Allahı hər an yadda saxlamaqdır. Allah ilə əlaqənin kəsilməsi fəlakətin başlanğıcıdır. Əlaqədə bir an belə kəsilmə olmamalıdır. Allah ilə əlaqənin bulanıqlaşması belə fəlakətdir. Allah ilə həmişə olduqca konkret və iti əlaqə olmalıdır.

Allah ilə hər an yüksək konsentrasiyada, dərin könül bağı ilə əlaqədə olmaq lazımdır.

Qurana çox möhkəm sarılan insanın zehnində heç bir çaşqınlıq olmaz. Allahı tərk etdiyin an zehin çaşqınlığı başlayar, Allah qorusun.

Qadının nəcibliyinə diqqət göstərərək, hörmət edərək tərif demək əhəmiyyətlidir. Qadın özü ilə ünsiyyətdə olanın keyfiyyətli və ağıllı olmasını istəyər.

Dindar olmadan əvvəl insanın beyni çox bulanıq olur, dinin hökmlərini də bulanıq olaraq bilir. Ağlında şüur və itilik tam yaranmır. Dini tam öyrənmədən əvvəl insanlarda Allah sevgisi və qorxusu olur, lakin dini çox geridə tuturlar. Dünya daha əsas olur. Buna görə də təbliğ edənlərə çox böyük məsuliyyət düşür. İnsanları sıxmadan, usandırmadan şüurlarını açmaq üçün cəhd etmək lazımdır.

Rahat yaşamağın yolu, bizi hər an Yaradan Qüvvə olan Allahla iç-içə olmağımız, Ona tam təslim olmağımızdır. Allahdan uzaq yaşasan, Allah dünyanı bəlaya döndərər. Allaha dost olsan Allah ən gözəl həyatı yaşadar.

Allah mənə 300-dən çox 65 min səhifədən ibarət külliyyat yazmağı nəsib etdi. Bu kitablar 100-dən çox ölkədə satılır. Kitablardan hazırlanan 1000 internet saytı var. Saytları hər ay 47 milyon insan ziyarət edir. Münafiqlər fitnə-fəsadla, pisliklə vaxt keçirərkən möminlər hər an xeyirli işlər görürlər.

Allah qəti var. Bəzi insanlar; "Allahdan əvvəl nə vardı?" deyirlər. Zamansızlığı düşünmədikləri üçün bu sual ağıllarına ilişir. Allah dərgahında əvvəl və sonra yoxdur, tək bir an var. Əvvəl-sonra anlayışları müasir fizikaya görə də yoxdur. Zaman insan üçün yaradılmış anlayışdır. Sonsuz qısa zamanda, yəni bir an içində, sonsuz uzun zaman yaşanıb bitmiş vəziyyətdədir.

Allah unudulmağı heç istəməz. Səni yaradanı unutmaq nə qədər ayıbdır. Allahı unutduğun an sanki beyninə ox sancılmış kimi olar. Həmişə Allah ilə birlikdə olunduğu zaman, sağlam, fərəh və xoşbəxt olunar.

Mənim hər qrupdan tanışım var. Ateist, rokçu, deist hər ideologiyaya sahib tanışım var, hamısının fikrinə hörmət edirəm.