Adnan Oktar A9 TV; 22 iyun 2014

Küfrdə müsbət bir şey yoxdur. Küfrdə pozğunluq, pislik, vəfasızlıq, namərdlik, fırıldaq, etikaya yaraşmayan danışıq var, dözümsüzlük var. Adamlarla danışırsan, iki saat sonra baxırsan namərd bir hərəkət etmişdir. Müsəlmanda sabitlik var. Allah rizası üçün iki saat sonra da, on gün sonra da, bir il sonra da, iyirmi il sonra da möhkəmdir

Küfrə etina etmək olmaz. Küfrdə dinclik, vəfa, həqiqi yoldaşlıq olmaz. Mənfəəti bitdiyində səni sərf edər, səni yandırar. Vəfasızlığın yayıldığı ağrılı bir dünyada yaşayarsan. Səhər qalxdığında belə sənə namərdlik edə bilər. İki saat sonraya belə zəmanətin olmaz. Küfrdə iki saat sonra tam fərqli adamla qarşılaşa bilərsən.

Küfr, mənfəəti olduğu müddət ərzində dost olar. Mənfəəti bitdiyi an sənə düşmən olar. Amma müsəlmanlıqda elə deyil. Müsəlmanlıqda səbir, şəfqət var.

Küfr əhli müsəlman üçün "ağılsızdır" deyər bəzən, haşa. Halbuki, ən ağıllı hərəkəti o edir. Ömrünə bərəkət gəlir, içi gözəlləşir, xarici görünüşü gözəlləşir. Bədən orqanları belə bayram edər, daxili, zahiri bayram edər. Gözü, üzü məna qazanar, ağılı, bəsirəti açılır, danışığı gözəlləşir.

İman əhlinə qarşı insanların ürəyində bir nifrət olar. Məsələn, küfr içində olan bir insanla danışarkən hörmətli olarlar, dəyər verərək danışarlar. Amma mömin olduğunda, daxilində qəribə bir şeytani nifrət duyur. Allaha sığınılması lazım olan bir şeytani instinktdir. Bu möminin təbii ki, çox lehinə olan bir şeydir. Möminlərin oturduqları yerdə hər dəqiqə, hər saat savab qazanmalarını təmin edər.

Bir qisim insanlar müsəlmana qarşı çox pərvazsız və rahat ola bilirlər. Halbuki, əsas möminlərə sevgi və hörmət edilməsi lazımdır. Küfr içində olanlara, qurtarmaq məqsədiylə şəfqət göstərərsən.

Müsəlmanlar qüvvə və ləyaqəti Haqda axtarması lazımdır. Həqiqi möminə şərəf gözüylə baxmaq lazımdır. Hörməti ona göstərmək lazımdır, küfrə deyil.

Din olmasa həyatın bir mənası yoxdur, Allah qorusun. Mən din üçün, Allah üçün yaşayıram. Hamımız eləyik, inşaAllah.

Mömin Allah rizası üçün yaşayar, Allah rizası üçün də ölər. Allah rizası üçün yaşamadığı zaman həyatı cəhənnəmə dönər. Hər şey Allah rizası üçün olarsa o zaman həyat gözəl olar. Cənnət də Allahın rizasıyla gözəl olur.

Biz bir insanı sevsək Allah rizası üçün sevərik. Allah rizası İslama xidmətinə görədir. Bu, müsəlmanları birləşdirirmi? Vəhdəti təmin edirmi? Fitnəni qaldırırmı? Müxalifliyin qarşısını alır mı? Bunları görürüksə Allah rizası üçün sevməyimiz lazımdır. İbadət olaraq sevərik.

Müsəlman küfrlə, İslam arasında seçim etmək vəziyyətində qalsa İslamı seçər. Bitərəf olmaz; o zaman kənar olar. Amma mömin qardaşlarının arasında əgər seçim etməli olsa o zaman kənarda dayanar.

Bizim könlümüz axirətdədir. Bizim könlümüz Rəbbimizin razılığındadır. Vəzifədə, mövqedə deyil.

Allah ürəyi qara olanlara, mənfi xarakterli, tərs insanlara özləri kimisini nəsib edir. Möminlərə, gözəl xasiyyətli insanlara, insanları sevənlərə də, sevgi, qəlbi məhəbbətlə dolu, nur kimi insanları nəsib edir. Cənnətdə də, dünyada da belədir.

Təhsildə cəhənnəmə, kafirə, imansızlara, zalımlara ehtiyac vardır. Yaxşı insanlar bu qara kömürün üzərində almaz kimi düzüldüyündə diqqət çəkər.

Yaxşı olmayan insanlar Allahın möminlərə verdiyi nemətlərdən istifadə edirlər. Yəni əslində nemətlər onlar üçün deyil, səmimi möminlər üçün yaradılır. Onlar da bir kənardan, bir yandan istifadə edirlər. Axirətdə bu imkanlar əllərindən alınar.

Dünyada görülən hər iş Allah rizası üçün olarsa dünyanın dəyəri olar. Allah rizası üçün olmazsa, bu zaman dünyanın da dəyəri olmaz. Axirəti məqsəd qoyaraq Allah rizası üçün edilsə faydası olar.

Müsəlmanı məzlum görüb hücum edənlər küfrə xeyli hörmət edərlər. Çünki eyni şeyi küfrə qarşı etsələr necə sərt, qəddar bir qarşılıq alacaqlarını çox yaxşı bilirlər, başqa sözlə onlardan qorxurlar.

Bizim mükafatımız Allahın razılığı, rəhməti və cənnətidir. Biz Allahın razılığının arxasındayıq, inşaAllah.

Təbliğdə nə olacaq? Əziyyət, məşəqqət, çətinliklər, təhdid olacaq. Bunlar artdıqca təbliğin dəyəri artar, Allahın razılığını daha çox qazanarsan. Məqsədin əgər Allahın rızasını qazanmaqdırsa, rəhmətini qazanmaqdırsa. İki günlük dünya həyatı üçün elə qorxaqcasına, ürkəkcəsinə yaşamaq çox alçaldıcı bir vəziyyətdir.

Axirətdə mələklərin hamısını görərsiniz. Məsələn, söhbət zamanı necə yanınızda dayanmış, heyrətlənəcəksiniz, təəccüblənəcəksiniz. Haralarda dayanmışlar, necə seyr etmişlər, necə məmnun olmuşlar, necə xoşbəxt olmuşlar, hamsını görəcəksiniz. Allah Öz adına edildiyi üçün çox sevər, bəyənər.

Əsərlərimdə əsas mövzu Allah sevgisi və Allah qorxusudur. Məqsədim isə yaxşı və gözəl olan hər şeyin dünyaya hakim olmasıdır.

Allah nə gözəl imtahan mühiti yaradıb. Zəif insanlara Allah Özünü örtür, güclü insanlara da Özünü daha da açır, göstərir. İman onda qiymətli, daha gözəl olur. Çünki axtararaq tapırsan, əziyyət çəkirsən.

Fələstinli, israillilərin sayı çox azdır. Divarları yıxın dedik, inşaAllah yıxdıracağıq. Allah qoruyar, divarda elə bir güc yoxdur ki, qorusun. Divarı bomba ilə də dağıtmaq olar. Allah qoruyacaq. Allahın şəfqətinə, sevgisinə, mərhəmətinə sığınacaqlar.

Ən böyük nemət səmimiyyətdir. Allah Quranda təkcə səmimi qullarının xilas olacağını bildirir.

Müsəlman elə olacaq ki, özü haqqında "bu adam namərdlik edər" deyilməsinə yol verməyəcək. Yəni "bir şəkildə edə bilər" dedirtməyəcək. O dərəcədə zəmanət verəcək. O zaman həqiqi bir müsəlman olar. "Bunun namərdlik etməsi mümkün deyil" deyəcəksən.