Adnan Oktar A9 TV; 23 may 2016

Münafiqlərlə əlaqədar ayələr möminə təsir edər. Bu insana təsir edirsə, o, münafiq ola bilməz. Lakin münafiq bu ayələrə gülər, bu ona heç təsir etməz. Vecinə də almaz, azğınlığı, şeytanlığı daha da artar. Təcavüzkarlığı, kini daha da artar.

Mömin əlindəki imkanlardan İslamın xeyri üçün istifadə edər. Münafiq isə fitnə törətmək üçün, küfrlə əlaqə qurmaq üçün istifadə edər.

Münafiqə nə cür yaxşılıq edilsə də, hansı imkan verilsə də, bundan əxlaqsızlıq və pislik məqsədiylə istifadə edər. Mömin də həmişə xeyir və gözəllik məqsədiylə istifadə edər. Kiçicik bir şey versən belə mömin xeyirə istifadə edər.

Münafiqdə ən böyük qorxu gələcək qorxusudur. Hər cür pisliyi bunun üçün edər. Müsəlmanların yanından qaçmasının səbəbi də odur.

Münafiq müsəlmanların yanında müvəqqəti qalar. Özünü təhlükəsizlikdə hiss etməz. Çünki müsəlmanlara düşmən olduğu üçün, kinli olduğu üçün, nifrət etdiyi üçün müsəlmanlardan özünü təhlükəsizlikdə hiss etməz. Küfrdə özünə yer axtarar.

Mömin metafizikdir. Bir insan həqiqi imana çatdığında, səmimi olduqda qəribə şəklə bürünür. Mələkdən üstün olur. Məsələn, duası qəbul olur. Belə səmimi möminlər 11 nəfər olsalar dünyaya hakim olurlar. Vəzifə verilibsə öldürə bilmirlər. Bu çox qəribədir. Xüsusi olaraq qorunur. Təsir gücü çox yüksək olur. Onun olduğu yerdə insanlarda heyrətamiz iman coşğusu, yüksəlməsi olur.

Mömin öz-özündən şübhələnməlidir, münafiq əlamətini özündə axtarmalıdır. Çünki bu möminə təsir edər. Münafiq onsuz da ayələrlə istehza edər. Mömin özünü düzəldər; "Aman-aman. Allah qorusun, bənzəmək vəziyyətində qala bilərəm, bənzəyə bilərəm" deyə çox qorxar.

Qəlbində xəstəlik olan da münafiqə bənzəyər. "Aman" deyər, "mən bu xəstəliyi dərhal sağaldaram". Münafiq əlaməti meydana çıxar, "aman, dərhal xilas olum" deyər mömin. Buna görə də, bu ayələr biz möminləri maraqlandırar. Kafir, münafiq gülüb keçər, vecinə belə almaz.

Müsəlman son dərəcə həlim olmalıdır. Əziyyətə səbir edən, çətinliklərə səbir edən, acıya səbir edən olmalıdır. Zəiflik və kədərlənmə haqqul-yakin imanda olmaz.

Gənclərin çox böyük hissəsi asiliyə, ədabazlığa qibtə edir. Bu cür olmaz. Hörmətkar, həlim, təmiz olmalıdır. Qəlbə, ruha bunlar rahatlıq bəxş edər. Ədabazlıq, inadkarlıqlar, asilik, anarxist düşüncə, bunlar çirkin və xoşagəlməz şeylərdir, çox narahat edicidir.

İslamı yaxşı tanıyan biri həlim olmağın gözəlliyini bilər. Hz. İsa Məsih həlimdi. Hz. İbrahim (ə.s) həlimdi, Allah həlimliyini tərifləmişdir. Yəhya (ə.s) həlim övlad idi. Peyğəmbərimiz Rəsulullah (s.ə.v) həlim insan idi. Mömin həlim olmalıdır.

Təkəbbürlənənlər alçaldılar, sürünər; təvazökar insanlar da həmişə uca yaşayarlar.

Çoxbilmişlik, hər şeyə etiraz etmək, tərslik münafiqlərin təməl xüsusiyyətidir. Müsəlmanlarda da həlimlik, Allaha itaətkarlıq, daxili rahatlıq hakimdir.

Bəzi film və seriallarda gizlin şəkildə insanların guya ilah olduqları təbliğatı aparılır, beləliklə insanları qul olma və təvazökar olmağa deyil, əksinə təkəbbürlü olmağa yönəldən, haşa ilah olduqlarına inanmağa dair şüur altı təlqin verilir.

Allah ilə olan əlaqə qətiyyən kəsilməməlidir. Çatışmazlıq kimi görünən bir çox hadisə yaşana bilər, tərsliklər ola bilər, buna baxmayaraq, çox ağıllı, lazım gəldikdə təvazökar siyasət yürüdülməlidir. Müsəlman həlim olar, Allahın buyurduğu əxlaqa sahib olar. Mümkün qədər təmkinli hərəkət etməsi məqsədəuyğundur. Düşüncəsiz reaksiyalar ağlı bağlayar.

Səbirli, bağışlayıcı, mərhəmətli, dürüst, gözəl sözlü, təvazökar və fədakar olan sevgini tapar.

Əgər biri eqoistlik nümayiş etdirsə, insanlar ona çox vəhşi davranar. Bunun üçün təvazökarlıq qoruyucu bir zirehdir. Eqoistlik də təcavüzkarlığı artıran, bəlanı cəzb edən bir xəstəlikdir.

Münafiq qotur it kimi tənha gəzmək istəyər, təkbaşına bir küncdə həyatı sona çatar. Münafiq Allahın xatırlanmasını eşitmək istəmədiyindən tək qalmaq istəyər və İslamın yayılmaması üçün küfr əhlinə dəstək verər.

Münafiqlər çox qorxaq olar. Lakin dilləri ilə həmişə səs-küy salar, özlərini cəsur kimi tanıtmağa çalışarlar. Halbuki qotur it kimi qorxaqdırlar. “Belə edərik, bu cür cəsuruq” deyərlər, lakin it kimi qorxarlar.

Münafiqlərin yaşadıqları yerlər it daxması kimidir. Peyğəmbərimiz (s.ə.v) hüzur və gözəllik içində, ən gözəl məkanlarda yaşayarkən münafiqlər həmişə sürünmüşdür.

Peyğəmbərimiz (s.ə.v) dövründəki münafiqlərlə Axırzaman münafiqləri tamamilə eynidirlər. Peyğəmbər dövrü münafiqləri ağılsızca Peyğəmbərimiz (s.ə.v)-i tənqid edirdilər. Özlərini Peyğəmbərdən daha çox müsəlmanları düşünən, mərhəmət edən kimi göstərməyə çalışırdılar. Halbuki çox şəxsiyyətsiz və eqoistdilər. Həmçinin mütləq dinlə ortaya çıxırdılar ki, əxlaqsızlıqları ifşa olmasın. Dindən nifrət etdikləri halda dindar kimi görünərək, eqoist olduqları halda xeyriyyə işləri görürmüş kimi görünərək insanlara təsir etməyə çalışırdılar. Bu axmaq oyunları heç bir işə yaramadı. Səhrada it kimi tək başlarına sürünərək həyatları bitdi.

Quranı həyata keçirmək bir sənətdir. Ağıllı insan Quranı çox yaxşı anlayar və həyatına gözəl şəkildə tətbiq edər. Məsələn, təvazökarlıq necə ediləcək? Təkəbbür hissi aradan necə qaldırılar? Sevgi necə yaşanar?

Bir çoxları özünü Hz. Mehdi (ə.s)-dan daha böyük görürlər. Halbuki, Hz. Mehdi (ə.s) gələndə hörmətlə itaət edəcəklər. Şeytan eqoistliyindən itaət etmək istəmədi. Bunlar da eqoist olduqları üçün itaət etmək istəmirlər.

İmam Mehdi (ə.s)-ın mədrəsə təhsili yoxdur. Bir alimə, hocaya bağlı deyil. İmanıyla, səmimiyyətiylə təsir göstərəcək.

İman, ağıl, əlində də Quran; dünya belə bir insanın öhdəsindən gələ bilməz. Ən mühüm məsələ səmimi iman gətirmək, səmimi surətdə Allahı sevmək, səmimi surətdə Allahdan qorxmaqdır. Bunun üçün də, elə ədabazlıq edərək, hiyləgərlik edərək, söz güləşdirərək, söz ataraq İslamı hakim etmək mümkün olmaz.