Adnan Oktar A9 TV; 29 oktyabr 2013

Müsəlmanları qatı dinçiliyin bataqlığına batırıb, sanki qırğın maşınına atdılar. Müsəlmanları dünyaya, öldürülməsi lazım olan varlıqlar kimi göstərirlər. İnsanları müsəlman öldürməyin caiz olduğuna inandırdılar.

Gücün deyil, haqqın tərəfdarı olmaq lazımdır. Əks halda eqoistcəsinə davranmış olarsan. Müsəlman elə olmaz. Müsəlman daim haqqın, həqiqətin tərəfdarıdır.

Müsəlmanların bir qisminin şiəlikdə və bir qisminin də sünnilikdə ifrata varması xurafatların girdiyi mötəbər olaraq tanınan İslami qaynaqlara əsaslanır.

Dünyada xristian-müsəlman mübarizəsi yoxdur. İman və imansızlıq mübarizəsi var. Buna qarşılıq olaraq Allaha iman edən xristian və müsəlmanların birlik olmaları lazımdır.

Müsəlmanlar Tövratın haqq olan qisimlərinə inanmaqda cavabdehdirlər. Tövratın haqq olan qismini bir müsəlman rədd edə bilməz. İncilin də haqq olan qisimlərinə inanar.

Müsəlmanların bir-birini sevməsi fərzdir. Allah kimini qurudan, kimini havadan, kimini də dənizdən xidmət etdirər. Havadakı qurudakına, qurudakı dənizdəkinə müxalif çıxmaz. Hamısı Allahın aslanlarıdır. Hamısı bir-birindən dəyərlidirlər.

Allahı, Quranı unudub, İslamı yaşamayan insanlarla dostluq bağı ilə bağlanıb müsəlmanları tərk etmək olmaz. Sənin bağlanacağın dostluq qrupu müsəlmanlar olmalıdır. Allah "Onlara sevgini göstər" deyir.

Müsəlman hər gördüyünü qurtarmaqda, kömək etməkdə məsuliyyət daşıyır.

İnsan keyfiyyətsizliyə alışdıqdan sonra, daha çirkli, daha keyfiyyətsizləşməyə, mədəniyyətsizləşməyə, kütləşməyə başlayır və arxasınca deyirsən ki: "Bu nədir?" "Müsəlmanlıq budur" deyir. Vəhşiliyin, kirin, keyfiyyətsizliyin, mədəniyyətsizliyin baş alıb getdiyi bir sistemə müsəlmanlıq deyir. Bu çox böyük bir təhlükədir. Bu milli bir təhlükədir.

Müsəlman göz görə-görə şərabı necə içsin? Boğazına tıxanar, istəsə də içə bilməz. Mömin zina ilə iflic olar. Əli qolu bağlanar, qüdrəti çatmaz. Günaha girmə gücü olmaz, bəsirəti bağlanar, edə bilməz, inşaAllah.

Qəddar, eqoist olan insanı heç kim Allahın əzabından qurtara bilməz.

-Bəzi kəslərə aiddir bu sözlərim-tərtəmiz, imanlı müsəlmanlarla savaşmağı, qarşı çıxmağı asan gördüyü üçün qoçuluq etməyə çalışmaq uğursuzluq gətirər. Allah məzlumu qoruyar, məzluma heç bir şey olmaz. Olan səhv hərəkət edənə olar, inşaAllah.

Müsəlmanların böyük bir hissəsinin bəsirət və fərasətləri bağlanıb. Evlərində oturub zikr edirlər. On min zikr edərkən orada 70 uşağı qətl edirlər. Onları qoruyacaq, qurtaracaq zikr et.

Müsəlmanlar birdirlər. Eqoistliyi Allah qəbul etmir. Quran ayələri bütün müsəlmanları əhatə edən üslubdadır. Məsələn, Allah "Ey möminlər" deyərkən bütün dünya müsəlmanlarına xitab edir. Təkcə sünnilərə, şiələrə, vəhhabilərə xitab etmir, hamısına müraciət edir.

Sevgi şərtdir. Eqoistliklə nəyisə əldə etməyə çalışsan, elə qarşındakı eqoistliklə səni boğar. Sən hiyləgərlik etmək istəsən, o da hiyləgərliklə səni boğar. Sən idarə eləməyə çalışsan, qarşındakı da on qat artıq idarə etməyə cəhd edər. Əmr etməklə, oyunla, saxtakarlıqla gözəllik əldə etmək olmaz, dürüstlüklə, səmimiyyətlə, sevgi ilə əldə edilər.

Yardımsevər olmaq lazımdır. İnsanların yaxşı olması üçün səy göstərmək lazımdır. Çünki insanlar acizdirlər. Gücü olanın zəif olana kömək etməsi çox əhəmiyyətlidir. BAŞQA YOLLA XOŞBƏXTLİK OLMAZ. Çünki eqoist olduğunu hiss edib inciyə bilərsən.

Yaşamaq üçün yaşatmayacaqsan məntiqi çox eqoist və çox mərhəmətsiz bir hərəkətdir. Elə yaşamağın bir mənası yoxdur, o zaman heç yaşamamaq daha yaxşıdır. Elə eqoist, vəhşicə yaşayacaqsansa heç yaşama. İnsan kimi yaşamaq üçün yaşanar. Müsəlman kimi yaşamaq üçün yaşanar. Vəhşicə yaşamaq üçün yaşanılmaz.

Bir cəmiyyəti eqoistlik, sevgisizlik və mənfəətpərəstlik əhatə etsə, qardaşlıq onun üçün çox gülməli olar. "Nə qardaşlığı?" deyər adam. "Mən zənginəm, ayrılmaq istəyirəm. Kasıblardan da xoşum gəlmir" deyir adam.

Eqoistcəsinə yaxınlaşdığın təqdirdə, onsuz da sevgi olmaz. Eqoistlik, xudbinlik sevginin düşmənidir. Eqoist, xudbin olmasan Allah yolunu açar. Eqoist, xudbin olsan, Allah ayağına dolandırar.

Sevgisizliyi əhəmiyyətsiz bir şey hesab edirlər. Bütün dünyanı bu sistem məhv etmədimi? Amerika çökdü, Rusiya çökdü. Hələlik ilk mərhələsindədirlər, daha da çökəcəklər. Avropa məhv oldu, Avropa iflasa uğradı. Tək səbəbi sevgisizlikdir, eqoizmdir. Dünya bütün insanlara min dəfə bəs edər.

Birlikdə bərəkət vardır. Məsələn, Avropa ölkələri birləşdi, amma aralarında bir iman bağı, bir sevgi bağı olmadığı üçün müvəffəqiyyət qazana bilmədilər. İslam aləmi birləşdikdə aralarında bir sevgi bağı da olacağı, sərhədlərsə olmayacağı üçün; yəni viza, pasport kimi şeylər olmayacağı üçün ticarət də, dostluq da asan olacaq. Çevik, aktiv, canlı, gur-gur guruldayan bir həyat olacaq. Sevgiyə, comərdliyə əsaslanan, eqoistlikdən uzaq bir həyat.

Eqoistlik bölünməyə gətirib çıxarar. Adam malına bağlanar. Eqoistliyin xüsusiyyəti budur. Amma eqoistlik yoxdursa, səxavətli olmaq vardır. Səxavətli olmaq hədd-hüdud bilməz. Məhz belə də olmalıdır ki, sən rahat şəkildə comərdlik edə biləsən, dostluğunu, sevgini rahat şəkildə göstərə biləsən.

Sevgisizlik, eqoistlik insanı bölünməyə aparar, parçalanmağa aparar. Sevgi isə birləşməyə aparar. İnsan sevdiyindən ayrılmaq istəyərmi? Sevməyəndə ayrılmaq istəyər. Nifrət etdiyi kimsəni görmək istəməz. Dünyadakı bu bölünmələrin səbəbi sevgisizlikdir.

Kommunist düşüncədə fikirlərin bölünməsi adlı bir məsələ yoxdur. Liderə qeyd-şərtsiz itaət vardır. Onlardan ayrılanı yaşamağa qoymazlar. Necə ki, bunu, Fransada öldürülən PKK-lı qadının simasında da gördük.