Adnan Oktar A9 TV; 23 may 2017

Dünyanın ən gözəl zinəti olan qadınların dəyərini bilməmək insanların Allaha sevgi və hörmətlərinin çatışmazlığından olur.

Qadınların səbri, mərhəməti, vəfası, ağlı, gözəlliyə olan meyli, incəliyi Allah tərəfindən onlara verilmiş ciddi üstünlükdür.

Allah dərgahında zaman yoxdur. Hal-hazırda zər aləmindəyik, hal-hazırda məzardayıq, hal-hazırda dirildik, hal-hazırda axirətdəyik. Hamısı tək bir an içində olub bitmişdir.

Heyrətverici şəkildə qadın sevgisində, uşaq sevgisində, insan sevgisində çatışmazlıq görünür. Bu sevgisizlik ruhu mehdiyyətlə aradan qalxacaq.

Qadın Allahın təcəllisi, mübarək varlıq kimi görülsə qadın hüquqları qorunar. Qadın təkcə Allahın hədiyyəsi, nemət olaraq görülsə bu qadını ucaldar, rahat olmasını təmin edər, yoxsa feminizm kimi məntiqlərlə olmaz.

Cəmiyyətin qadına sevgi və hörməti öyrənməsi üçün bu istiqamətdə öyrədilməsi lazımdır.

Allahın təcəllisini gördüyüm dindar, təmiz, səmimi hər qadını Allah sevgisi ilə çox sevərəm.

Qadınlar Peyğəmbərimiz (s.ə.v) və səhabə dövründə azad idi. Hz. Mehdi dövründə yenə azadlığa qovuşacaq, istədikləri kimi azad yaşayacaqlar.

Qısqanmaq qadını uca bilmək, ona hər cür gözəlliyi təqdim etmək, pislikdən qorumaq, şərəfinə, iffətinə diqqət göstərmək mənasında olar. Qadına etimad etməyib potensial günahkar görüb, hər an bir cinayət işləyəcəyindən şübhələnib təqib edirsənsə bu o qadına təhqir olar.

Quran ilə təkamülü uyğunlaşdırmağa çalışanlar çox məntiqsiz açıqlamalar verirlər. Quranda təkamülə dair heç bir ayə yoxdur. Zər aləmində bütün insanlar bütün bədən üzvləri ilə tam olaraq yaradılıblar. Sonra dünyaya göndəriliblər. Təkamüllə mərhələ-mərhələ yaradılma yoxdur.

Quranda təkamüllə yaradılış yoxdur. Quranda təkamül vardır deyənlər zər aləmindən, Musanın əsasının bir anda ilana çevrilməsindən heç bəhs etmirlər. Zər aləmində insanlar bütün bədən üzvləri ilə mövcuddur, zər aləmində təkamüllə yaradılış yoxdur. Cənnət bağları, qılmanlar, hurilər təkamüllə yaradılmır.

Sevgini və ehtirası yaradan Allahdır. Möminlərin bir-birinə sevgisi zər aləmində Allaha verdikləri sözün təcəllisidir.

Allah hələ kainat yaradılmadan bütün peyğəmbərlərdən və bütün insanlardan əhd aldığını bildirmişdir. Bu, zər aləmidir.

Mehdinin tələbələri də zər aləmində Mehdiyə tabe olacağına söz vermiş insanlardır. Möminlərin bir-birlərinə bağlılığı və dostluğu zər aləmindən gəlir. Zər aləmində bir-birlərini tanıyırlar və sevirlər.

Zər aləmində peyğəmbərlər, Mehdiyə kömək edəcəklərinə söz veriblər. Peyğəmbərimiz (s.ə.v)-in köməyi Mehdidən bəhs edən hədislərlə olmuşdur.

Hər insan əvvəlcə zər aləmində yaradılmış, oradan dünyaya gəlmişdir. Ana-ata sadəcə vəsilədir. Zər aləmi hələ kainat yaradılmadan bütün insanların yaradılmış olduğunun və təkamülün mərhələ-mərhələ yaradılış olmadığının dəlilidir.

Cəhd müsəlmanın səyini ifadə edər. Cəhd insanın nəfsinə qarşı mübarizəsidir. Elmlə, irfanla gecə-gündüz göstərilən səy, cəhddir.

Türkiyə həm mövqeyi, həm tarixi, həm də sahib olduğu mədəniyyət və əxlaqla lider olacaq ölkədir. Lakin bu sevgi liderliyi şəklində liderlikdir.

Ateistlərə qarşı şəfqətli, hörmətli davranmaq lazımdır. Açıqca səmimiyyətlə inana bilmədiklərini söyləyirlər, dürüst davranırlar.

Darvinizm elm çətirinə sığınaraq dünyanı aldatmağa çalışır. Təkamül şumerlərdən indiyədək gələn bütpərəst inancdır.

Hz. İsa müsəlman olaraq gəldikdə xristianlar Onu daha çox sevəcəklər. O zaman həqiqi İsanı sevmiş olacaqlar.

“Nifrət insanları” nəfsini idarə etməkdə zəif qalmış, şeytana məğlub olmuş insanlardır. Bu şəxslərə həkim kimi yanaşmaq lazımdır. Həkimin xəstəni müalicə etməsi kimi “nifrət insanlarına” şəfqətlə yanaşıb onları müalicə etmək lazımdır. Bu insanlar da mənəvi xəstədir.

Ənənəçi ortodoks qardaşlarımız süni qanunlarla sanki özlərini öldürmüş vəziyyətdədirlər. Dinsizliyin özlərini əzmələrini asanlaşdırıblar. İncəsənət, elm, keyfiyyət olmadıqda başdan məğlub vəziyyətə düşürlər və əzilmələri çox asanlaşır. Qadının azad olmayacağına musiqi, incəsənət, heykəltəraşlıq olmamasının lazım olduğuna o qədər özlərini inandırıblar ki, gözəllik gördükdə əks rəftar göstərirlər. Ənənəçi sistem özlərinin də tabe olmadığı minlərlə qanun qoymuşdur və Allahın cənnət gözəlliyi olaraq təriflədiyi bütün gözəlliklərə qarşı çıxar.

Havaya atəş açaraq nə isə qeyd etmək böyük hörmətsizlikdir. Cana qəsd edən vəziyyət olduğu üçün buna qarşı lazımi hüquqi tədbirlər görülməlidir.

Allahualəm Qiyamət böyük bir meteoritin dünyaya toqquşması ilə reallaşacaq. Qiyamət günü insanlar üçün heç bir yerə qaçış olmayacaq.