Adnan Oktar A9 TV; 22 iyun 2017

Gənclərin həqiqətən əylənə bilmələri üçün əvvəlcə qəlblərinin hüzurlu olması lazımdır. İman və sevgi olmadan əyləncə yeri gərginlik vəsiləsi olur.

Quranın qaydalarından kənar cəmiyyətin insanları əzən süni qaydalarını ləğv etmək lazımdır. O zaman hər kəs çox azad olar.

Qatar və Misiri barışdıran da Türkiyə olsun. Türkiyə heç bir ölkədə təkcə bir təbəqəni müdafiə edən olmasın, bütün təbəqələri qucaqlayaq.

Türkiyədə Suriyalı problemi yoxdur. Türkiyədə Suriyalı qonaqlarımız var, canını qorumaq məqsədi ilə gələni qorumaq müsəlman üçün fərzdir.

Rusiya və Türkiyənin arasının pozulması üçün çox çalışdılar. Türkiyənin Rusiya ilə də, İsrail ilə də əlaqələri həmişə yaxşı olacaq inşaAllah.

Türkiyə, Misirdə bütün xalqı qucaqlayacaq, hamısının xilas olması üçün səy göstərəcək bir siyasət aparsa çox gözəl olar. Misirdə edam növbəsi gözləyən gənclərin xilas edilməsi Türkiyənin prioriteti olsun. Bu da Misirdəki bütün təbəqələrə sahib çıxmaqla mümkün olar.

İnsanlar ağılla, sevgi ilə, məhəbbətlə, eqoistlikdən xilas olmaqla xoşbəxt olar.

İstirahətlə, məkan dəyişdirməklə xoşbəxtlik olmaz, həyatın dəyişməsi ilə xoşbəxtlik olar. İslama, dinə xidmət edən ən mükəmməl istirahət etmiş olar.

Tayyib hocam bütün gəncliyini Allah rizası üçün sərf etmiş insandır. Belə insanın dünyadan gözlədiyi nə isə ola bilməz.

Əliaçıq olmaq gözəl xüsusiyyətdir. Dünya hərisliyi olmadan, malı bol paylamaq bərəkət gətirər.

Müsəlman hər şeyi Allahdan istəyər. Allahın yerinə haşa Allahın hər hansı qulunu əsas götürmək şirk olar. Müsəlman şirkdən qaçmalıdır.

Sevgi olmadan hörmət yaranmaz, təkcə süni hörmət nümayişi yaranar.

Hər kəs bir-birini çox sevsə, qadınların üstündəki təzyiq, gərginlik aradan qalxsa, cənnət kimi mühit olar və insanlar da xoşbəxt yaşayarlar.

Türkiyə İslam aləmində təkcə bir təbəqəyə tərəf olmaz, müsəlmanları ayırd etmədən dəstəkləyər və qardaşlıq üçün çalışar. Türkiyə-Qətər qardaşdır, lakin Səudiyyə Ərəbistanı da, Bəhreyn də, Birləşmiş Ərəb Əmirlikləri də, İran da Türkiyənin qardaşıdır.

Türkiyə Qətəri də sevir, Səudiyyə Ərəbistanı da. İkisini uzlaşdıra biləcək bir ölkəyik. Müsəlmanları uzlaşdırmaq əhəmiyyətlidir.

Qətər ilə digər müsəlman ölkələri vuruşdurmağa istiqamətli oyunu puç edək. Səudiyyə Ərəbistanı da, Qətər də tərtəmiz müsəlman ölkələrdir, qardaşdırlar. Birləşmiş Ərəb Əmirlikləri də, Səudiyyə Ərəbistanı da, Qətər də oyuna düşməsin. Hamısı müsəlmandır. Hamısı bir-birinin qardaşıdır. Müharibəyə icazə verməyək. Nə Qətərin əzilməsinə, nə də Səudiyyə Ərəbistanı və Birləşmiş Ərəb Əmirliklərində yaşayan tərtəmiz müsəlmanlara zərər gəlməsinə tamaşa etməyək.

Sevgi ən gözəl səmimiyyətlə izah edilər. Qadınlar səmimiyyətsiz komplimentlərdən çox narahat olar. Bir qadını, oradan-burdan eşitdiyi qəlibləşmiş cümlələrdən istifadə edərək, səmimi hörmət bəsləmədən edilən kompliment çox narahat edər. Qadın ağılsızlığı və səmimiyyətsizliyi dərhal anlayar.

Hər zaman deyirəm ələvilər candır. İncəsənət xadimi ruhludurlar, arifdirlər, təfəkkürləri zəngindir, mövhumatçılığa qarşı bir qələmdirlər, sevgi insanlarıdır. Ələvilər əleyhinə danışanlar, məlumatsızlıqlarından və sevgisizliklərindən bu cür danışırlar.

Nifrətlə nəticə əldə etmək olmaz. Əsəbi, kinli anlayışla heç bir problem həll edilməz. Allah sevgisindən irəli gələn sevgi və mərhəmət olmalıdır. İsrail-Fələstin məsələsində torpaq problemi deyil, sevgisizlik problemi var. Nifrət aradan qalxsa, sevgi və qardaşlıq ruhu yaransa, dərhal sülh hakim olar.

İnsanların bir-birinə etibar etməməyi və sevgi bəsləməməyi normal bir şey deyil, bu xüsusi sistemlə formalaşdırılmış mənəvi bəladır.

İnsan səbir, vəfa, sevgi, dərinlik, ağıl, keyfiyyətlə gözəl olar. Vəfasız, nəzakətsiz, incə düşünə bilməyən, dərinlik nədir bilməyən bir qadın, çox gözəl olsa da bəyənilməz. Allah bəyənilməyi ruhun ehtişamından asılı etmişdir.

Allah sevgisi olmadan incəsənət olmaz. İncəsənət, bacarıq və ittifaq mehdiyyətin ruhudur. Hər yerin incəsənətlə gözəlləşdiyini görəcəyik.

Beyinə gələn elektriki təsvir olaraq qəbul edən ruhdur. Təkamül ruhu izah edə bilməz. Beyinə sadəcə çox zəif elektrik gəlir. Lakin gözü olmadığı halda bu elektriki üçölçülü rəngarəng dünya kimi görən biri var. Təkamül beyində gözü olmadan görən, qulağı olmadan eşidən, dili olmadan dadı qəbul edənin kim olduğunu izah edə bilməz.

Allah Hz. İsanın ölmədiyini və öldürülmədiyini bildirmişdir, diri olaraq Allah dərgahına alındığını və yenidən yer üzünə gələcəyini söyləmişdir.

Ağıllı insan digər ağıllı olanı dərhal anlayar. Ağılsız insan isə uzun müddət qarşısındakı insanın əxlaqsızlığını müəyyən edə bilməz.