Adnan Oktar A9 TV; 28 may 2017

Allahın çox sevdiyi insanı bütün dünya bir yerə toplansa məğlub edə bilməz. Tək bir insan Allahı çox sevdiyi zaman bütün dünyaya qarşı müvəffəqiyyətli olar.

Mömin əfv edərək sağlam olar. Bağışlayıcı olmaq ehtirasın, sevginin, eşqin və dostluğun əsas xüsusiyyətidir. Bağışlayıcılıq yoxdursa, sevgi yaranmaz.

Qadının əsas xüsusiyyəti sevmək və sevilməkdir. Sevgi olmadıqda qadın yorulmağa başlayar, həyat zövqü tamamilə əlindən gedər.

Keyfiyyətli insan tərifləndiyi zaman lovğalanmaz. Lakin insanların bir hissəsi qeyri-sabit olur, adi insan olduğu halda tərifləndiyi vaxt əxlaqları pozulur. Tərifləndiyi zaman lovğalanıb özündən çıxmaq müəyyən mənada ruhi xəstəlikdir və şəxsiyyət pozuqluğudur. Sevgi dolu, Allahdan qorxan, Allahı sevən insan hər zaman sabitdir, tərifləndiyi zaman əsla lovğalanmaz.

Nifrətlə nəticə əldə etmək olmaz. Əsəbi, kinli anlayışla heç bir problem həll edilməz. Allah sevgisindən irəli gələn sevgi və mərhəmət olmalıdır. İsrail-Fələstin məsələsində torpaq problemi deyil, sevgisizlik problemi var. Nifrət aradan qalxsa, sevgi və qardaşlıq ruhu yaransa, dərhal sülh hakim olar.

Allah sevgisi güclü olduğu zaman dərin şəfqət, mərhəmət və fədakarlıq olar. Fələstin-İsrail probleminin həll edilməsi də Allah sevgisi ilə olar. Fələstinli gənclər də, İsrailli gənclər də, Allahı çox sevib səmimi dindar olduqları təqdirdə bir-birlərinə hörmət və sevgi bəsləyərlər.

İnsanların bir-birinə etibar etməməyi və sevgi bəsləməməyi normal bir şey deyil, bu xüsusi sistemlə formalaşdırılmış mənəvi bəladır.

Bədən Allahın insana təmin etdiyi gözəl portretdir, lakin bədən incəlik, ədəb, yüksək keyfiyyət və sevgi ilə bəzənmədikdən sonra insana xoşagəlməz gələr.

İnsan səbir, vəfa, sevgi, dərinlik, ağıl, keyfiyyətlə gözəl olar. Vəfasız, nəzakətsiz, incə düşünə bilməyən, dərinlik nədir bilməyən bir qadın, çox gözəl olsa da bəyənilməz. Allah bəyənilməyi ruhun ehtişamından asılı etmişdir.

Arda Turan tərbiyəli, nur kimi müsəlmandır. Sevgisiz insanların zəhərli dilləri ilə özünü narahat etməyə çalışmalarına heç etibar etməsin.

Musiqi halal, rəqs halal, rəsm, heykəl halaldır. Boşuna insanların üzərində təzyiq yaradırlar. İnsanların sevinc içində çox rahat yaşaması lazımdır. Öz qoyduqları lazımsız qaydalarla həyatı cəhənnəmə döndərirlər. Sevgi, gözəllik, incəsənət, musiqi, sevinc yoxdursa, həyat cəhənnəm olar.

Darvinist, materialist təhsil, insanları həyatlarının məqsədsiz olduğuna inandırır. Bu zaman təkcə sağ qalmaq üçün yaşayırlar, incəsənət, sevgi, gözəllik, qardaşlıq həsrəti içində olmurlar. Darvinist təhsil insanların həyat sevinclərini və şövqlərini əllərindən alır.

Sevgi ən gözəl səmimiyyətlə izah edilər. Qadınlar səmimiyyətsiz komplimentlərdən çox narahat olar. Bir qadını, oradan-burdan eşitdiyi qəlibləşmiş cümlələrdən istifadə edərək, səmimi hörmət bəsləmədən edilən kompliment çox narahat edər. Qadın ağılsızlığı və səmimiyyətsizliyi dərhal anlayar.

Tayyib hocama dəstək olmaq partiyalardan kənar məsələdir. Bölgənin və Türkiyənin bu çətin dövründə birlik olub onu dəstəkləyək.

İslam aləmi tək bir beyin ətrafında toplandığı zaman xilas olar. Çoxlu beyin olduqda hamısı bir-biri ilə ziddiyyət təşkil edir, parçalanma olur.

Zaman da, məkan da nisbidir. Allah sonsuz uzun zamanı sonsuz qısa zaman içində yaratmışdır, bunun adı taledir.

Bir hədisin doğru olması üçün Qurana uyğun olması və ya hədisdə bildirilən hadisənin reallaşması lazımdır. O zaman bu hədisə güvənə bilərik.

Bir insana etibar etmək üçün onun ağlına, imanına, dərinliyinə baxmaq lazımdır. Etibar olmadan sevgi olmaz, olsa da, bu təkcə həvəs və həyəcan olar.

Lağlağılıq çox geniş yayıldığı və insanların bir hissəsinin bir-birlərinə sevgi, şəfqət gözü ilə baxmadıqları üçün özünəinam çatışmazlığı da geniş yayılmış olur. Lağlağı, qarşısındakı insanı alçaltmağa çalışan insan hər dəfə özünü alçaldar.

Hədislərdə izah edildiyi kimi Sirat körpüsü anlayışı Quranda yoxdur. Axirətdə sorğu-sual var. Bu sorğu-sual mömin üçün asan, küfr əhli üçün çox çətindir. Möminin axirətdəki sorğu-sualı çox qısa və asan olduğu halda, küfr əhli üçün əzabverici şəkildə çətin və təfərrüatlıdır. Allah tək-tək hər şeyin hesabını soruşacaq.

Evlilik, Allahın rizasını axtararaq olmalıdır. İnsan yoldaşını seçərkən bu insan Allaha özünü təslim etmişdirmi, İslam üçün nələr etmişdir, İslamı yaymaq üçün nə edir, eqoistlikdən xilas olmuşdurmu, gözəl əxlaqlıdırmı kimi meyarlara baxıb axirət həyatı üçün yoldaşını seçər.

Gözəl əxlaq insanı gözəlləşdirər. Ağıllı və dərin düşünən qadın heyrətamiz dərəcədə valehedicidir və gözəldir.

Allah hamımızı hz. Mehdiyə və İsa Məsihə tələbə etsin. İslamın sevgi hakimiyyətini, nurlu hakimiyyətini Allah bizə göstərsin.

Allah axirətdə Qurana tabe olub olmadığımızı soruşacaq. Müsəlman təkcə Qurandan məsuldur.

İnsan dürüst şəkildə səmimi olaraq hər şeyin Allaha aid olduğunu anladıqda üzərindən şirkin bütün bəlaları yox olar, bütün çətinlikləri bitər.