Adnan Oktar A9 TV; 18 noyabr 2017

Allah ayədə; "hər çətinliklə birlikdə asanlıq vardır" deyə bildirir. Çətinlik dinin gözəlliyinin bir hissəsidir, çətinliyi məğlub etdiyimiz zaman gözəlliyə nail olarıq. Əslində həyat və din çətinlik kimi görünən asanlıqlardan ibarətdir. Əgər insan taleyi yaşadığını bilsə, Allaha tam təslim olsa, heç bir çətinlik yaşamaz. Şirk qoşsa; "bu insan bunu edir" deyər və insanları bütləşdirərsə həyat onun üçün çox iztirablı olar. Bu iztirabdan xilas olmağın yolu taleyə təslim olmaqdır. Tale, suları yararaq hərəkət edən gəmi kimidir.

Bağışlamamaq, qürur, özünü böyük hesab etmək, eqoist olmaq kimi bütün qüsurları din əxlaqı aradan qaldırar. Bağışlamamaq bəladır. Bağışlamamaq insanın özünü sıxar. 10-20 il bağışlamamağın verdiyi sıxıntıdan xilas ola bilmir, halbuki bunların üstəsindən imanla çox asan gəlmək olar.

Din asandır. Dinin gözəlliyi asan olmasındadır. İnsanlar dinin mütləq çətin olmasının lazım olduğunu düşünürlər. Halbuki Allah Quranda; "Allah sizə çətinlik istəməz, asanlıq istəyər" deyə buyurur. O zaman asanlığın içində axtaracağıq. Səmimi olmaq dinin əsasıdır. Hər şeyə müsbət baxmalısan, hər şeyin Allahdan gəldiyini bilməlisən və mümkün qədər dürüst olmalısan. O zaman zehnin çox rahat olar.

Din düzgün başa düşülsə insanlar arasında dostluq, qardaşlıq, səmimilik və sevgi yaradar. Yanlış şərh edən insan dindən dəccaliyyət üçün istifadə edər. Doğru anlayan və vicdanlı olan isə mehdiyyət üçün istifadə edər. Dini doğru anlayanlar Axırzamanda həqiqi dinin bütün dünyaya hakim olmasına vəsilə olacaqlar.

Din hər şeylə iç-içədir. Dinin olduğu yerdə musiqi, incəsənət, rəqs, əyləncə, toy, elm olmaz deyənlər Qurana uyğun danışmırlar. Din ilə həyatı ayırmaq demək, dini və dindarları gettolara salmaq üçün dəccaliyyətin tətbiq etdiyi taktikadır. Din hər yerdə olmalıdır. Musiqi vardırsa Allah zikr edilməz deyirlər. Allah hər yerdə zikr edilər. Musiqini də, rəqsi də, əyləncəni də yaradan Allahdır.

Din təkdir, dinin də tək kitabı var, hər kəsin məntiqinə uyğun hərəkət edilsə o zaman milyonlarla batil din yaranmış olar. Quranın bəhs etdiyi Məhəmmədi dindən başqa din olmayacaq, müşrik sistem fikri olaraq tamamilə aradan qalxacaq.

Dindən danışılan mühitdə qadınlar olmaz demək çox yanlışdır. Din qadını təcrid etməz. Qadın, dinlə zidd varlıq deyil. Tam əksinə qadın mübarəkdir və dinlə iç-içə olan varlıqdır. Dinin olduğu yerdə qadın olmaz məntiqi ənənəçi sistemin təsiri ilə yaranmış yanlış məntiqdir. Həcdə necə ki, qadınlarla kişilər birlikdə ibadət edirsə, həyatın hər sahəsində də, dini mühitlərdə də qadınlar olmalıdır.

Dinin bütün hökmləri kütləvi yaşamağa uyğundur. Zəkat, yardımlaşma, Həcc, himayədarlıq sistemi, hara baxsaq möminlərin kütləvi hərəkət etdiklərini görərik. Ayrılıb dağılmamaq Allahın əmridir.

Dinin çətin olmasının lazım olduğu müşrik inancıdır. Allah insanlardan çətinliyə düşmələrini istəmir. İslam dini asandır. Allah, İslam dini İbrahimin dini kimi asandır deyə bildirir. Allah qullarının çətinlik yaşamasını, əzab çəkməsini istəməz.

Dinin xüsusiyyəti insanı yaxşı cəhətlərdən çox inkişaf etdirməsi və pisliyin qapısını tamamilə qapamasıdır. Din mənfi elektrik açarlarını qapayar, müsbət elektrik açarlarının hamısını açar.

Elm, dinin gözəlliyini təfsilatlı edən nemətdir. Elm, dinin bütün gözəlliyini, ehişamını, faydasını, hikmət cəhətini ortaya çıxardan sistemdir. Elm, Allahın sənətini anlatma sənətidir.

Ənənəçi İslam anlayışını müdafiə edən bacı-qardaşlarıma səmimi olaraq şəfqət duyuram. Səmimi olaraq dinin çətin olmasının lazım olduğuna inanırlar. Quranın kafi olduğunu qəbul etdikləri zaman din çox asan olacağı üçün bunun dindən qaçmaq olduğunu zənn edirlər. Dinin həqiqətən asan olduğunu qəbul edə bilmirlər.

Fitnə yer üzündən aradan qalxana, dinin hamısı Allahın olana qədər elmi mübarizə aparmaq möminin ən böyük hədəfidir.

Gənclərə məktəblərdə verilən din dərsi təkcə İslam tarixi, müharibələrin necə baş verdiyi kimi mövzuları əhatə etməməlidir. Hər dinin, hər məzhəbin inanclarını ümumi bilik olaraq gənclərin öyrənməsi lazımdır. Bir gəncin yaşadığı ərazidəki inancları, mədəniyyətləri bilməməsi çox böyük ümumi bilik çatışmazlığı olar.

İngiltərə dərin dövləti sel kimi müsəlman qanı və musəvi qanı axıdılsın istəyir. Qüds dini şəhər, tarixi şəhərdir. Orijinal halı ilə qalması lazımdır. Siyasi fəallığın Qüdsə daşınması doğru olmaz. Mövcud vəziyyəti qorumaq doğru olar. Müsəlmanlarla musəviləri vuruşdurmağı hədəf seçən oyuna düşməmək lazımdır. Qüds, xristianlar, musəvilər, müsəlmanlar üçün müqəddəs torpaqdır. Hər üç dinin mənsubları birlikdə, qardaşcasına, bu torpaqlarda yaşamalı, rahat-rahat ibadət etməlidirlər. İngiltərə dərin dövləti sel kimi qan axacaq bir müharibə istəyir, bu təhrikə heç kim düşməsin.

İslamdan danışarkən əvvəlcə iman həqiqətlərindən və Quran möcüzələrindən danışmaq lazımdır. Əvvəl səmimi dost olmaq, dostluqla yanaşmaq lazımdır. Əvvəlcə özünü sevdirməli, sonra Allaha olan inamını möhkəmləndirməli, sonra da Quranın asanlığından danışmalısan. Əvvəlcə dinin hökmlərindən danışaraq mövzuya girmək təsirli olmaz.

İslamı azadlıqdan uzaq, sevinc olmadan, içə qapanıq din deyə göstərdilər. Onların göstərdiyi dinin yaşanması qeyri-mümkündür. Mövhumatçı görünüşdə olan çox insan belə namaz qılmır. Çünki namazı içindən çıxılmaz, edilə bilməz ibadət kimi göstərirlər. Allahın Quranda bildirdiyi din asan olandır.

Mən gənclərin Quranın meyarı çərçivəsində azad yaşamasını istəyirəm. Dinin azadlığından sonuna qədər istifadə edərək hər kəs rahat yaşasın istəyirəm. İnsanların üzərində onsuz da çoxlu yük var, daha çox yük qoymaq lüzumsuzdur. İnsanların azadlığını əlindən almaq, insanların sevincini, həyatını əlindən almaqdır. Rəsm yoxdur, keyfiyyət yoxdur, qadın yoxdur, əyləncə yoxdur, musiqi yoxdur, gülmək yoxdur, deyilən model şizofreniyalı quruluş yaranmasına səbəb olar. Gənclərin belə həyat yaşamasına imkan yoxdur. Biz dinin azadlıq olduğunu, bütün təzyiqləri aradan qaldırdığını insanlara yaşayaraq göstəririk.

Müasir dindarlıq deyildikdə məsələnin başa düşülməsi üçün bu ifadə işlədilir. Əslində hər peyğəmbər dövrünün ən müasir insanıdır. Dünyada müasirliyi yaradan dindir. Cəmiyyətdə din olmadığı zaman keyfiyyət və müasirlik aradan qalxar. Haqq dinlə birlikdə müasirlik və keyfiyyət gələr. Haqq dinin xüsusiyyəti hər şeyin ən yaxşısı, ən gözəli, ən keyfiyyətlisi, ən mükəmməli, ən doğrusu prinsipinə əsaslanmasıdır. Peyğəmbərimiz (s.ə.v) dövründə hər şeyin ən gözəli yaşanırdı.

Müsəlmanın dindarlığını göstərməsi insanları təşviq etmək üçün əhəmiyyətlidir. Müsəlman açıq-aydın namaz qılmalıdır, açıq-aydın oruc tutmalıdır, açıq-aydın təbliğ etməlidir ki, bütün bu gözəl ibadətlərin yerinə yetirilməsini təşviq etməlidir. Allah dini kütləvi yaşanacaq şəkildə yaratmışdır. Dindarlıq gizli olar məntiqi, dini yaşamayan və ya yaşamaq istəməyən insanların, dini xatırlamamaq və dini yaşamadığını gizlətmək üçün yaratdıqları fəlsəfədir. Halbuki dinin açıqca yaşanması hal ilə təbliğdir.

Qüds kimi müqəddəs şəhərə səfirlikləri daşımaq, oranı siyasi mərkəzə döndərmək doğru olmaz. Qüds hər üç din üçün də ibadət yeri və müqəddəs torpaqdır. Bölgəni oda çəkəcək hər addımdan qaçmaq əhəmiyyətlidir.

Qüds məsələsində “mən etdim oldu” deyə bir məntiqlə hərəkət edilməz. Allah qorusun bu bütün bölgəni oda atar. Qüds müsəlman, musəvi, xristian bütün dindarlar üçün müqəddəsdir. Allah hər üç din üçün də o şəhəri müqəddəs edib. Sənin deyil, mənimdir məntiqi ilə hərəkət edilməz. Üç dinin mənsublarının da güvən içində olacağı mühit olması əhəmiyyətlidir. İsrail, Qüdsü tarixi şəhər kimi qorusun. Mövcud vəziyyətin qorunması musəvilər üçün də, xristianlar üçün də, müsəlmanlar üçün də daha doğru olar.

Şeytan mövhumatçılıqla elə kilidləmə sistemi meydana gətirib ki, "dindən qaçdığın üçün asanlıq istəyirsən" deyir. Bu iddia ilə ortaya çıxıldığı zaman da yaxşı niyyətli insanlar çətinlik olmasını dinin şərti hesab edirlər. “Bəs o çətinliyi tətbiq edə bilərsənmi?” deyirik, onu da tətbiq edə bilmirlər. Halbuki dinin asan olduğunu bildirən Allahdır. Allah insanlar üçün çətinlik istəməz.

Təqva dinin hökmlərini səmimi yerinə yetirən insan deməkdir. Dürüst davranan insan deməkdir. Allahın hökmləri asandır. Allahın göstərdiyi asan dini ən gözəl şəkildə səmimi yaşayan insana təqva deyərik.

Din insanlara azadlıq verir. Bəzi insanlar dinin azadlıq gətirdiyini görəndə çaxnaşmaya qapılırlar. Din dünyaya ən üst səviyyə azadlıq verən sistemdir.