Adnan Oktar A9 TV; 28 may 2017

Allahın çox sevdiyi insanı bütün dünya bir yerə toplansa məğlub edə bilməz. Tək bir insan Allahı çox sevdiyi zaman bütün dünyaya qarşı müvəffəqiyyətli olar.

Bəyənmədiyi bir şeyi mimika ilə ifadə etmək keyfiyyətli insanın əsla təşəbbüs etməyəcəyi davranışdır.

Təhsil müəssisələrində bütün dinlər və çox sayda dil öyrədilməlidir. Bir insan içində yaşadığı cəmiyyətin dinini bilmirsə o insan üçün böyük çatışmazlıqdır.

Peşmanlıq insanın təhsili üçün vəsilədir. Lakin möminin peşmanlığı məhvedici peşmanlıq deyil.

Şüuru açıq səmimi insan cəhənnəmə getməz.

Tənqiddən narahat olmaq nəfsin çirkin refleksidir. Halbuki tənqid rentgen kimi insanın görə bilmədiklərini görüb düzəltməsini təmin edər.

Mən bir insanı sevdikdə sonsuza qədər sevərəm, cənnət dostum olaraq ehtirasla, sonsuza qədər sevərəm.

İctimai ədaləti, rifahı və hüzuru təmin edəcək insanın ruhunun konstitusiyası, mənəvi konstitusiya lazımdır. Bu mənəvi konstitusiya Qurandır.

Allaha inandığını söyləyib dinə inanmadığını söyləyənlər haşa Allahın insanlardan xəbərsiz olduğunu söyləmiş olurlar. Yaxud stəkanın, eynəyin, yastığın mövcudluq məqsədi var, lakin insanın mövcudluğunun heç bir məqsədi yoxdur demiş olurlar. Hər ikisi də çox məntiqsizdir.

Müsbət və mənfi utancaqlıq vardır. Müsbət utancaqlıqda pis şeydən xəcalət çəkilər. Mənfi utancaqlıq isə insanın sevgisini ifadə etməsinə əngəldir. İnsanın sevdiyini uca səslə söyləyə bilməməsi qürurdan irəli gələr. “Sevirsənmi?” deyə soruşduqda “səncə?” deyə cavab verilməz, “sevirəm” deyilər.

Keyfiyyətli insan tərifləndiyi zaman lovğalanmaz. Lakin insanların bir hissəsi qeyri-sabit olur, adi insan olduğu halda tərifləndiyi vaxt əxlaqları pozulur. Tərifləndiyi zaman lovğalanıb özündən çıxmaq müəyyən mənada ruhi xəstəlikdir və şəxsiyyət pozuqluğudur. Sevgi dolu, Allahdan qorxan, Allahı sevən insan hər zaman sabitdir, tərifləndiyi zaman əsla lovğalanmaz.

Allah hamımızı hz. Mehdiyə və İsa Məsihə tələbə etsin. İslamın sevgi hakimiyyətini, nurlu hakimiyyətini Allah bizə göstərsin.

Qadının əsas xüsusiyyəti sevmək və sevilməkdir. Sevgi olmadıqda qadın yorulmağa başlayar, həyat zövqü tamamilə əlindən gedər.

Nifrətlə nəticə əldə etmək olmaz. Əsəbi, kinli anlayışla heç bir problem həll edilməz. Allah sevgisindən irəli gələn sevgi və mərhəmət olmalıdır. İsrail-Fələstin məsələsində torpaq problemi deyil, sevgisizlik problemi var. Nifrət aradan qalxsa, sevgi və qardaşlıq ruhu yaransa, dərhal sülh hakim olar.

Mömin əfv edərək sağlam olar. Bağışlayıcı olmaq ehtirasın, sevginin, eşqin və dostluğun əsas xüsusiyyətidir. Bağışlayıcılıq yoxdursa, sevgi yaranmaz.

Allah sevgisi güclü olduğu zaman dərin şəfqət, mərhəmət və fədakarlıq olar. Fələstin-İsrail probleminin həll edilməsi də Allah sevgisi ilə olar. Fələstinli gənclər də, İsrailli gənclər də, Allahı çox sevib səmimi dindar olduqları təqdirdə bir-birlərinə hörmət və sevgi bəsləyərlər.

Evlilik, Allahın rizasını axtararaq olmalıdır. İnsan yoldaşını seçərkən bu insan Allaha özünü təslim etmişdirmi, İslam üçün nələr etmişdir, İslamı yaymaq üçün nə edir, eqoistlikdən xilas olmuşdurmu, gözəl əxlaqlıdırmı kimi meyarlara baxıb axirət həyatı üçün yoldaşını seçər.

İnsanların bir-birinə etibar etməməyi və sevgi bəsləməməyi normal bir şey deyil, bu xüsusi sistemlə formalaşdırılmış mənəvi bəladır.

Hədislərdə izah edildiyi kimi Sirat körpüsü anlayışı Quranda yoxdur. Axirətdə sorğu-sual var. Bu sorğu-sual mömin üçün asan, küfr əhli üçün çox çətindir. Möminin axirətdəki sorğu-sualı çox qısa və asan olduğu halda, küfr əhli üçün əzabverici şəkildə çətin və təfərrüatlıdır. Allah tək-tək hər şeyin hesabını soruşacaq.

Allah axirətdə Qurana tabe olub olmadığımızı soruşacaq. Müsəlman təkcə Qurandan məsuldur.

Hər zaman deyirəm ələvilər candır. İncəsənət xadimi ruhludurlar, arifdirlər, təfəkkürləri zəngindir, mövhumatçılığa qarşı bir qələmdirlər, sevgi insanlarıdır. Ələvilər əleyhinə danışanlar, məlumatsızlıqlarından və sevgisizliklərindən bu cür danışırlar.

İnsan dürüst şəkildə səmimi olaraq hər şeyin Allaha aid olduğunu anladıqda üzərindən şirkin bütün bəlaları yox olar, bütün çətinlikləri bitər.

İnsan imtahanın sirrini tam bilsə zərrə qədər çətinlik çəkməz. Hər şeyin Allaha aid olduğunu çox yaxşı düşünmək lazımdır.

Allah insanların qəflətdən oyanmaları üçün tez-tez xəbərdarlıqlar yaradır. Kosmosda maqma qaynayan bir kürənin üzərində gedirik, ətrafımız meteoritlərlə əhatələnib. Çox insan bir dəfə belə Allahı yada salmır.

Şəhidlərimiz cənnət əhli olur, nə gözəl xoşbəxtlikdir. Heç kim dünyada qalmayacaq. Şəhidlərimiz ən gözəl şərəflə dünyadan ayrılırlar. Allah şəhidlərimizin ailələrinə xoşbəxtlik içində səbir nəsib etsin. Övladlarının şəhidliyinə hər müsəlman kimi biz də qibtə edirik.