Adnan Oktar A9 TV; 28 may 2017

Nifrətlə nəticə əldə etmək olmaz. Əsəbi, kinli anlayışla heç bir problem həll edilməz. Allah sevgisindən irəli gələn sevgi və mərhəmət olmalıdır. İsrail-Fələstin məsələsində torpaq problemi deyil, sevgisizlik problemi var. Nifrət aradan qalxsa, sevgi və qardaşlıq ruhu yaransa, dərhal sülh hakim olar.

Allah sevgisi güclü olduğu zaman dərin şəfqət, mərhəmət və fədakarlıq olar. Fələstin-İsrail probleminin həll edilməsi də Allah sevgisi ilə olar. Fələstinli gənclər də, İsrailli gənclər də, Allahı çox sevib səmimi dindar olduqları təqdirdə bir-birlərinə hörmət və sevgi bəsləyərlər.

Qadının əsas xüsusiyyəti sevmək və sevilməkdir. Sevgi olmadıqda qadın yorulmağa başlayar, həyat zövqü tamamilə əlindən gedər.

Allah axirətdə Qurana tabe olub olmadığımızı soruşacaq. Müsəlman təkcə Qurandan məsuldur.

İnsan səbir, vəfa, sevgi, dərinlik, ağıl, keyfiyyətlə gözəl olar. Vəfasız, nəzakətsiz, incə düşünə bilməyən, dərinlik nədir bilməyən bir qadın, çox gözəl olsa da bəyənilməz. Allah bəyənilməyi ruhun ehtişamından asılı etmişdir.

Allah məni də, qardaşlarımızı da hz. Mehdiyə və İsa Məsihə tələbə etsin, Özünü ən böyük sevgi ilə sevməyimizi nəsib etsin.

Dostlarım səmimiyyətimi gördükləri, dünyadan vaz keçdiyimi və Allah üçün insanları çox sevdiyimi bildikləri üçün məni çox sevirlər.

Terror, zorakılıq və bütün əzablar inşaAllah hz. Mehdi və İsa Məsihin açıq zühuru ilə aradan qalxacaq.

Bütün saxta mehdilərin yolu qapalıdır, müvəffəqiyyətsiz olurlar. Mehdiyyətin dəlili müvəffəqiyyətdir. İslam aləmini birləşdirən və hz. İsa ilə namaz qılan insana “Allahualəm Mehdi” deyə bilərik.

İsa Məsihi gördüyümüz zaman müasir, yaraşıqlı bir dəliqanlı olaraq görəcəyik. Yaşı çox olmasına baxmayaraq, çox gənc, gümrah və atletik olacaq. İsa Məsih, hz. Mehdinin vəfatından qısa müddət sonra vəfat edəcək. Ondan sonra cəmiyyətdə çox sürətli pozulma başlayacaq.

Hz. İsa və hz. Mehdi gəldi, lakin son ana qədər bəlli olmayacaqdır, Allah onu bir plan daxilində gizli saxlayacaq, ən sonunda ortaya çıxacaq. Hz. Mehdinin vəfatından sonra İsa Məsih təbliğ fəaliyyətinə davam edəcək.

Gözəl əxlaq insanı gözəlləşdirər. Ağıllı və dərin düşünən qadın heyrətamiz dərəcədə valehedicidir və gözəldir.

Keyfiyyətli insan tərifləndiyi zaman lovğalanmaz. Lakin insanların bir hissəsi qeyri-sabit olur, adi insan olduğu halda tərifləndiyi vaxt əxlaqları pozulur. Tərifləndiyi zaman lovğalanıb özündən çıxmaq müəyyən mənada ruhi xəstəlikdir və şəxsiyyət pozuqluğudur. Sevgi dolu, Allahdan qorxan, Allahı sevən insan hər zaman sabitdir, tərifləndiyi zaman əsla lovğalanmaz.

İnsanların bir-birinə etibar etməməyi və sevgi bəsləməməyi normal bir şey deyil, bu xüsusi sistemlə formalaşdırılmış mənəvi bəladır.

Mömin əfv edərək sağlam olar. Bağışlayıcı olmaq ehtirasın, sevginin, eşqin və dostluğun əsas xüsusiyyətidir. Bağışlayıcılıq yoxdursa, sevgi yaranmaz.

Evlilik, Allahın rizasını axtararaq olmalıdır. İnsan yoldaşını seçərkən bu insan Allaha özünü təslim etmişdirmi, İslam üçün nələr etmişdir, İslamı yaymaq üçün nə edir, eqoistlikdən xilas olmuşdurmu, gözəl əxlaqlıdırmı kimi meyarlara baxıb axirət həyatı üçün yoldaşını seçər.

İnsan dürüst şəkildə səmimi olaraq hər şeyin Allaha aid olduğunu anladıqda üzərindən şirkin bütün bəlaları yox olar, bütün çətinlikləri bitər.

Hədislərdə izah edildiyi kimi Sirat körpüsü anlayışı Quranda yoxdur. Axirətdə sorğu-sual var. Bu sorğu-sual mömin üçün asan, küfr əhli üçün çox çətindir. Möminin axirətdəki sorğu-sualı çox qısa və asan olduğu halda, küfr əhli üçün əzabverici şəkildə çətin və təfərrüatlıdır. Allah tək-tək hər şeyin hesabını soruşacaq.

İnsan imtahanın sirrini tam bilsə zərrə qədər çətinlik çəkməz. Hər şeyin Allaha aid olduğunu çox yaxşı düşünmək lazımdır.

Hər zaman deyirəm ələvilər candır. İncəsənət xadimi ruhludurlar, arifdirlər, təfəkkürləri zəngindir, mövhumatçılığa qarşı bir qələmdirlər, sevgi insanlarıdır. Ələvilər əleyhinə danışanlar, məlumatsızlıqlarından və sevgisizliklərindən bu cür danışırlar.

Allahın çox sevdiyi insanı bütün dünya bir yerə toplansa məğlub edə bilməz. Tək bir insan Allahı çox sevdiyi zaman bütün dünyaya qarşı müvəffəqiyyətli olar.

Allah insanların qəflətdən oyanmaları üçün tez-tez xəbərdarlıqlar yaradır. Kosmosda maqma qaynayan bir kürənin üzərində gedirik, ətrafımız meteoritlərlə əhatələnib. Çox insan bir dəfə belə Allahı yada salmır.

Şəhidlərimiz cənnət əhli olur, nə gözəl xoşbəxtlikdir. Heç kim dünyada qalmayacaq. Şəhidlərimiz ən gözəl şərəflə dünyadan ayrılırlar. Allah şəhidlərimizin ailələrinə xoşbəxtlik içində səbir nəsib etsin. Övladlarının şəhidliyinə hər müsəlman kimi biz də qibtə edirik.

Allah ayədə "insan zalım və cahildir" deyə bildirir. İnsanların böyük əksəriyyəti, nankordur. Allahın böyük ağılı və himayəsi var, lakin şükür etmirlər.

Suriyadan gələn ərəb, kürd, türkmən hər kim olursa olsun bizim başımızın tacıdır. Türkiyə hamısına sevərək ev sahibliyi edir.