Adnan Oktar A9 TV; 17 yanvar 2016

Allah: "Allaha itaət etsəniz xoşbəxt olarsınız" deyir. Ayənin şərhi nədir? Əgər Allaha itaət etməsəniz xoşbəxt olmazsınız. Necə xoşbəxt olmazsan? Əzab çəkərsən, qorxu içində yaşayarsan, narahat olarsan, vəsvəsəyə qapılarsan. Əzablar içində qıvrılarsan. Həyat sənin üçün cəhənnəmə çevrilər.

İnsan çoxalmaq üçün evlənirsə heyvan kimi olar. Məktəbə mənfəəti üçün gedirsə eqoist, adi bir insan olar. Amma hər yerdə Allah üçün yaşasa çox ülvi, çox böyük bir məqsədi olar. Onda Allah zehin açıqlığı verər, bərəkət verər, asanlıq verər, gözəllik verər.

Evlənməməyimin səbəbi, bütün vaxtımdan, bütün ömrümdən Allah üçün, İslam üçün, təbliğ üçün istifadə edə bilməkdir.

Bizim bütün həyatımız İslamdır. Dinin olmadığı həyatın tək bir anı, tək bir nöqtəsi olmaz. İslamla yaşayar, İslamla ölərik.

Dindarlıq Allah üçündür. Müsəlmanın hər şeyi, yeyib-içməsi, həyatı Allah üçündür.

“İnsanlıq” adı altında təqdim edilən fəlsəfə də, İngiltərə dərin dövlətinin Firon dövründən öyrəndiyi dindir. Müsəlman “insanlıq” dini üçün deyil, Allahın rizası üçün yaşayar. Həyatının hər anı Allah üçündür, insanlıq dini üçün deyil.

Müsəlman mal, mülk və ya gələcəkdə bir mövqe əldə edə bilmək üçün deyil, Allahın rizasını qazanmaq üçün yaşayar və xidmət edər.

Təkcə Allah üçün yaşayan, hər şeyi Allah üçün edən insan şirk qoşmaz inşaAllah.

Rahat yaşamağın yolu, bizi hər an Yaradan Qüvvə olan Allahla iç-içə olmağımız, Ona tam təslim olmağımızdır. Allahdan uzaq yaşasan, Allah dünyanı bəlaya döndərər. Allaha dost olsan Allah ən gözəl həyatı yaşadar.

Din olmasa həyatın bir mənası yoxdur, Allah qorusun. Mən din üçün, Allah üçün yaşayıram. Hamımız eləyik, inşaAllah.

Allah duanın, səmimi, insanın özünün eşidəcəyi səslə için-için və ixlasla olmasının lazım olduğunu Quranda bildirmişdir.

Allah müsəlmanlara sevginin tam yaşama zəminini təqdim etmişdir. Küfr əhlində də sevginin tam yaşama zəminini əllərindən alır Allah. Sevginin yaşanması üçün lazım olan çox şərt vardır. Ən başda insanın Allahı çox sevməsi, Allahdan çox qorxması lazımdır. Eqoist olmaması, səmimi, vəfalı, təmiz, bağışlayan olması lazımdır. Bu cür onlarla şərt həqiqi sevginin yaranması və yaşanması üçün zəruridir. Bu şərtlərdən təkcə biri çatışmadıqda belə sevgidə ciddi sarsıntı yaranar. Küfr əhlində isə bu şərtlərin demək olar ki, hamısında əksiklik olduğu üçün, küfr əhlində sevgi ölü doğar.

Allah Özünü unudan insanlara az və ya çox sıxıntılar verərək Özünü xatırladar. Allah insanı mütləq müəyyən yolla Özünə yaxınlaşdırar. Bu, Allahın gözəl nemətidir.

Allah qorxusu hörməti təmin edər. Hörmət olmadan sevgi olmaz. Allah qorxusu və Allah sevgisi iç-içədir. Allah qorxusunun içində olan ən güclü duyğu Allaha qarşı xəcalətli olmamaq istəyidir.

Allahın razı olduğu yeganə şey sevgidir. Allah xromosomları, çiçəkləri, bitkiləri, böcəkləri, səmanı, içi maqma dolu yer kürəsinin üzərində güvən içində yaşamağımızı, hər şeyi təkcə sevgi üçün yaratmışdır. Allah sevildiyini görsə qulunu heyrətamiz sevər. Allah bütün gözəlliyi, yaxşılığı göstərdiyi halda, haşa Özü ilə maraqlanmayan, hətta Özünü unutmağa çalışan rəftar görsə bu Allahın qəzəbini cəlb edər.

Avropalılar gözəl insandırlar, onları Dəccalın əlinə tərk etməyək. Hamısına sahib çıxaq. Dəccaliyyət narkotik aludəsi, alkoqolik, homoseksual, yaşama həyəcanını itirmiş, hər şeydən sıxılan bir kütlə yaratmağa çalışır. Dəccaliyyətin bu oyununa qarşı Avropa və Amerikaya sahib çıxacağıq.

Cinsi əlaqəni qorxunc göstərib əxlaq pozğunluğu kimi qavrayırlar. Bir qadağa yaradıblar. Halal olan cinsi əlaqə nemətdir. Allah zinanı haram buyurmuşdur. Qadının cəlbedici olması, kişinin yaraşıqlı olması günah deyil. Bu qadağa həm ənənəçi İslam anlayışında, həm də sol ideologiyalarda var. Sevgisiz, ruhsuz, soyuq, yaşama sevincini itirmiş nəsillər yetişməsinə səbəb olurlar. Allah belə dünya istəmir.

İnsan bədəni Allah ilə əlaqəyə görə yaradılmışdır. İnsan necə ki, susuz qaldığı zaman pərişan olursa, Allah ilə əlaqəsi kəsildiyi zaman da bütün hüceyrələr xəstələnər. O zaman bədən ölmək istəyər. Allahdan qopan hər bədən tezliklə ölmək istəyər, Allah qorusun. Allah yaşama səbəbidir. Sən yaşama səbəbini aradan qaldırsan depressiyadan xilas ola bilməzsən.

Münafiqin hər halı Allah tərəfindən əhatə edilmişdir. Allah münafiqə dünyada tələ qurar. Bu tələ, möminlər üçün cənnət nemətidir. Allah təkcə dənizlə, düzənliklə, gözəlliklə nemət təqdim etməz. İgidliklə də nemət təqdim edər. Münafiqə tələ qurar, bu da nemətdir. Bu tələ belədir: Allah əvvəlcə münafiqi alar möminlərin arasına gətirər, gəncliyini burada keçirtdirər. Münafiq 20 ilə 40 yaş arasını müsəlmanların arasında keçirdər. Bütün maddi və mənəvi həyatını İslam üçün keçirmiş olar. Müsəlmanlardan ayrılanda onu geri almaq istəyər, lakin geri almaq imkanı artıq yoxdur. Allah bütün gəncliklərini əllərindən almışdır. Allah bəsirətini bağlayıb 10-20 il xidmət etdirər, sonra münafiq var-dövlət və nüfuz hərisliyinə qapılar. Allah münafiqə bol miqdarda var-dövlət və məqam verər. Professorluq, tacirlik, zənginlik verər. Lakin yaşı 40-50-yə çatmışdır. Türkiyədə orta yaş 65-dir. Allah münafiqə nə qədər müddət vermiş olur, ən çox 10-15 il. Münafiq malı dəli kimi yığmışdır, o malı yeməsi üçün çox ömrə ehtiyacı vardır, lakin o ömür əlində yoxdur. Yaxtanı almışdır, mənzilləri almışdır, mallarını toplamışdır, arxada qoyulacaq kimi deyil, çox şey toplamışdır, lakin edam fərmanı da Allah tərəfindən verilmişdir. Hər dəqiqə ölümə getdiyini bilər. 15 il, 14 il, 13 il, hər keçən ilin tik-tak, tik-tak deyə səsləri qulağına gəldikcə münafiq dəli olar. Lakin edə biləcəyi heç nə də yoxdur. Sonunda da; "gəl biz səni alaq" deyər ölüm mələkləri və ağzını, burnunu qıraraq canını alar. Münafiqin bütün zəhməti isə burada qalar. Münafiq malını yeyə bilməz. Evləri, avtomobilləri, ləl-cəvahiratları, paltarları hər şeyi geridə qalar. Lakin ən əhəmiyyətlisi müsəlmanlara xidmət edib qoyduqları qalar. Münafiqin əlində təkcə o malı əldə etmək üçün süründüyü iyrənc həyat və sonda da əzab vardır. Müsəlmanda isə ömür uzun olar. Müsəlmanda mal yığma olmadığı üçün, həmin anda o malın haqqını verər. Mömin həris olmadığı üçün dünyanı həmişə gözəl yaşayar. Mömin təvəkküllə çox sakit, Allahın verdiyi bərəkətlə çox yaxşı yaşayar. Münafiq isə eşşək kimi hərisliklə çalışar, lakin çalışdıqca çökər, çünki o hərislik onu çökdürər. "Liviyanın dörddə biri mənimdir, Tunisin yarısı mənimdir" deyə özünü aldatmağa çalışar, lakin əlində o malı yeyəcək gənclik qalmamışdır. Gəncliyi möminlərə xidmətlə keçmişdir. Üstəlik, o malı əldə etməyə çalışarkən yaşadığı hərislik, ruh və bədən sağlamlığını da tamamilə pozar, çökdürər və çürüdər. Münafiq ömrü boyu çalışar, lakin hamısı boşa gedər. Bu, Allahın münafiqə ən böyük tələsidir. Dolayısilə münafiqlər axmaqlıqlarına doymasınlar. Sürünürlər sürünməyə davam edəcəklər, möminlər də kef içində yaşamağa davam edəcəklər.

Müsəlman həyatı ilə İslamın gözəlliyini göstərən insandır. Quranın bizə gətirəcəyi gözəlliyi insanlara həyatımızla göstərməyimiz çox əhəmiyyətlidir. Quran bizə ağıl, keyfiyyət, yüksək xarakter ifadə edər və Allah bizdən bunu istəyər. Bizim də həyatımızda bu keyfiyyətin, gözəlliyin, yaxşılığın olması mühümdür. Bütün keyfiyyəti, qidaları, süfrələri, gözəllikləri ən incə təfərrüatına qədər yaradan Allahdır. Hamısının Allah dərgahında yeri ayrı-ayrılıqda müəyyəndir. İşığı yaradan Allahdır, xarici aləmdə işıq yoxdur. Beynin içi qaranlıqdır.

Yaşama sevinci Allahın mövcudluğundan irəli gələn sevincin adıdır. Bundan başqa, yaşama sevinci olmaz, çünki insan addım-addım ölümə gedən varlıqdır. Hər insan sanki edam qərarı verilmiş hücrədə gözləyən biri mövqeyindədir. Hər gün addım-addım ölümə gedər. İnsan təkcə Allahın ruhunu daşıyan varlıq olduğunu bilib əbədi yaşayacağını anladığı zaman yaşama sevinci qazanar. Allahın mövcudluğunu dərk etmədən "çox əyləndik" deyən insanlar təkcə əylənmə təqlidi edərlər. Heç vaxt əylənə bilməz və xoşbəxt ola bilməzlər.

Yaşlanma olmasa insanların böyük əksəriyyəti çox tərs və təkəbbürlü ola bilər. 25 yaşından etibarən gözlə görünəcək şəkildə qocalıq görünür. İnsanın gənc yaşayacağı dövr təkcə 20-30 yaş arasıdır və o da göz qırpımı qədər sürətlə keçir. Allah insanların dünyaya bağlanmasına mane olacaq möhtəşəm sistem yaradıb. Belə olması çox xeyirlidir.

Biz cənnətlə iç-içə yaşayırıq. Aramızda sonsuz incə bir zər var kimi düşünün, iç-içəyik. Allah Qatında məkan yoxdur. Məkan insan üçün yaradılır. Allah zaman və məkanın üzərindədir.

İnsan bədəni səmimiyyətə görədir. İnsanlar, Allaha yaxın olmaq üçün çox kompleks sistemlərdən keçmələri lazım olduğuna inanırlar. Yalnız səmimi olmaq yetərlidir. İnsanlardakı başlıca problem özünü çox ağıllı zənn edib Allaha güvənməməkdir. Allahdan şübhə edib, Allah haqqında mənfi düşünmək bütün problemlərin qaynağıdır. Mömin çox səmimi olacaq, özünü Allaha tamamilə buraxacaq və Allaha tam güvənəcək. Allah haqqında heç vaxt mənfi düşünməyəcək. Allahın yaratdığı ağılla, Allahın əleyhinə düşünmək çox böyük ağılsızlıqdır. Sevdiyin bir insan olsa və ondan həmişə şübhə etsən bunun adı sevgi olarmı? Ya mənə pislik etsə, ya mənə vəfa göstərməzsə deyə həmişə şübhə yaşayırsansa sevgi yoxdur deməkdir. Allah sənə çoxlu nemət verir, səni sevir, qoruyur, Allaha şübhə ilə yanaşmaq çox böyük nankorluq olar.

Varlıq varsa eşq üçün vardır. Eşq olmadan varlığın mənası yoxdur. Hər şey Allah eşqiylə, dəlicə sevgiylə, ehtirasla mənalıdır. Eşq, dərin ağılla iç-içədir. Allahı sevən, Allahın böyüklüyünü dərk edən, dərin ehtirası yaşayar. Dərk edə bilməyənlər isə sevgisizliyin ağrısını çəkirlər.