Dhamaan waxyaabahaas aynu hore usoo aragnay waxaa ay inna tusaysaa xaqiiqo cad: qur’aanku waa buug dhamaan waxa macluumaad ku jiraa ay iyagu run ahaantooda caddaynayaan. Xaqiiqooyinka saynis iyo xog warranka mustaqbal labaduba waxa ay u markhaati yihiin in aan cidina waqtigaas lahayn aqoontaas, aayaduhu xambaarsanaayeen. Macquulna ma ahayn in aqoontaas la ogaan karayey marka loo eego derejada aqooneed iyo tegnoolajiyeed ee waqtigaas la joogay. Taasi waa caddayn daaha ka qaadaysa in aan Qur’aanku ahayn wax aadame qoray. Qur’aanku waa hadalkii Ilaahay, Allaha wax waliba isaga xaggiisa ay ka ahaadeen, Allaha shay walba isagu ku koobay cilmigiisa. Hal aayad ilaahay waxa uu ku leeyahay “ haddii aanu xagga Ilaahay ka imaanin waxa aad ku arki lahaydeen iska hor imaad badan” suuradda Nisaa aayadda 82aad. Keliya ma aha in aanu iska hor imaanaynin laakiin qayb kasta oo ka mid ah waxaa ku jira mucjisooyinkeeda u gaarka ah kitaabkan ILAAHAY soo dejiyey. Innagana inagu soo gaadhay hanooniyaha keliya ee aadamaha. Mid ka mida aayadihiisa ayaa ILAAHAY innoogu dhawaaqayaa sidan :
“kitaabkan aanu idiin soo dejinnay waa mid barakaysan ee raaca ,ALLENA ka cabsada waxaa laga yaabaa in laydiin naxariistee.” (Suuradda Ancaam aayadeeda 155aad)
Aayad kale ILAAHAY wuxuu ku yidhi:
“waxaad ku tidhaahdaa (Nebi Maxamedoow) kani waa xaqii oo idiinka yimid xagga ILAAHAY kii doona ha rumeeyo, kii doonaana ha iska diido” (suuradda Kahf aayadeeda 29aad)
“Haka yaabin! Kani waa waano,cidii ku waano qaadanaysa” (suuradda Cabbasa aayadeeda 11_12aad)
Waxa ay yidhaahdeen “ilaahoow adiga ayaa xumaan ka nasahan! Cilmi annagu ma lihin wixii aad na bartay mooyaane. Adiga ayaa ah kan Cilmiga leh ee Xikmadda Badan.
Suuradda Baqra aayadda 32aad.
