GİRİŞ:
Batil Uzaq Şərq dinlərini yaxından tanımaq
Şərq dinləri xeyli çox insan üçün böyük bilinməzlikdir. Hinduizm, Caynizm, Buddizm, Siqhizm, Şintoizm, Konfutsiçilik və Taoizm kimi dinlərin adları sayıldığında ümumiyyətlə insanların ağıllarına daşdan, ya da taxtadan heykəllərə tapınan, bu heykəllərə qurbanlar təqdim edib hörmət nümayişlərində olan, sönük məbədlərdə qəribə ayinlər təşkil edən birliklər gəlir. İslam, xristianlıq və yəhudilik kimi Allahın vəhyinə söykənən ilahi dinlər (burada xristianlığın və yəhudiliyin ilk vəhy edildikləri halları nəzərdə tutulmaqdadır. Çünki yəhudilik və xristianlıq vəhy edilmələrindən sonra təhrif edilmiş, orijinal hallarından uzaqlaşmışlar) insanları nurlu, dinclik dolu, etibarlı və ədalətli həyata çağırarkən, dünya üzərində təxminən 1.5 milyard insanın1 qəbul etdiyi Şərq dinləri sıxıcı bir həyatı, azğın ayinləri, ictimai ədalətsizliyi, dünyadan tamamilə uzaqlaşıb səfil şərtlərdə yaşamağı, qısaca hər istiqamətiylə batil bir həyatı təmsil edirlər. Bu dinlərə inananların ən fundamental yanılmaları isə Allahın mütləq varlığını inkar edib, sayları yüz milyonu aşan bütlərə tapınmaları və bu bütlərdən qarşılıq, ya da kömək görməyi ümid etmələridir.
Asiya xalqlarının böyük bir hissəsinin inandıqları Hinduizm, Buddizm kimi dinlər, bütpərəst inanclardır. Buddistlər Buda heykəlləri qarşısında əyilər, onlara qurbanlar verərkən, hindular milyonlarla fərqli bütə tapınırlar. Bir insanın daşdan düzəldilmiş bir heykəlin güc sahibi olduğuna, insanlara kömək etmə, ya da cəza vermə qüdrətini əlində tutduğuna inanmasının, bu daş yığınına hörmət etməsinin, ya da ondan qorxmasının nə qədər böyük azğınlıq və ağılsızlıq olduğu açıqdır. Üstəlik Hinduizm kimi inəklərə, meymunlara, siçanlara, ağaclara və çaylara tapınmağı əmr edən batil dinlər insanları daha böyük mənəvi azğınlığın, cəhalətin və qaranlığın içinə sürüyürlər.
Ancaq bu kimi bütpərəst inanışlara sahib birliklər tarixin hər dövründə var olmuşlar. Allahın Quranda hekayələrini xəbər verdiyi bir çox mübarək elçisi bənzər birliklərlə qarşılaşmış, onları Allahdan başqa varlıqlara səcdə etməkdən imtina edib, sonsuz güc və qüdrət sahibi olan Rəbbimizə iman etməyə dəvət etmişlər. Allahın Özünə dost etdiyi, hənif qulu hz. İbrahimin, bütpərəst qövmünə çağırışı Ənkəbut surəsində bu şəkildə xəbər verilir:
Siz Allahı qoyub ancaq bütlərə ibadət edir və yalan uydurursunuz. Şübhəsiz ki, Allahdan başqa ibadət etdikləriniz sizə ruzi verməyə qadir deyillər. Elə isə ruzini Allahdan diləyin, Ona ibadət edin və Ona şükür edin. Siz ancaq Ona qaytarılacaqsınız”. (Ənkəbut surəsi, 17)
Zəmanəmizin bütpərəstləri də hz. İbrahimin qövmündən fərqli deyildirlər. Onlar da keçmişdəki bütpərəstlər kimi inanclarını “Biz atalarımızın belə etdiklərini gördük” (Şuəra surəsi, 74) deyərək müdafiə edirlər. Xurafatlarla, batil təlimlərlə beyinləri doldurulmuş olan bu insanlar, içində olduqları böyük ağılsızlığı və xəstə ruh halını fərq edə bilmir, xarici dünyadan kənarlaşdırılaraq atalarından miras aldıqları dinlərinə dörd əllə sarılırlar. Halbuki sahib olduqları inancları ağıl və vicdanla bir dəfə olsun sorğulasalar, atalarının izindən getməyi deyil, gerçəyi və doğrunu tapmağı məqsəd etsələr, mütləq özlərini və bütün kainatı yoxdan var etmiş olan Uca Rəbbimizin sonsuz güc və qüdrətinin fərqinə varacaqlar. Bunun ardından da xurafatlarla dolu həyatlarından xilas olub, Allahın elçiləri vəsiləsiylə insanlara bildirdiyi hidayət yolunu mənimsəyəcəklər.
Bu kitabda haqqında bəhs etdiyimiz mövzu Şərq dinlərinin bütün səhv istiqamətləri, azğınlıqları, ağıl və məntiqlə ziddiyyət təşkil edən tətbiqləri, irqçiliyi, şiddəti və vəhşiliyi qanuni göstərən təlimləri gözlər önünə səriləcək. Ümidimiz, bu dinlərin mənsubu olan insanların da nə qədər batil həyat yaşadıqlarını anlamaları, insan tərəfindən uydurulan, atalardan qalma ənənələrə kor-koranə tabe olmalarının özlərini həm dünyada, həm də axirət həyatında nə qədər böyük itkiyə uğradacağının fərqinə varmaları və bir an əvvəl bütün batil inanışlarından imtina edib Allaha təslim olmalarıdır.
Üzərində dayanacağımız bir başqa mövzu isə bu inanışların Qərb mədəniyyəti üzərindəki dərin təsiridir. Şərq dinlərinin qərbli cəmiyyətlərin düşüncə quruluşu üzərindəki təsirini ilk baxışda anlamaq bir az çətindir. Ancaq 18-ci əsrdəki Aydınlanma fəlsəfəsi, ardından gələn 19-cu əsr materializmi, Avropa cəmiyyətlərini ilahi dinlərdən uzaqlaşdırmış, yaranan mənəvi boşluq isə 20-ci əsrdə başda Hinduizm və Buddizm olmaq üzrə saxta Şərq dinlərini Qərb düşüncə dünyasına daşımışdır. Din əxlaqının cəmiyyət üzərindəki köklü təsirini ortadan qaldırmaq, materialist dünya görüşünün mənimsənməsini asanlaşdırmaq və mənəvi axtarış içində olan insanları “Allah inancına qarşı çıxan saxta din” ilə yanıltmaq cəhdində bu batil dinlər əhəmiyyətli rol oynamışlar.
Bəzi kütlələr tərəfindən guya “Milenium dini”, ya da “21-ci əsrin dini” təyin etməsiylə çox istiqamətli təbliğatı edilən və Uzaq Şərq mədəniyyətinin bütün batil və bütpərəst təlimlərini bir yerə gətirən “Yeni Çağ” tərzi axınlar isə bu dinlərin 21-ci əsrdə də qərbli cəmiyyətlərin gündəmində olacağını bizlərə göstərir. Belə ki, başda Vatikan olmaq üzrə müxtəlif xristian birlikləri də, Uzaq Şərq dinlərindən təməl alan və Qərbli cəmiyyətlərdə sürətlə yayılan bu saxta axınları, içində olduğumuz əsrdə xristianlığın qarşısındakı ən böyük təhlükələrdən biri olaraq təyin edirlər. Vatikan tərəfindən hazırlanan və bəzi kütlələr tərəfindən “Xristianlığın yeni izahı” olaraq təqdim edilən Yeni Çağ hərəkətinin səhv istiqamətlərinin sərgiləndiyi “A Christian Reflection on the New Age” (Yeni Çağa Xristian baxışı) başlıqlı hesabat, xristian dünyasının da bu axını nə qədər təhlükəli gördüyünü ortaya qoyur.2
Heç şübhəsiz, insanları Allah inancından uzaqlaşdıran, ilahi dinlərin insanlara tövsiyə etdiyi gözəl əxlaq anlayışını ortadan qaldırıb yerinə materialist və batil inancları yerləşdirməyə çalışan bu kimi axınlara qarşı, Allaha səmimiyyətlə iman edən bütün insanların birlik olaraq hərtərəfli fikri mübarizə etmələri lazımdır. Bunun üçün edilməsi lazım olanlardan biri, ilahi dinlərin insanları dəvət etdiyi sülh, hüzur, güvən, ədalət, bərabərlik, köməkləşmə, mərhəmət, şəfqət və sevgi dolu dünya ilə batil dinlərdəki maddi və mənəvi azğınlığı təməl alan həyat şəkli arasındakı böyük uçurumu gözlər önünə sərməkdir.
Unutmamaq lazımdır ki, Qərbli cəmiyyətlərdə bu səhv dinlərə simpatiya duyan insanların çox böyük hissəsi əvvəlcə diqqəti cəlb etməyi, fərqli və orijinal rəftarlarla diqqətləri üzərində toplamanı məqsəd qoyurlar. Bir tərəfdən də xoşbəxtliyi bu dinlərdə tapacaqları səhvinə qapılırlar. Allahın elçiləri vasitəsiylə insanlara göndərdiyi haqq dinlərin doğru yollarından uzaqlaşaraq özlərini darıxdırıcı, sıxıcı, qorxu və çətinlik dolu bir dünyaya, çox böyük məhvə sürüyürlər.
Bilinməlidir ki, dünya və axirət həyatında həqiqi xoşbəxtlik ancaq Allaha könüldən iman etmək və Allahın ayələrinə tabe olmaqla mümkündür.
“...Çünki Allah gecəni gündüzə, gündüzü də gecəyə qatır...” (Həcc surəsi, 62)
O, Özündən başqa heç bir məbud olmayan, Hökmran, Müqəddəs, Pak, haqqı təsdiq edən, hər şeyi müşahidə edən, Qüdrətli, Qadir, Məğrur Allahdır. Allah onların Ona şərik qoşduqlarından ucadır. (Həşr surəsi, 23)
