I KİTAB:
HİNDUİZMİN QARANLIQ DÜNYASI
Şərq dinləri deyildiyi zaman ilk ağla gələn çox vaxt Hinduizmdir. Çünki Hinduizm təxminən 900 milyon davamçısı ilə, İslam dini və xristianlıqdan sonra dünya üzərində ən çox insan tərəfindən qəbul görən üçüncü dindir. Hindistan, Nepal və İndoneziyadakı əhalinin əhəmiyyətli bir hissəsi başda olmaq üzrə, Hinduizmi dünya əhalisinin təxminən 15%-i qəbul edir. Hindistan əhalisinin təxminən 90%-ni meydana gətirən 700 milyon insan hindidir.
Əslində Hinduizmi bir din olaraq təyin etmək doğru deyil. Çünki İslam dini, xristianlıq və yəhudilik Allahın vəhyinə söykənən haqq dinlər ikən (yəhudilik və xristianlıq vəhy edilmələrindən sonra təhrif edilmişlər), Hinduizm bir fəlsəfə, yaşayış şəkli, əsrlərdir davam edən batil ənənələrdən ibarət olan bir mədəniyyətdir. Bu səbəblə də kitabın irəliləyən hissələrində Hinduizm batil din olaraq təyin olunarkən, gerçəkdə əsrlərdir var olan bütpərəst Hindi mədəniyyəti nəzərdə tutulur.
Tarix boyunca Hind çayı ətrafında dəyişik ənənələri və inancları olan fərqli sivilizasiyalar yaşamışdır. Hindistan bir çox dəfə işğal edilmişdir. Bilinən ən qədim işğal edənlər isə Arilərdir. Arilər, e.ə. 2500-1500 illəri arasında Şimal-Qərbdən gələrək bütün Şimali Hindistanı işğal etmişlər. Hindistan torpaqlarını yalnız hərbi mənada işğal etməklə qalmamış, yeni bir Hindi sivilizasiyası meydana gətirmişlər. Bunu edərkən də bu torpaqlardakı məskunlaşmış mədəniyyətin bəzi ənənələrini qoruyub, bəzilərini dəyişdirib, Ari mədəniyyətini təməl götürən yeni bir inanc meydana gətirmişlər. Yerli Hindi xalqı qara bədənli ikən Arilər ağ bədənli, uzun boylu bir irqdir, bu səbəblə də yaradılan yeni mədəniyyət irqçi təməllər üzərinə qurulmuş, ağ olanlara üstünlük verilmiş, yerli xalq isə alçaldılmışdır.
Arilərın e.ə. 1000 illikdə sanskrit dilini istifadə edərək yazdıqları Vedalar isə, Hinduizmin ilk mətnləri olaraq qəbul edilmişdir. Vedaların ardından zamanla fərqli kəslər tərəfindən yeni mətnlər yaradılmış və bunların hamısı bir yerə gətirilib Hindi dininin azğın inanclarını izah edən qondarma müqəddəs mətnləri olaraq qəbul edilmişdir. Bu səbəbdən Hinduizm Allahın vəhyinə deyil, işğalçı və döyüşçü bir birlik olan Arilərın kitabələrinə əsaslanan “insan istehsalı” bir inancdır.
İngilislərin 1829-cu ildə Hindistanı işğalının ardından Hinduizm adıyla xatırlanacaq olan bu din, gərək təməl aldığı batil mətnlər, gərək illərdir davam edən primitiv ənənə və adətlər, gərəksə bütün ayinlər və tətbiqləriylə qarmaqarışıq bir xurafatlar cəmidir. Bu inancı, tək bir kitaba bağlı olan, qaydaları təyin olunmuş, qurucusu olan bir inanc olaraq təyin etmək də mümkün deyil. Hinduizm kənddən-kəndə, qəsəbədən-qəsəbəyə, hətta ailədən-ailəyə çox böyük fərqlər daşıyır, bu fərqlər də Hinduizmin “insana özəl batil yaşayış şəkli” olduğu gerçəyini gözlər önünə sərir. “History of Hindi Imperialism” (Hindi imperializminin tarixi) adlı kitabın yazıçısı Swami Dharma Theertha bu vəziyyəti aşağıdakı şəkildə açıqlayar:
Açıqcası, kimin Hindi olduğunu və Hinduizmin nə olduğunu tam olaraq söyləyə bilmək mümkün deyil. Bu suallar təkrar-təkrar araşdırmaçılar tərəfindən qiymətləndirilmiş və bu suallara indiyə qədər təmin edici hər hansı bir cavab verilə bilməmişdir. Hinduizm, teizm (Allahın varlığına inanma), ateizm, politeizm (çox tanrıçılıq), Advitizm, Dvaitizm, Saivizm, Vaishanavizm və bənzəri dinlərin hər növünü içində saxlayar. Təbiətə tapınma, atalara tapınma, heyvanlara tapınma, bütlərə tapınma, şeytana tapınma, simvollara tapınma, öz-özünə tapınma və tanrıya tapınmağı ehtiva edər. Bir-birləriylə ziddiyyət təşkil edən bu fəlsəfələr hər hansı bir sıravi insanın ağlını qarışdıracaq. Hinduizmin içində barbar tətbiqlər və qaranlıq batil inanclardan, ən mistik ayinlər və fəlsəfələrə qədər bütün mərhələlərə və növlərə yer vardır.”3
1947-1964-cü illər arasında müstəqil Hindistanın ilk Baş naziri olan Pandit Nehru da Hinduizmi bənzər şəkildə təsvir edir:
Hinduizm bulanıq, kəskin xətlərlə təyin oluna bilməyən, çox istiqamətli, hər insana görə dəyişən bir inancdır. Onu tam olaraq təyin etmək çox çətindir. Hətta sözün həqiqi mənası ilə bir din olub olmadığını söyləmək də çox çətindir. Bugünkü halıyla keçmişdə də olduğu kimi ən ucasından ən alçağına qədər, hətta bir-birinə qarşı və bir-biriylə zidd düşən hər cür inancı və ibadəti içinə alır.4
Yekunlaşdırmaq lazım olsa Hinduizm, bütpərəstliyin və batil inancların ən alçaldıcı şəkillərinə yol verir, şeytana, bütlərə, ağaclara, dağlara, çaylara, bitkilərə tapınanları batil bir inancın altında birləşdirir. Hətta belə ki, insanların istədikləri bütlərə tapınmalarını, öz bütlərini özlərinin meydana gətirməsini, müxtəlif xurafatlar və batil inanışlar çıxarıb bunları din olaraq müqəddəsləşdirmələrini mümkün edir.
Bu anlayış isə onsuz da hər istiqamətiylə azğın olan Hinduizm, təxminən 300 milyon fərqli bütə sahib, milyonlarla törəməsi olan, hər istiqamətiylə batil, qaranlıq bir həyat şəkli halına gətirmişdir. Üstəlik bu, insanların iyirmi dörd saatına nəzarət edən zorakı və totalitar bir həyatdır. Batil hindu ənənələrini; ailə həyatlarında, insanlar arasındakı əlaqələrdə, kitabın irəliləyən hissələrində detallı olaraq araşdıracağımız ədalətsiz ictimai nizamda, irqçiliyə gedib çatan səhv milliyyətçilik anlayışında, digər cəmiyyətlərə olan düşmənlikdə, ölkə siyasətlərində, hətta necə yemək yeyiləcəyindən, necə yatılacağına qədər həyatın hər sahəsində görmək mümkündür.
Hindular bütün həyatlarını Hindu mətnlərində yazdığı şəkliylə keçirdikləri təqdirdə “doğru yola” çatacaqlarını zənn edər, bundan ötəri çox böyük bir yanılmaya düşərlər. Çünki Hinduizmin həm dünya həyatı, həm də axirət həyatı üçün heç bir gözəllik vəd etməsi mümkün deyil. Hinduizm batildir və haqq qarşısında mütləq yox olacaq. Rəbbimiz bu şəkildə buyurur:
De: “Haqq gəldi, batil puç olub getdi. Həqiqətən də, batil puçluğa məhkumdur!” (İsra surəsi, 81)
