II Kitab:
Digər Uzaq Şərq Dinləri
Uzaq Şərq dinləri deyildiyində ağla bir çox batil inanc gəlir. Birinci hissədə detallı olaraq araşdırdığımız Hinduizm, bu azğın dinlərin ən böyüyü, mənşəyi ən qədim tarixlərə uzananı və dünya üzərində ən çox mənsubu olanıdır. Asiya ölkələrindən Qərb ölkələrinə qədər bir çox mədəniyyətdə hindu dininin izlərini görmək mümkündür.
Xüsusilə də Hindistanın uzun müddət İngilis İmperatorluğunun işğalı altında qalması, hindu mədəniyyətinin Qərb cəmiyyətlərində məşhurluq qazanmasında böyük rol oynamışdır. Ancaq Uzaq Şərq ölkələrində Hinduizm ilə yanaşı Caynizm, Buddizm, Siqhizm, Şintoizm, Konfutsiçilik, Taoizm kimi daha bir çox inanc mövcuddur. Bu dinlər də öz içlərində müxtəlif qollara bölünür, ölkədən-ölkəyə dəyişikliklər göstərir.
Uzaq Şərq dinlərinin ən fundamental xüsusiyyətləri Allahın mütləq varlığını inkar edən, bütpərəst təməl üzərinə qurulmuş olmalarıdır. Hər birinin özünə xas saxta ilahları, qarşısında səcdə etdikləri bütləri vardır. Ancaq daşdan, torpaqdan düzəltdikləri xəyali ilahları həyatdakı hər şeydən üstün görən, həyatlarını bütlərini xoşbəxt etmək üçün çalışaraq keçirən bu insanlar nə qədər böyük aldatma içində olduqlarının fərqində deyildirlər. Atalarını, inəkləri, meymunları, siçanları, ya da ağacları saxta ilahlar edən bu kəslərin vəziyyətini Rəbbimiz Fatir surəsində bu şəkildə bildirir:
Əgər siz onları çağırsanız, onlar sizin duanızı eşitməzlər, eşitsələr də cavab verə bilməzlər. Özləri də Qiyamət günü sizin onlara ibadət etdiyinizi danacaqlar. Heç kəs hər şeydən Xəbərdar olan Allah kimi sənə xəbər verə bilməz. (Fatir surəsi, 14)
Bu hissədə bəhs etdiyimiz dinlərin səhv istiqamətlərini müzakirə ediləcək, bu dinlərin mənsublarına batil həyatları haqqındakı həqiqətlər xatırladılacaq. Həmçinin bu inanclardan imtina edib, Allaha təslim olmaları üçün müraciət ediləcək.
Üzərində dayanacağımız bir başqa mövzu isə yaşadığımız əsrdə bəzi kütlələr tərəfindən insanlara qurtuluş yolu olaraq təqdim edilən, çox böyük təbliğatla dünya gündəmində tutulmağa çalışılan saxta dini axınlardır.
Materialist və ateist kütlələr tərəfindən din əxlaqının cəmiyyət üzərindəki köklü təsirini ortadan qaldırmaq və mənəvi axtarış içində olan insanları “Allah inancına qarşı çıxan saxta din” ilə yanıltmaq məqsədi ilə yaradılan bu saxta axınların təhlükələrinə qarşı insanları xəbərdar etmək bütün iman sahiblərinin vəzifəsidir. Rəbbimiz Rad surəsində bu şəkildə bildirər:
De: “Göylərin və yerin Rəbbi kimdir?” De: “Allahdır!” De: “Siz Onu qoyub özlərinə nə bir fayda, nə də bir zərər verməyə qadir olmayanlarımı özünüzə dost tutursunuz?” De: “Korla görən eyni ola bilərmi? Yaxud zülmətlə nur eyni ola bilərmi?” Yoxsa onlar Allaha, Onun yaratdığı kimi yaradan şəriklər tapdılar və bu yaradılış onlara bənzər göründü? De: “Hər şeyi yaradan Allahdır. O Təkdir, hər şeyə Qalib gələndir” (Rad surəsi, 16)
