Hinduizm bütpərəst dindir

Hinduların necə bir Allah inancına sahib olduqlarını anlamaq olduqca çətindir. Çünki hər fərqli hindu birliyinin, qəsəbənin, kəndin, hətta eyni ailə içində yaşayan fərdlərin belə bir-birlərindən fərqli inancları olur. Ancaq bu din üzərinə araşdırma aparıldığında Hinduizmin bütpərəst bir din olduğu nəticəsinə gəlmək olur. Bu həqiqətə baxmayaraq, hindular əsrlərdir davam edən bütpərəst ənənələrini çox fərqli şəkillərdə şərh edirlər.

Milyonlarla fərqli bütə tapınmalarına, bu bütlərin cəzalandırma və mükafatlandırma kimi bir çox uydurulmuş üstün gücə sahib olduqlarına inanmalarına baxmayaraq, hindular ümumiyyətlə bütpərəst olduqlarını qəbul etməzlər. “Brahma” adını verdikləri “universal ruha” inandıqlarını, digər bütləri Brahmanın əks olunmaları olaraq gördüklərini, bu səbəbdən Hinduizmin tək tanrılı bir inanc olduğunu söyləyərlər.

Halbuki bu, İslam dini ilə heç bir şəkildə uyğun gəlməyən azğın bir anlayışdır və onsuz da bütpərəstlik də budur. Üstəlik Hinduizmin bütpərəst bir din olduğunu anlamaq üçün hər hansı araşdırmaya, ya da uzun müddət müşahidələr aparmağa da ehtiyac yoxdur. Hindistanın dörd bir tərəfini əhatə edən milyardlarla büt bu gerçəyi bütün açıqlığı ilə gözlər önünə sərir.

Quran ayələrində də bütpərəstliyin tərifi çox açıq bir şəkildə edilir. Peyğəmbərimiz hz. Məhəmməd (s.ə.v) dövründə də bütlərə tapınan bəzi Ərəb birlikləri, bütün kainatın yaradıcısı və hakimi olan Allahın varlığına inanır, ancaq tapındıqları bütlərin Allahdan başqa gücləri olduqlarını zənn edir, bəzən də onlara “vasitəçi” olaraq tapınırdılar. Hinduizmdəki Brahma inancı ilə bir qisim cahiliyyə dövrü ərəblərinin bu bütpərəst inancları böyük bənzərlik göstərir. Allah, bu insanların necə səhv içində olduqlarını Quranda belə xəbər verər:

...Allahı qoyub başqalarını özlərinə dost tutanlar: “Biz, onlara ancaq bizi Allaha daha çox yaxınlaşdırsınlar deyə ibadət edirik” – deyirlər. Əlbəttə ki, Allah ziddiyyətə düşdükləri şeylər barəsində onların arasında Öz hökmünü verəcəkdir. Şübhəsiz ki, Allah yalançı və kafirləri doğru yola yönəltməz. (Zumər surəsi, 3)

Belə ki, şəkil olaraq da cahiliyyə bütpərəstliyi ilə Hinduizm olduqca bənzərdir. Hindular də qondarma ilahlarına ibadət edir, yeməklər təqdim edir, hörmət göstərir, onlardan qorxurlar. Hinduizmin bütpərəst din olduğu açıqdır və bütün təlimləri bu açıq gerçəyi ortaya qoyur.

Bir müsəlman üçün Hinduizmin gerçək tərifini etmək olduqca asandır. Çünki iman edənlərin önlərində haqqı batildən ayıran bir rəhbər var. Bu rəhbər Rəbbimizin bütün insanlara doğrunu səhvdən ayıran bir hidayət rəhbəri olaraq göndərdiyi Qurandır.

Allahı “Bir və Tək” olaraq tanıyan İslam dini, bu tövhid inancı üzərinə quruludur və müsəlmanlar “La İlahə illəllah” (Allahdan başqa ilah yoxdur) gerçəyinə iman edən, muvahhid kəslərdir. Rəbbimiz insanları yaratma məqsədini “Mən, cinləri və insanları yalnız Mənə ibadət etsinlər deyə yaratdım.” (Zariyat surəsi, 56) ayəsiylə bizlərə xəbər vermişdir. Bütün insanlar Allaha təslim olmaq, yalnız Ona dua edib yalnız Ondan kömək istəmək və heç bir şeyi Rəbbimizə ortaq qoşmamaqla məsul tutulur. Bir ayədə bu şəkildə buyurulur:

De: “Mənə, dini yalnız Allaha məxsus edərək, Ona ibadət etmək əmr olunmuşdur. (Zumər surəsi, 11)

“Sən bir hənif kimi üzünü dinə tərəf çevir! Allahın insanlara – xəlq etdiyi şüurlu məxluq kimi verdiyi fitrət budur…” (Rum surəsi, 30) ayəsiylə də bizlərə bu gerçək xatırladılır. Allah, kainatın və kainatdakı qüsursuz nizamın tək sahibidir, yaradıcısıdır və tək qoruyucusudur. Kainatı yoxdan var edən, ona müəyyən nizam verən, göyləri, yeri və ən kiçiyindən ən böyüyünə qədər bütün canlıları yaradan, onlara həyat və ruzi verəndir. Fatir surəsində bu şəkildə buyurulur:

O, gecəni gündüzə, gündüzü də gecəyə qatır. O, günəşi və ayı ram etmişdir. Onların hər biri müəyyən olunmuş vaxtadək hərəkət edir. Bu sizin Rəbbiniz olan Allahdır. Mülk Onundur. Sizin Ondan başqa yalvardıqlarınız xurma çəyirdəyinin pərdəsinə belə sahib deyillər. (Fatır surəsi, 13)

Bütün kainatı üstün bir yaradılışla var edən Rəbbimiz, elmi ilə hər şeyi əhatə etmişdir. Başqa varlıqları Allaha ortaq qoşanlar, cansız bütlərin qarşısında səcdə edib hörmət nümayişi edərkən çox böyük günah işləyirlər. Çünki Allah bütün mülkün gerçək sahibidir, təriflənməyə, itaət edilməyə və şükür edilməyə həqiqi layiq olandır. Bir ayədə bu həqiqət belə xəbər verilir:

De: “Ey mülkün sahibi Allahım! Sən istədiyin kəsə mülkü verir və istədiyindən də onu geri alırsan; istədiyin kimsəni yüksəldir və istədiyini də alçaldırsan. Xeyir yalnız Sənin Əlindədir. Həqiqətən, Sən hər şeyə qadirsən. (Al İmran surəsi, 26)

Canlı cansız bütün varlıqları ətraflı əhatə etmiş olan Rəbbimiz, söylədiyimiz hər sözdə, ağlımızdan keçən hər düşüncədə, etdiyimiz hər işdə bizə şahiddir. O insanların içlərindən keçirdiklərindən, gizlicə hazırladıqlarından xəbərdar olan, gizlinin gizlisini biləndir:

Sən hansı bir işdə olsan, Qurandan nə oxusan, siz nə iş görsəniz, başınız ona qarışarkən Biz sizə şahid olarıq. Nə yerdə, nə də göydə zərrə qədər bir şey Rəbbindən gizli qalmaz. Bundan daha kiçiyi və daha böyüyü yoxdur ki, açıq-aydın Yazıda (Lövhi-Məhfuzda) olmasın. (Yunis surəsi, 61)

Yer üzündəki hər varlıq Allaha möhtacdır. Allah isə; insanın sahib olduğu hər cür nöqsandan münəzzəhdir, heç bir şeyə ehtiyacı olmayandır. Allah Özünə yeganə sığınılan, ehtiyac duyulandır. Özündən kömək gözlənilməsi, mədət ümid edilməsi lazım olan da yalnız Odur. Allah, əzəli və əbədi olan, daim diri olandır:

Allah, Ondan başqa ibadətə layiq olan məbud yoxdur, əbədi Yaşayandır, bütün yaratdıqlarının Qəyyumudur. Onu nə mürgü, nə də yuxu tutar. Göylərdə və yerdə nə varsa, Ona məxsusdur. Onun izni olmadan Onun yanında kim havadarlıq edə bilər? O, məxluqatın gələcəyini və keçmişini bilir. Onlar Onun elmindən, Onun istədiyindən başqa heç bir şey qavraya bilməzlər. Onun Kürsüsü göyləri və yeri əhatə edir. Bunları qoruyub saxlamaq Ona ağır gəlmir. O, Ucadır, Uludur. (Bəqərə surəsi, 255)

Allah sonsuz güc sahibidir, hər şey Onun məlumatı və əmri daxilində hərəkət edər. Göydən yerə qədər bütün işlər Allahın əmriylə reallaşır. Ölümlər, doğumlar, təbiət hadisələri, ağla gələ biləcək hər iş, hər hadisə Allahın əmriylə meydana gəlir. Ən kiçiyindən ən böyüyünə qədər alınan hər qərar, edilən hər fəaliyyət Allahın icazəsi ilədir.

Eyni şəkildə bədəninizdəki trilyonlarla hüceyrənin işləməsi, bu hüceyrələrin hər birinin içində olan orqanoidlərin bir-bir yerinə yetirdikləri bütün vəzifələr, bu hüceyrələri bəsləyən sistemlər və daha saya bilməyəcəyimiz müxtəlif detallar Allahın idarəsindədir. Bununla yanaşı, boşluqda dayanmaqda dönməkdə olan Dünyadan, Dünyanın üzərindəki tək bir qarışqanın bəslənməsindən törəməsinə qədər həyatını davam etdirməsi üçün lazım olan bütün fəaliyyətlərə qədər hər şey yenə Allahın icazəsiylə reallaşar. Rəbbimiz “...Elə bir canlı yoxdur ki, Allah onun kəkilindən tutmuş olmasın...” (Hud surəsi, 56) ayəsiylə bu gerçəyi bizlərə bildirər.

Heç bir insan, ya da varlıq Allahdan müstəqil bir gücə sahib deyil. Bütün varlıqlar Allaha boyun əymişdir. Göylərdə və yerdə nə varsa Allaha təslim olmuşdur və Onun idarəsindədir. Heç kimsə Allahın idarəsi və diləməsi xaricində hərəkət edə bilməz, tək bir söz belə söyləyə bilməz. Allah, bütün aləmlərin sahibidir. Bütün qüvvət sadəcə Allahın əlindədir. Bu gerçəyi unudub, nə özünə nə bir başqasına (Allahın diləməsi xaricində) ən kiçik bir köməyə belə güc çatdıra bilməyəcək daşdan, torpaqdan varlıqlardan mədət ümid etmək, insana həm dünyada həm də axirətdə çox böyük hüsran gətirər. Allah Əraf surəsində belə buyurur:

Onlar heç bir şey yaratmayan, özləri xəlq edilmiş olan şeyləri Allaha şərik qoşurlar? Bütlər nə onlara yardım edə bilər, nə də özlərinə kömək edə bilərlər. Siz onları doğru yola çağırsanız, sizin ardınızca gəlməzlər. Onları çağırsanız da, sussanız da sizin üçün fərqi yoxdur. Allahdan saVayu çağırdıqlarınız da sizin kimi qullardır. Əgər doğru deyirsinizsə, çağırın onları, sizə cavab versinlər. Məgər onların ayaqlarımı var, onunla yerisinlər? Yoxsa onların əllərimi var, onunla tutsunlar? Yoxsa onların gözlərimi var, onunla görsünlər? Yoxsa onların qulaqlarımı var, onunla eşitsinlər? De: “Çağırın şəriklərinizi! Sonra mənə qarşı hiylə qurun və mənə heç möhlət də verməyin! Həqiqətən, mənim himayədarım Kitabı nazil edən Allahdır. O, əməlisalehlərə himayəçilik edir. Ondan saVayu çağırdıqlarınız nə sizə yardım edə bilər, nə də özlərinə köməkçi ola bilərlər”. Siz onları doğru yola çağırsanız, eşitməzlər. Onları sənə baxan görürsən, halbuki onlar görmürlər. (Əraf surəsi, 191-198)

Hinduizmi araşdırdığımızda son dərəcə azğın, batil, primitiv, ağıl və məntiqlə ziddiyyət təşkil edən ayinlər dini ilə qarşılaşarıq. Onlar bütün həyatlarını xəyali ilahlarına cahil bir şəkildə ibadət edərək keçirərlər. Hindistanın hər yerində bu Hindi bütlərini görmək mümkündür: məbədlərdə, evlərdə, kiçik yol üstü ibadət yerlərində, girintili çıxıntılı daş oymalarında, reklamlarda, təqvimlərdə, film afişalarında, dükanlarda, ləl-cavahirat dizaynlarında, bəzək-düzəklərdə, ev bəzəmələrində... Qısaca Hinduizmin təsirli olduğu ölkələrdə həyatın hər sahəsi bu bütlərlə çevrilmişdir.

Allah Fatir surəsində belə kəslərin vəziyyətlərini bizlərə bu şəkildə xəbər verir:

Əgər siz onları çağırsanız, onlar sizin duanızı eşitməzlər, eşitsələr də cavab verə bilməzlər. Özləri də Qiyamət günü sizin onlara ibadət etdiyinizi danacaqlar. Heç kəs hər şeydən Xəbərdar olan Allah kimi sənə xəbər verə bilməz (Fatir surəsi, 14)

Hinduların bütpərəst olmadıqlarını iddia etmələrinin səbəblərindən biri isə, bu inancın axmaqlığının dünyadakı demək olar ki, hər sağlamfikirli insan tərəfindən bilindiyinin fərqində olmalarıdır. Tapındıqları bütlərin əslində büt olmadığını, özlərini “Brahma”ya və ya “ümumbəşəri ruha” çatdıracaq vasitəçilər sayıldığını iddia edərkən fərqində olmadıqları gerçək isə, bu iddianın onsuz da tarix boyunca bütün bütpərəstlərin iddiası olmasıdır.

Başda da ifadə etdiyimiz kimi, Peyğəmbərimiz hz. Məhəmməd (s.ə.v)-in dövründəki cahiliyyə dövrü müşrikləri də tapındıqları bütlərə özlərini Allaha yaxınlaşdırsınlar deyə tapındıqlarını irəli sürmüşlər. Bu azğın inanca qapılmalarının səbəbi isə (həm cahiliyyə dövrü müşriklərinin, həm də hinduların) atalarından miras qalan təlimlərə kor-koranə, sorğulamadan inanmalarıdır. Hz. İbrahim ilə bütpərəst qövmü arasında keçən və Quranda xəbər verilən bu söhbət, bütpərəstlərin tarix boyunca davam edən bu fanatikliyini göstərir:

Bir zaman o öz atasına və tayfasına: “Nəyə ibadət edirsiniz?” – demişdi. Onlar dedilər: “Biz bütlərə ibadət edir və onlara tapınmaqda davam edirik”. O dedi: “Onlara yalvardığınız zaman sizi eşidirlərmi? Yaxud sizə xeyir və ya zərər verirlərmi?” Onlar dedilər: “Xeyr, amma biz öz atalarımızın belə etdiklərini gördük”. (Şüara surəsi, 70-74)

Hinduizmi şəfqətli göstərmə təbliğatının qabaqcılları yalnız hindular deyil. Kitabın irəliləyən hissələrində daha detallı olaraq araşdıracağımız materialist və darvinist kütlələr də bu təbliğatda əhəmiyyətli bir rol boynuna götürür. Ancaq Qərb cəmiyyətlərində bütpərəstliyə qarşı xristian ənənəsindən gələn təbii reaksiya vardır. Xristianlıq zaman keçdikcə ilk vəhy edildiyi halından uzaqlaşıb degenerasiya olsa da bu kimi təməl dəyərlərini qorumuşdur. Dövrümüzdə də xristian cəmiyyətləri bütpərəstliyi bir növ azğınlıq, Hinduizmi də bütpərəst inanc olaraq görürlər.

Bu səbəblə də, Hindi inanışlarının qərbli cəmiyyətlərdə yerləşməsini hədəfləyən kütlələr, “ümumbəşəri ruh” tərifini istifadə edərək bu azğınlığı bütpərəstlikdən uzaq bir görünüşlə kamuflyaj etməyə çalışırlar. Bu aldatmanın pozulması üçünsə, çözüm Hinduizmə inanan insanların düşünməyə, vicdanlarının səsini dinləməyə və ağıllarını istifadə etməyə dəvət edilmələridir. Allah, Özündən başqa ilahlar əldə edərək cahil bir şəkildə azan insanları vicdanlarıyla hərəkət etməyə belə dəvət etməmizi bizlərə bildirmişdir:

“...De: “Siz Onu qoyub özlərinə nə bir fayda, nə də bir zərər verməyə qadir olmayanlarımı özünüzə dost tutursunuz?” De: “Korla görən eyni ola bilərmi? Yaxud zülmətlə nur eyni ola bilərmi?” Yoxsa onlar Allaha, Onun yaratdığı kimi yaradan şəriklər tapdılar və bu yaradılış onlara bənzər göründü? De: “Hər şeyi yaradan Allahdır. O Təkdir, hər şeyə Qalib gələndir”. (Rad surəsi, 16)