86. سۈرە تارىق - قۇرآن
- 1. ئاسمان بىلەن، تارىق (يەنى كېچىدە ئاشكارا بولغۇچى يۇلتۇز) بىلەن قەسەم قىلىمەن
- 2. تارىقنىڭ نېمىلىكىنى بىلەمسەن؟
- 3. ئۇ يورۇق يۇلتۇزدۇر
- 4. ھەر بىر ئادەم بىلەن (شۇ ئادەمنى) ساقلىغۇچى (پەرىشتە) بار
- 5. ئىنسان نېمىدىن يارىتىلغانلىقىغا قارىسۇن
- 6. ئۇ ئېتىلىپ چىققۇچى مەنىدىن يارىتىلدى
- 7. ئۇ مەنى ئۇمۇرتقا بىلەن قوۋۇرغا سۆڭىكىنىڭ ئارىسىدىن چىقىدۇ
- 8. شەك - شۈبھىسىزكى، اﷲ ئۇنى ئەسلىگە كەلتۈرۈشكە (يەنى تىرىلدۈرۈشكە قادىردۇر
- 9. سىرلار ئاشكارا قىلىنىدىغان كۈندە (يەنى قىيامەتتە)،
- 10. ئۇنىڭدىن (يەنى ئىنساندىن) (ئازابنى دەپئى قىلىدىغان ھېچ كۈچ ۋە ياردەمچى يوقتۇر
- 11. يامغۇرلۇق بۇلۇت بىلەن قەسەمكى،
- 12. يېرىلىپ (گىياھلارنى ئۈندۈرۈپ بېرىدىغان) زېمىن بىلەن قەسەمكى،
- 13. قۇرئان شەك - شۈبھىسىز (ھەق بىلەن باتىلنى ئايرىغۇچى) سۆزدۇر،
- 14. ئۇ چاقچاق ئەمەستۇر
- 15. ئۇلار (يەنى مۇشرىكلار) (قۇرئاننى يوققا چىقىرىش ئۈچۈن) ھەقىقەتەن ھىيلە - مىكىر ئىشلىتىدۇ
- 16. مەن ئۇلارنىڭ ھىيلە - مىكرىگە تاقابىل تۇرىمەن
- 17. (ئى مۇھەممەد!) كاپىرلارنىڭ ھالاك بولۇشىغا ئالدىرىمىغىن، ئۇلارغا ئازراق مۆھلەت بەرگىن (ئۇزاققا قالماي ئۇلارغا قانداق قىلغانلىقىمنى كۆرىسەن)
