62. әл-Җумугъа - Коран

• 1. "Шәфкатьле, рәхимле Аллаһ исеме белән... Күкләрдә һәм җирдә булучылар падишаһ, иң изге, гыйззәт һәм хикмәт иясе — Аллаһны мактыйлар."

• 2. "Ул наданнарга үз араларыннан булучы илчене җибәрүче бит. Моңа кадәр алар, һичшиксез, ачык-тан-ачык ялгышлыкта булсалар да, ул аларга Аның аятьләрен җиткерә, аларны пакьли, аларга китап һәм хикмәт өйрәтә,"

• 3. "һәм аларның башкаларын да, әле үзләренә иярмәгәннәрен дә. Һәм ул — гыйззәт, хикмәт иясе!"

• 4. "Моның барысы да — Аллаһның фазылыннан, ул аны теләгәненә китереп бирәдер, һәм Аллаһ — бөек фазыл иясе."

• 5. "Тәүрат йөкләнеп тә аны күтәреп бармаучыларның  мисалы нәкъ китаплар төяп баручы ишәк шикелле.  Аллаһның аятьләрен ялганга чыгаручы кавемнең мисалы никадәр начар, һәм Аллаһ залимнәр кавемен тугры юлдан алып бармый!"

• 6. "Әйт: «Ий, йәһүди диненә иярүчеләр! Әгәр сез үзегезне башка кешеләрдән Аллаһка карата иң якын дип  санасагыз, үзегезне дөрес итеп күрәсез икән, үлем теләгез! »"

• 7. Ләкин үзләренең алдан кылган гамәлләренә карап алар аны беркайчан да теләмәсләр. Аллаһ исә залимнәрне белеп тора бит!

• 8. "Әйт: «Хакыйкатьтә, качып йөрсәгез дә үлем үзегезне куып җитәр һәм сез янә яшеренне һәм ачыктан- ачыкны белеп торучының алдына килеп басарсыз һәм  Ул сезгә кылганнарыгызны искә төшерәчәк!»"

• 9. "Ий, иман китереп инанучылар! Җомга көнне намазга чакырыла икән, Аллаһны ашкынып искә алыгызчы һәм сәүдәгезне калдырыгыз. Әгәр сез төшенсәгез, бу сезнең өчен хәерлерәктер."

• 10. "Инде намаз тәмамланды исә, таралыгыз җир буенча, Аллаһның фазылыннан эстәп-теләп: һәм Аны  кат-кат исегезгә алыгыз, шаять, үзегез уңышка ирешерсез."

• 11. "Алар, сәүдә белән уен-мәзәк күрсәләр, үзеңне аягүрә баскан килеш калдыралар да, шуларга ашыкпошык ташланалар. Әйт: «Аллаһтан булганы уен-көлке һәм сәүдәгә караганда хәерлерәк, һәм Аллаһ — ризыкландыручыларның иң хәерлесе»."