78. ән-Нәбәә - Коран
- 1. "Шәфкатьле, рәхимле Аллаһ исеме белән... Бер-берсеннән алар нәрсә турында сорашырлар?"
1. "Шәфкатьле, рәхимле Аллаһ исеме белән... Бер-берсеннән алар нәрсә турында сорашырлар?"
2. Бөек хәбәр турындамы?
3. Алар аның турында фикердә аерылыштылар.
4. Һич юк! Белерләр әле!
5. Моннан соң да һич юк! Алар белерләр әле!
6. Без җир йөзен җәймә итмәдекмени?
7. Һәм тауларны да терәк итеп.
8. Без сезне иш итеп яраттык.
9. Без йокыгызны бер рәхәт иттек.
10. Кичне каплама итеп булдырдык.
11. Көндезне исә яшәр өчен вакыт итеп билгеләдек.
12. Сезнең өстегездә җиде ныкны бина итеп куйдык.
13. һәм нурын чәчүче чираг иттек.
14. "Һәм яңгыр коючылардан агыла торган суны иңдердек,"
15. "аның белән орлыклар һәм үләннәр үстереп чыгарыр өчен,"
16. һәм куе бакчаларны.
17. "Хакыйкатьтә, аермалык көне вакыты белән булыр."
18. Сур карынына өргән көнне гөруһ-гөруһ килерсез.
19. "Ул көнне күк йөзе ачылыр да, анда капкалар бар булыр."
20. Һәм таулар кузгалырлар һәм сагымга-миражга әйләнерләр.
21. Хакыйкатьтә: җәһәннәм — тозак булыр.
22. Атлап чыгучыларга — кайту урыныдыр.
23. Алар анда мәңгегә калырлар.
24. "Анда җиләс һава белән берәр эчемлек татымаслар,"
25. кайнар су белән эрен генә.
26. Бу — тиешле җәзадыр.
27. Алар хисап булудан курыкмадылар.
28. Безнең аятьләрне киреләнеп ялганга чыгардылар.
29. Без исә һәрнәрсәне китапта хисапка салдык.
30. Тәмен татыгыз! Сезгә газаптан башка бернәрсә дә арттырмабыз!
31. "Хакыйкатьтә, тәкъвалык ияләренә котылу насыйптыр,"
32. "бакчалар белән, йөзем баглары,"
33. "тулы күкрәкле яшьтәш кызлар,"
34. эчемлек белән тулган касәләрдер.
35. "Алар анда буш сүз-ләгу, ни бер-берсенә каршы ялган сүз дә ишетмәсләр."
36. Раббыңнан бәя бирү буларак — хисаплашу бүләге.
37. "Ул — күкләрнең һәм җирнең, аларның икесе арасында булганнарның тәрбиячеседер. Ул — Шәфкатьле булучы. Ул көнне Аңа сүз әйтергә хәлләреннән килмәс."
38. "Рух белән фәрештәләр саф-саф булып басып торачак көнне Шәфкатьленең изен-рөхсәтенә ирешүчеләрдән башка беркем дә сүз сөйли алмас, һәм дөресен генә сөйләр."
39. Бу — хаклык көнедер. Һәр теләүче Раббысына кайту юлын таба алыр.
40. "Без, бик якында киләчәк бер газап белән сезне кисәтәбез. Ул көнне кеше, ике кулы белән кылганын күрәчәк. Һәм кәфер: «Аһ! Туфрак кына булсам иде»,— дияр."