51. әз-Зәрийәт - Коран

• 1. "Шәфкатьле, рәхимле Аллаһ исеме белән... Таратучыларның таратуы белән ант итәм,"

• 2. "һәм авыр йөк күтәреп баручылар белән,"

• 3. "һәм җиңелчә йөзүчеләр белән,"

• 4. һәм әмерне бүлүчеләр белән дә!

• 5. "Сезгә вәгъдә ителгән нәрсә, әлбәттә, дөрестер."

• 6. "Һәм хөкем дә, хакыйкатьтә, җитәчәк!"

• 7. "Юллар иясе күк белән ант итәм,"

• 8. "сез, хакыйкатьтә, каршылыклы сүз сөйләүдә."

• 9. Аннан шул читләшкәндер— кем читләшкән.

• 10. Алдакчы-ялганчылар үтерелсеннәр!

• 11. Наданлык упкынында гафил булып ятучылардыр алар.

• 12. "«Хөкем көне кайчан соң?» —дип, алар сорыйлар."

• 13. Ул көнне алар ут өстендә сыналырлар:

• 14. «Сынавыгызның тәмен белегез инде. Бу — үзегез ашыктырган нәрсә бит!»

• 15. "Тәкъвалар, хакыйкатьтә, бакчалар һәм чишмәләр арасындадыр."

• 16. "Раббылары китереп биргәнне алалар, алар элек яхшылык кылучылар иде бит."

• 17. "Төннең азында гына алар йокладылар,"

• 18. "һәм таң вакытларында алар ярлыкау сорый торган булдылар,"

• 19. һәм маллары да сорашучыга һәм мәхрүмгә өлеш булды.

• 20. "Инанганнарга җир йөзендә аятьләр бар,"

• 21. һәм күңелләрегездә дә. Әллә сез күрмисезме?

• 22. Һәм күктә дә ризыгыгыз һәм сезгә вәгъдә ителгәне дә.

• 23. "Күкләрнең һәм җирнең Раббысы белән ант итәм, бу, хакыйкатьтә, нәкъ сезнең сөйләшә алуыгыз хак булган кебек үк!"

• 24. Сиңа Ибраһимның хөрмәтле кунаклары турында риваять килеп җиттеме?

• 25. "Менә алар килеп кергәч: «Сәлам!» — диделәр. Ул: «Сәлам, таныш булмаган кавем!» — диде."

• 26. "Һәм ул әһелләр янына чыкты, һәм симез бозау алып килде."

• 27. Аларга аны якын куеп: «Ашамассызмы?» —диде.

• 28. "Һәм ул алардан курку тойды. Алар: «Курыкма!» — диделәр, һәм белемле малай турысында хәбәр белән аны сөендерделәр."

• 29. Һәм аның хатыны акырып битенә суга-суга килде һәм: «Балага узмас карчык бит мин!» — диде.

• 30. "Алар: «Раббың шулай дип әйтте. Ул, хакыйкатьтә, хикмәт һәм белем иясе», — диделәр."

• 31. "Ул: «Сезнең эшегез нидән гыйбарәт, ий, рәсүлләр?» — диде."

• 32. "Алар әйтте: «Без гөнаһлы кавемгә җибәрелдек,"

• 33. "алар өстенә балчыктан ясалган ташлар җибәрер өчен,"

• 34. "чиктән чыгып киткәннәргә, синең Раббың тарафыннан билгеләнгәннәрне»."

• 35. Һәм Без алар арасыннан иман китереп инанганны чыгардык.

• 36. Ләкин Без анда үз-үзләрен тапшырганнар арасыннан булганнарны бер йортта гына таптык.

• 37. Без анда үзәк өзгеч газаптан курыкканнарга аять калдырдык.

• 38. ... һәм Муса турында. Менә Без аны фиргавенгә ачык дәлил белән җибәрдек.

• 39. Әмма ул үзенең таянычы белән йөз борып куйды һәм: «Сихерче яки мәҗнүн!» — диде.

• 40. "Без аны һәм аның гаскәриләрен тотып диңгезгә атып бәрдек, һәм ул шелтәләүгә лаек булды!"

• 41. "... Һәм Гадь турында. Менә Без аларга җимергеч җил җибәрдек,"

• 42. "үткәндә нигә тотынса да һәрнәрсәне тузанга әйләндереп, бернәрсәне дә калдырмас."

• 43. ... Һәм Сәмүд турында. Менә аларга: «Вакытына кадәр рәхәтләнеп торыгыз!» — дип әйтелде.

• 44. "Әмма алар Раббыларының боерыгыннан читкә тайпылдылар. Аларны яшен сукты, алар исә карап тора иделәр."

• 45. "Алар аягүрә күтәрелә алмадылар, һәм ярдәм дә тапмадылар."

• 46. "Һәм моңа кадәр Нух кавеме. Алар, хакыйкатьтә, азгын кавем булды."

• 47. "Һәм Без күкне куәтебез белән төзедек һәм, хакыйкатьтә, Без— киңәйтүчебез."

• 48. һәм Без җирне җәеп куйдык. Никадәр Без яхшы коручыбыз!

• 49. "Без һәрнәрсәне ишле итеп барлыкка китердек. Шаять, сез уйлап карарсыз."

• 50. "Һәм Аллаһка җыеныгыз! Мин, хакыйкатьтә, Аннан сезнең өчен ачык үгетләүче!"

• 51. "Аллаһ белән башка иләһ ясамагыз. Мин, хакыйкатьтә, Аннан сезнең өчен ачык үгетләүче."

• 52. Шулай ук алардан элек булганнар да рәсүл килгән саен: «Сихерче яки мәҗнүн!»— генә диделәр.

• 53. Әллә алар моны бер-берсенә васыять итеп калдырдылармы? Юк! Алар тыңламыйча буйсынмаган кавем!

• 54. "Йөз борып куй син алардан, һәм син шелтәләнмәссең!"

• 55. "Исләренә төшер, искә төшерү ул иман китереп инанучыларга файда итә!"

• 56. Һәм Мин җеннәрне һәм кешеләрне Үземә гыйбадәт кылсыннар диюдән гайре барлыкка китермәдем.

• 57. "Мин алардан бер ризык та теләмәдем, һәм Мине туендыруларын да теләмим."

• 58. "Хакыйкатьтә, Аллаһ — ризык бирүче, куәт иясе, көчле!"

• 59. "Хакыйкатьтә, золым кылганнарга, үзләре кебек өлеш бирелер һәм алар Мине ашыктырмасыннар!"

• 60. Кәфер булучыларга вәгъдә ителгән көннән үкенеч булсын!