1. "Шәфкатьле, рәхимле Аллаһ исеме белән... Юк! Ант итәмен бу шәһәр белән!"

2. Һәм син бу шәһәрдә торучысың.

3. "Һәм тудыручы белән дә, ул тудырган нәрсә белән дә."

4. Без кешене мәшәкатьтә буларак бар иттек.

5. Әллә ул үзенә һич берәүнең дә көче булмас дип исәплиме?

6. "«Чиксез малны мин һәлак иттем»,—дип әйтә ул."

7. Әллә ул үзен берәү дә күрмәс дип исәплиме?

8. Әллә Без аңа ике күз булдырмадыкмы?

9. Һәм телен дә һәм ике иренен дә.

10. Һәм үзен ике биеклеккә алып китмәдекме?

11. Ул исә текәлекне кичмәде!

12. Текәлекнең нәрсә икәнен үзеңә нәрсә белгертер соң?

13. Колны иреккә җибәрү

14. "яки ачлык көнендә тәгамләндерү, "

15. туганнардан булучы ятимне

16. яки хәлсез калган мескенне.

17. Моннан соң ул иман китереп инанучылардан һәм бер-берсе белән сабырлык һәм мәрхәмәтлек илә васыять кылучылардан булачак.

18. Болар — уң як хуҗалары.

19. Безнең аятьләребезгә карата көферлек кылучылар исә... алар — сул як хуҗалары.

20. Алар өстендә — гөмбәзле ут.