70. әл-Мәгъәриҗ - Коран

• 1. "Шәфкатьле, рәхимле Аллаһ исеме белән...  Сорау бирүче төшәчәк газап турында сорады,"

• 2. "кәферләр өстенә, һәм аны кайтаручы да юк,"

• 3. баскычлар иясе булган Аллаһтан.

• 4. Микъдары илле мең ел булган көнне фәрештәләр һәм рух Аңа күтәреләләр.

• 5. Һәм күркәм сабырлык белән сабыр ит!

• 6. Алар аны ерак итеп күрәләр.

• 7. Без исә аны якын күрәбез.

• 8. Ул көнне күк эрегән бакыр кебек булыр.

• 9. Һәм таулар тетелгән йон кебек булырлар.

• 10. Һәм дус якын дусы турында сорамас.

• 11. "Алар бер-берсенә күрсәтелерләр. Гөнаһкәр ул көнне бала-чагаларын фидия итеп котылырга маташыр,"

• 12. "һәм үзенең хатынын, һәм ир кардәшен,"

• 13. "һәм аңа сыеныр урын бирә торган токымын,"

• 14. "һәм барлык җир йөзендәгеләр белән, тик соңын нан аны коткарсыннар гына."

• 15. "Юк һәм юк! Бу, хакыйкатьтә, ялкын!"

• 16. "Баш тиресен сыдырып,"

• 17. "артка борылган һәм йөз чөергәннәрне чакырыр,"

• 18. һәм җыеп куйган белән туплаганны.

• 19. "Кеше, хакыйкатьтә, икеләнеп торучы итеп яратылды."

• 20. "Аңа яманлык тисә — кайгыра,"

• 21. Һәм аңа хәерлек тисә — саранлана.

• 22. "Намаз укыганнардан башка,"

• 23. "намазларында даими булучылардан башка,"

• 24. "һәм аларның малларында мәгълүм өлеш,"

• 25. "сораучыларга һәм мәхрүмнәргә,"

• 26. "һәм алар кыямәт көненә ышаналар,"

• 27. "һәм алар Раббыларының газабыннан куркалар,"

• 28. "хакыйкатьтә, Раббыларының газабыннан алар имин түгелләр!"

• 29. "Һәм алар үзләренең гаурәтләрен саклыйлар,"

• 30. "үз хатыннары яки уң куллары ия булганнардан башкалардан, һәм алар моның өчен шелтәләнмәгәннәр бит."

• 31. Кем моның чигеннән ары китсә — алар җинаятьчеләрдер.

• 32. "Һәм алар әманәтләрен һәм вәгъдәләрен үтәүчеләр,"

• 33. "һәм алар шаһитлыкларында тугры булучылар,"

• 34. һәм алар намазларын саклаучылар.

• 35. Болар бакчаларда хөрмәтләнәләр.

• 36. Нәрсә соң синең алдыңда ашык-пошык йөргән  кәферләргә?

• 37. "Уңнан да, сулдан да өем булып?"

• 38. Аларның һәрбер кешесе рәхәтлек бакчасына ке рүен теләмимени?

• 39. Юк һәм юк! Аларны Без белгән нәрсәдән барлыкка китердек!

• 40. "Юк һәм юк! Көнчыгышлар һәм көнбатышлар Раббысы белән ант итәм. Без, әлбәттә, кодрәтлебез,"

• 41. "аларны үзләренә караганда хәерлерәк белән алмаштырырга, һәм Безне узып та булмый!"

• 42. Алар үзләренә вәгъдә ителгән көнне очратканга кадәр аларны буш сүзгә батуларында һәм күңел ачуларында калдыр.

• 43. "Ул көнне алар келәү урынына ашкынган кебек каберләреннән ашыгып чыгарлар,"

• 44. "күз карашларын җиргә терәп, аларны хурлык каплар. Менә шул ул — аларга вәгъдә ителгән көн!"