81. әт-Тәкъүир - Коран

• 1. "Шәфкатьле, рәхимле Аллаһ исеме белән...  Кайчан кояш караңгылык белән капланыр,"

• 2. "һәм йолдызлар коелып төшкәч,"

• 3. "һәм таулар кузгалып йөри башлагач,"

• 4. "һәм унынчы айда корсакта булучы дөяләр караусыз калгач,"

• 5. "һәм вәхши хайваннар бергәләп җыелгач,"

• 6. "һәм диңгезләр тулып ярларыннан чыккач,"

• 7. "һәм әрвахлар тоташкач,"

• 8. "һәм тере килеш күмелгән соралса,"

• 9. "нинди гөнаһ өчен үтерелгән икән дип,"

• 10. "һәм төргәкләр китерелеп ачылгач,"

• 11. "һәм күк тартып төшерелгәч,"

• 12. "һәм тәмуг кыздырыла башлагач,"

• 13. "һәм җәннәт якын итеп китерелгәч,"

• 14. һәр җан нәрсә хәзерләп куйганын аңлар!

• 15. Юк инде! Яктыртып торган йолдызлар белән ант итәмен!

• 16. "Һәм күчеп йөри торган, юкка чыга торган белән дә,"

• 17. "һәм кич белән куера торган караңгылык,"

• 18. һәм җем-җем иткән вакыттагы таң белән дә.

• 19. "Хакыйкатьтә, бу — күркәм илченең сүзе."

• 20. "Гареш хуҗасы каршында куәт иясенеке, көчленеке,"

• 21. итагатьләнгәннеке һәм дә ышанычлыныкы.

• 22. Сезнең иптәшегез мәҗнүн түгел.

• 23. Ул аны офыкта күргән иде инде.

• 24. Һәм ул гаибне җиткерергә саранланмас.

• 25. Ташлар белән кыйнала торган шайтанның сүзе дә түгелдер.

• 26. Кая барасыз соң?

• 27. "Бу галәмнәрдәгеләргә үгет кенә,"

• 28. үзләрегез арасындагы туры юлга басарга теләүчеләргә...

• 29. "Аллаһ, галәмнәрнең тәрбиячесе моны теләмәсә, сез һич бернәрсә тели алмассыз!"