98. әл-Бшййинә - Коран

• 1. "Шәфкатьле, рәхимле Аллаһ исеме белән... Әһле китап һәм мөшрикләрдән инкарь итүчеләр аңлаешлы билге килмичә аерылачак түгелләр иде."

• 2. "Аллаһ тарафыннан булган рәсүл пакь булучы сәхифәләрне укый,"

• 3. аларда — тугры язмалар.

• 4. Китап бирелгәннәр исә тик үзләренә ачык билге килгәннән соң гына аерылыштылар.

• 5. "Аларга динне ихластан тотып, хәниф буларак кына Аллаһка гыйбадәт кылудан, намаз үтәүдән, зәкәт бирүдән гайре бернәрсәгә дә әмер бирелмәде. Менә шул ул — хак дин."

• 6. "Хакыйкатьтә, әһле китап һәм мөшрикләрдән булучы кәферләр — җәһәннәм утында. Алар анда мәңгегә калачаклар. Менә шулар инде адәмнәрнең яманнары."

• 7. "Хакыйкатьтә, иман китереп инанучылар һәм игелекле гамәлләр кылучылар... болар — адәмнәрнең хәерлеләре."

• 8. "Раббыларында аларның җәзалары — мәңгелек бакчалары, алар астында елгалар агып торалар, анда алар мәңгегә калачаклар. Аллаһ алар белән разый, һәм алар Аннан разый. Бу — Раббыларыннан курыкканнарга."