76. әл-Инсән - Коран

• 1. "Шәфкатьле, рәхимле Аллаһ исеме белән... Кешенең искә алынмый торган нәрсә булган вакыты аның өстеннән үтеп киттемени?"

• 2. "Хакыйкатьтә, Без аны сынап карау өчен кешене катнашма тамчыдан барлыкка китердек. Аны күрүче һәм ишетүче иттек."

• 3. "Хакыйкатьтә, Без аны юлга бастырдык, яки шөкер итүче итеп, яки кадер белмәүче итеп."

• 4. "Без көферләргә чылбырлар, богаулар һәм ялкынлы ут хәзерләп куйдык бит."

• 5. "Хакыйкатьтә, изгелек кылганнар савыттан эчәрләр, аның катнашмасы камфарадан булыр,"

• 6. "Аллаһның коллары эчә торган чишмәдән, аны көчле агым белән агызып."

• 7. Алар нәзерләрен үтиләр һәм яманлыгы очып тарала торган көннән куркалар.

• 8. "Алар тәгамдә үзләре мохтаҗ булсалар да мескенне, ятимне һәм әсирне ашаталар:"

• 9. "«Хаклыкта, без сезне Аллаһ ризалыгы өчен туйдырабыз, сездән түләү дә һәм шөкер дә теләмибез."

• 10. Без Аллаһның караңгы һәм дәһшәтле көненнән куркабыз бит!»

• 11. "Һәм Аллаһ аларны шул көннең яманлыгыннан коткарды, һәм аларга нурлану һәм шатлык бирде."

• 12. Һәм аларны сабырлыкларына карата бакча һәм ефәк белән бүләкләде.

• 13. "Ятакларда таянып ятып, анда кояш та, әче суык та күрмәсләр."

• 14. "Аларга күләгәләре якын булыр, җимешләре исә түбән төшкән булырлар."

• 15. "Һәм алар тирәсендә көмеш савытлар һәм бәллүрдән булган касәләр белән әйләнеп йөреп торырлар,"

• 16. "көмеш бәллүрдән, аны алар үлчәү белән чамалап куйган булырлар."

• 17. Һәм аларны зәнҗәбил катнашмасы булган касә белән сыйларлар.

• 18. Анда Сәлсәбил дип аталган чишмәдән.

• 19. "Алар тирәсендә мәңге яшь үсмерләр йөреп торырлар, син аларны күреп алгач, аларны сибелгән энҗе дип уйларсың."

• 20. "Һәм, күреп алсаң, аннан соң нигъмәт һәм олы падишаһлык күрерсең."

• 21. "Өсләрендә киемнәре яшел ефәктән һәм чатмадан булыр, һәм көмеш беләзекләр белән бизәкләнгәннәр, һәм Раббылары аларга саф эчемлек эчерер."

• 22. "Хакыйкатьтә, бу сезгә бүләк бит һәм сезнең тырышлыгыгыз шөкер белән кайтарылды."

• 23. "Без, хакыйкатьтә, сиңа Коръәнне өлешләп иңдердек."

• 24. "Раббыңның хөкеменә кадәр сабыр ит, һәм аларның араларыннан гөнаһлыга һәм кадерен белмәгәнгә  буйсынма!"

• 25. "Һәм Раббыңның исемен иртән һәм кичен искә ал,"

• 26. "һәм төнлә, һәм Аңа сәҗдә кыл, һәм озын төндә Аңа тәсбих әйт."

• 27. "Хакыйкатьтә, болар ашыкканны яраталар, авыр көнне исә артларына куялар."

• 28. "Без аларны барлыкка китердек һәм аларның  гәүдәләрен ныгыттык. Әгәр теләсәк, Без аларны охшашлары белән алмаштыра алабыз."

• 29. "Бу, хакыйкатьтә, искә төшерү һәм теләгән кеше  үз Раббысына юл алыр."

• 30. "Әгәр Аллаһ теләмәсә инде, сез тели алмассыз. Аллаһ, хакыйкатьтә, белүче, хикмәтле!"

• 31. Ул Үз мәрхәмәтенә теләгәнен кертә. Залимнәргә исә Ул үзәк өзгеч газап әзерләде.