73. әл-Музәммил - Коран

3. "аның яртысын, яки аннан азрак булганын кимет,"

4. "яки аңа өстә, һәм Коръәнне ачык укы!"

5. Без сиңа авыр сүз җибәрербез.

6. Төнлә торып басу йогынтысы белән көчлерәк һәм сүз ягыннан турырак бит.

7. Көндез син бөек йөзүдә бит.

8. "Раббыңның исемен искә ал, һәм үзеңне тулы сынча Аңа әверелдер."

9. Мәшрикънең һәм мәгърибнең Раббысы. Аннан башка иләһ юк! Һәм Аны вәкил итеп ал!

10. Алар сөйләгәнгә түз һәм матур итеп алардан күчеп кит.

11. "Һәм ялган дип исәпләүчеләр белән, муллык ияләре белән Мине калдыр, һәм аларга аз гына кичектер."

12. "Хакыйкатьтә, Бездә богаулар һәм ут бар,"

13. "һәм бугаздан үтми торган тәгам, һәм үзәк өзгеч газап,"

14. "җир һәм таулар калтырап, таулар таралып торган ком өеменә әйләнер көнне!"

15. "Без, хакыйкатьтә, фиргавенгә рәсүл җибәргән кебек, сезгә карата шаһит була торган рәсүл җибәрдек сезгә."

16. "Фиргавен рәсүл белән карышты, һәм Без аны нык тоту белән тоттык."

17. "Балаларның да чәчләрен агарта торган көннән, кәфер булып калып, ничек котылырсыз сез?"

18. "Анда күк ярыла, һәм Аның вәгъдәсе үтәлә."

19. "Бу, хакыйкатьтә, искә төшерү, һәм кем тели икән Раббысына юл тотар."

20. "Хакыйкатьтә, Раббың синең һәм синең белән бергә булганнарның бер төркеме төннең өчтән икесенең азрагында, һәм аның яртысында һәм аның өчтән бер өлешендә уяу торганнарын белеп тора. Һәм Аллаһ төнне һәм көнне микъдарлап куя. Ул сезнең моны исәпкә алмаганыгызны да белә, һәм Ул сезне гафу итте. Коръәннең җиңел булганын укыгыз. Ул сезнең арагызда авырулар, һәм башкалары Аллаһның юмартлыгын эзләп җир йөзендә йөрүчеләр, һәм башкалары Аллаһ юлында сугышучылар булачакларын да белә. Аннан җиңел булганын укыгыз, һәм намаз үтәгез, һәм зәкәт түләгез, һәм Аллаһка бурыч итеп яхшы бурыч бирегез. Хәерлектән үзегезгә нәрсә әзерләсәгез, шунысын Аллаһ каршысында хәерлерәк итеп һәм олырак әҗерле итеп табарсыз, һәм Аллаһтан ярлыкау сорагыз! Аллаһ, хакыйкатьтә, ярлыкаучы, рәхимле!"