82. әл-Инфитар - Коран

• 1. "Шәфкатьле, рәхимле Аллаһ исеме белән...  Күк йөзе ярылып киткәч"

• 2. "һәм йолдызлар коелгач,"

• 3. "һәм диңгезләр бер-бере белән тоташкач,"

• 4. "һәм каберләрнең асты өскә килгәч,"

• 5. җан үзенең кылган һәм кылмаган гамәлләрен беләчәк.

• 6. "Ий, кеше! Юмарт булучы Раббың турысында үзеңне нәрсә алдады соң?"

• 7. Ул сине яратты да үзеңә кыяфәт бирде һәм үзеңә  чамаларын билгеләде.

• 8. Үзе теләгән сурәткә үзеңне Ул кертте.

• 9. Кыямәт көнен сез ялган итеп саныйсыз.

• 10. "Сезнең өстегездә саклаучылар бар бит,"

• 11. күркәм язучы — күзәтүчеләр буларак.

• 12. Алар сез кылганны белеп торалар.

• 13. "Хакыйкатьтә, изгелек кылучылар нигъмәтлектә."

• 14. "Хакыйкатьтә, бозык затлар исә тәмуг эчендәдер."

• 15. Алар анда кыямәт көнендә керерләр.

• 16. Алар берничек тә аннан кала алмаслар.

• 17. Җәза көне нәрсә икәнен сиңа нәрсә белгертсен соң?

• 18. "Янә, җәза көне нәрсә икәнен сиңа нәрсә белгертсен соң?"

• 19. Ул көнне һичбер җанның башкага бернәрсә белән дә көче җитмәс. Ул көнне әмер — Аллаһта.