68. әл-Каләм - Коран

• 1. "Шәфкатьле, рәхимле Аллаһ исеме белән...  Нун. Каләм һәм яза торган нәрсә белән ант итәмен."

• 2. Раббының нигъмәте илә син шашкан түгел бит.

• 3. "Һәм, хакыйкатьтә, сиңа бетмәс, чиксез әҗердер. "

• 4. "Һәм, хакыйкатьтә, син иң күркәм холыклыдыр. "

• 5. "Һәм син күрерсең әле, алар да күрерләр әле, "

• 6. кайсыгыз шашкан икәнлеген.

• 7. "Хакыйкатьтә, Аллаһ үз юлыннан саташып тайпылганны да тугры юлда торучыларны да бик яхшы иттереп беләдер."

• 8. Хаклыкны юкка чыгаручыларга итагать кылма.

• 9. "Йомшаграк булуыңны телиләр алар, үзләре дә йомшаграк булырлар иде."

• 10. "Төрле ант итәргә яратучыга, җирәнгечкә,"

• 11. "хурлаучыга, гайбәт таратып йөрүчегә,"

• 12. "яхшылыкка каршы төшүчегә, дошман булучыга,  гөнаһчыга,"

• 13. "тупас булучыга, ялган исем белән йөрүчегә итагать кылма!"

• 14. Хәтта маллы һәм бала-чагалы булса да!

• 15. "Безнең аятьләребез аңа ирештерелсә дә ул: «Борынгыларның сафсаталары гына», — дип әйтәдер. "

• 16. Без аның борынына тамга салырбыз.

• 17. "Хакыйкатьтә, иртәнге вакытта җимешләр җыячакбыз дип әйтүче бакча ияләрен сынаган шикелле  аларны да Без сынадык инде,"

• 18. ләкин өстәп әйтмәделәр.

• 19. Һәм алар йоклаган вакытта Раббыңнан әйләнеп йөрүче әйләнеп чыкты.

• 20. Һәм иртәгесен бакча кисеп ташланган иде.

• 21. "Иртә җиткәч, алар аваз бирештеләр:"

• 22. "«Бакчагызга җимешләр җыярга барыйк», — дип."

• 23. "Алар юл тоттылар, әкрен генә сөйләшкәләп:"

• 24. «Бүген сезнең яныгызга хәерче кермәсен!» — дип.

• 25. Иртәгесен беркемне дә кертмәс ният белән киттеләр.

• 26. "Аны күргәч исә: «Хакыйкатьтә, без саташтык кебек»,—диделәр."

• 27. «Без мәхрүм калдык ич!» — диделәр.

• 28. Аларның уртанчысы: «Мин сезгә тәсбих әйтеп мактарга кирәк дип әйтмәгән идеммени?» — диде.

• 29. "Алар: «Йә Раббыбыз, барча данлык илә үзеңне мактыйбыз. Хакыйкатьтә, залимнәр булдык!»"

• 30. Шулай бер-берсен үрти башладылар.

• 31. "«Үкенеч безгә! Хакыйкатьтә, без азгын булдык»."

• 32. "«Бәлки, Раббыбыз үзебезгә аннан хәерлерәк, яхшырак булганын бирер әле. Хакыйкатьтә, без Раббыбызга юнәләбез»."

• 33. "Менә газап шулай буладыр. Әхыйрәт газабы исә моннан да артыграк. Әй, белсәләр иде алар!"

• 34. "Тәкъваларга исә, хакыйкатьтә, Аллаһтан нигъмәтлек бакчалары!"

• 35. Үзләрен Аллаһка тапшыручыларны гөнаһлылар белән булдырыйкмыни?

• 36. Нәрсә булды үзегезгә? Ничек хөкем кыласыз?

• 37. Әллә үзегездә өйрәнердәй китап бармы?

• 38. Анда үзегез хәерле итеп санаган нәрсәләрдер.

• 39. Юкса сезнең кыямәт көненә кадәр бара торган антларыгыз бармы әллә? Нинди хөкем чыгарсагыз да — үзегезгәдер.

• 40. "Сора алардан, моны кем исбатлый ала икән?"

• 41. "Әллә аларның ширекләре бармы? Инде туры сүзле булсалар, ширекләрен алып китерсеннәр."

• 42. "Ул көнне, чыдарлык хәлләре калмагач, сәҗдә кылырга өндәрләр аларны, ләкин хәлләреннән килмәс."

• 43. "Күз карашлары аска карар, дәрәҗәләре төшәр. Аларны моңа кадәр сәҗдә кылырга өндәгәннәр иде инде, һәм алар сау-сәламәтләр иде."

• 44. "Бу сүзне ялган итеп санаучылар белән бергәләп Үземне калдыр. Без аларны тора-бара актарып чыгарырбыз, хәтта алар белмәсләр дә."

• 45. "Мин аларга кичектереп торырмын, хакыйкатьтә. Минем хәйләм көчледер."

• 46. "Бурыч белән авырсынып тора алар, син алардан әҗер сорыйсыңмы?"

• 47. "Әллә аларга яшерен бар булып, алар аны язып яталармы?"

• 48. Раббыңның хөкеменә сабыр 6ул!  Һәм балык юлдашы кебек булма! Ул кайгыга чумган вакытта ялварды.

• 49. "Әгәр Раббысыннан нигъмәт тимәгән булса, ул чүлле яр буена атып бәрелгән булыр иде һәм шелтәләнгән булыр иде."

• 50. Раббысы исә үзен сайлап алды һәм аны изге күңеллеләргә әйләндерде.

• 51. "Хакыйкатьтә, кәферләр сине күз карашлары белән атып бәрергә хәзер торалар. Зикерне ишеткән саен: «Хакыйкатьтә, ул акылыннан язган», — дип әйтәләр."

• 52. Ләкин бу галәмнәргә үгет-нәсыйхәттән башка бернәрсә дә түгелдер.