әл-Уакыйгъа - Коръән

1. "Шәфкатьле, рәхимле Аллаһ исеме белән... Котылгысыз вакыйга җиткәч,"
2. "аның килүен ялганга чыгаручы булмас,"
3. "түбән дә төшерер, югары да күтәрер."
4. "Һәм менә кайчан җир дерелдәү белән дерелдәячәк,"
5. "Һәм таулар таралып җимерелсә,"
6. "чәчелгән-таралган тузанга әйләнеп,"
7. һәм сез өч төрле сыйныфка бүленерсез.
8. һәм уң як ияләре. Ул уң як ияләре — кем булыр?
9. һәм сул як ияләре. Ул сул як ияләре — кем булыр?
10. "Һәм алдан узып китүчеләр, алдан узып китүчеләр? —"
11. "Болар — якынайтылган булучылар,"
12. рәхәтлек бакчаларында.
13. "Әүвәлгеләр төркеме,"
14. "һәм ахыргылардан—бераз,"
15. "чигелгән сәкеләрдә,"
16. "терсәкләренә таянып, кара-каршы булып."
17. "Мәңге яшь булып калучы егетләр алар тирәсендә йөреп торырлар,"
18. "агым сулы савытлар, комган һәм касәләр белән."
19. Аннан баш та авыртмас һәм хәлсезлек тә булмас.
20. "Һәм үзләре сайлап алган җиләк-җимешләр белән,"
21. һәм үзләре теләгән кош итләре белән дә.
22. "Һәм зур кара күзлеләр дә,"
23. "саклап торган энҗе кебек,"
24. кылган гамәлләренә карата бүләк буларак.
25. "Алар анда ләгу сүзе дә һәм гөнаһка кертердәй сүзләр дә ишетмәсләр,"
26. «Сәлам! Сәлам!» — дип әйтүне генә.
27. Ә уң як ияләре? Уң як ияләре — кем булыр?
28. "Чәнечкесез лотослар арасында,"
29. "һәм җимешләреннән сыгылган банан агачлары арасында,"
30. "һәм җәелгән күләгәләрдә,"
31. "һәм һәрвакыт агым сулар,"
32. "һәм мул җимешләр,"
33. "алар бетмәс тә һәм тыелмас,"
34. һәм җәелгән түшәкләрдә.
35. "Без, хакыйкатьтә, аларны барлык белән бар иттек,"
36. "һәм аларны гыйффәтле итеп булдырдык,"
37. "ирләрен яратучы яшьтәшләр иттек,"
38. уң як ияләре өчен.
39. Әүвәлгеләрдән төркем
40. һәм ахыргылардан да төркем.
41. Һәм сул як ияләре. Ул сул як ияләре— кем булыр?
42. "Кайнар, пешерә торган давыл һәм пешерә торган су эчендә,"
43. "һәм кап-кара төтен күләгәсендә,"
44. "ул салкын да, яхшы да түгел,"
45. "Моңа кадәр алар артык муллыкта булдылар,"
46. "һәм олы гөнаһта кузгалмыйча тордылар,"
47. "һәм: «Без үлеп туфракка һәм сөяккә әйләнгәч, хакыйкатьтә, терелеп кабердән чыгарылырбызмы әллә?-дип әйтә торганнар иде."
48. «Яки борынгы ата-бабаларыбызмы?»
49. "Әйт: «Хакыйкатьтә, әүвәлгеләре дә һәм ахыргылары да!"
50. "Әлбәттә, билгеле көннең билгеле вакытында җыелган булачаклар."
51. "Хакыйкатьтә, аннан сез — адашканнар һәм ялганга бирелгәннәр."
52. "Әлбәттә, зәкъкум агачыннан ашарсыз әле!"
53. "Шуның белән корсакларыгызны тутырырсыз,"
54. "аның артыннан пешерә торган су эчәрсез,"
55. һәм сусаган хәлдә эчкәннәр кебек эчәрсез».
56. Бу — аларның хөкем көнендәге сыйланулары.
57. "Без сезне барлыкка китердек, ни өчен сезгә ышанмаска соң?"
58. Сездән атылып чыга торган орлыкны күрдегезме соң?
59. "Сез барлыкка китерәсезме соң аны, әллә барлыкка китерүче Безме?"
60. "Без сезгә үлемне тәкъдир белән билгеләп куйдык, һәм сез Безне уза алмассыз!"
61. "Сезне үзегез шикеллеләр белән алмаштырыр өчен, һәм сез белмәгәнчә сезне янә барлыкка китерер өчен."
62. "Сез беренче мәртәбә барлыкка китерүне белдегез инде, һәм ни өчен сезгә уйлап карамаска соң?"
63. Үзегез нәрсә чәчкәнегезне күрдегезме соң?
64. Аны сез үстерәсезме яки Без үстерүчеләрме?
65. "Әгәр Без теләсәк, аны корып беткән чүп-чар итәр идек, сез исә гаҗәпләнгән булыр идегез."
66. «Без бит бурычка кереп батканбыз!
67. Юк! Без әле мәхрүмнәр дә!»
68. Үзегезнең эчә торган суыгызны күрдегезме?
69. Аны болыттан сез иңдерәсезме яки Без иңдерәбезме?
70. "Әгәр Без теләсәк, аны әче итәр идек. Ни өчен соң сез шөкер итмисез?"
71. Үзегез чакма чагып чыгарган утны күрдегезме соң?
72. Аның агачын сез ясап чыгардыгызмы яки Без аны бар итүчеләрме?
73. Без аны искәртү итеп һәм чүлдә йөрүчеләргә ярдәм өчен ясадык.
74. Үзеңнең бөек Раббыңның исемен тәсбих илә олыла!
75. "Юк, йолдызлар бата торган урын белән ант итә¬мен!"
76. "Хакыйкатьтә, бу ант итү — сез белсәгез — бөек бит!"
77. "Бу, хакыйкатьтә, Коръән-кәрим бит,"
78. саклана торган китапта
79. "Пакь, таһәрәтле булучылардан гайреләр аңа тотынмас!"
80. Ул — галәмнәрнең Раббысыннан иңдерү.
81. Әллә бу риваятькә дә сез игътибарсыз булырсызмы?
82. Һәм ризыгыгызны сез ялганга әйләндерерсезме?
83. "Әгәр инде ул бугазга җитсә,"
84. "һәм сез ул вакытта карап торасыз,"
85. "Без исә аңа сезгә караганда якынрак, ләкин сез аны күрмисез!"
86. Әгәр ул чакта сез хөкем ителмәссезмени?
87. "Сез дөрес сөйләүче булсагыз, аны сез кире кайтарыр идегез."
88. "Әмма әгәр ул якыннар арасыннан булса,"
89. "ул чакта — тынычлыкта, һәм хуш ис, һәм рәхәтлек бакчасында."
90. Әгәр исә ул уң як ияләреннән булса:
91. «Сәлам сиңа уң як ияләреннән!»
92. "Әгәр ул ялган дип исәпләүчеләрдән, ялганга бирелгәннәрдән булса,"
93. пешерә торган судан сыйланудыр
94. һәм утта яну.
95. "Хакыйкатьтә, бу әлбәттә, шөбһәсез хаклык!"
96. Бөек Раббыңның исемен тәсбих илә олыла!