1. "Шәфкатьле, рәхимле Аллаһ исеме белән... Хә мим."
2. Һәм ачык аңлаешлы китап белән ант итәмен!
3. "Без аны мөбарәк төндә иңдердек. Хакыйкатьтә, Без — үгетләүчеләр."
4. Анда һәрбер хикмәтле әмер аерылып бирелә.
5. "Безнең әмеребез буенча, хакыйкатьтә, Без җибәрүчеләр!"
6. "Раббыңның рәхмәтеннән, Ул, хакыйкатьтә, ишетүче һәм белүче бит!"
7. "Күкләрнең һәм җирнең, һәм алар арасындагы нәрсәләрнең Раббысыннан, әгәр сез инанган булсагыз."
8. "Аннан башка иләһ юк, Ул терелтә һәм үлем бирә. Ул — сезнең Раббыгыз һәм әүвәлге аталарыгызның да Раббысы."
9. "Юк, алар шикләнүдә уйнап яталар!"
10. Күкнең ачык төтен белән киләчәк көнен көтеп тор!
11. Ул кешеләрне каплар. Бу — үзәк өзгеч газап!
12. "«Раббыбыз! Бездән газапны алып җибәр, без иман китерәбез!»"
13. "Кайдан аларга искәртү, аларга аңлатучы рәсүл килгән иде бит?"
14. "Шуннан алар аннан йөз бордылар һәм: «Өйрәтелгән, җенләнгән!» —диделәр."
15. "Без, хакыйкатьтә, газапны азга гына бетерәбез, сез тагы кайтасыз."
16. "Без бик көчле итеп бәргән көнне, хакыйкатьтә, үч алучыбыз."
17. Без аларга кадәр фиргавен кавемен сынап карадык һәм аларга хөрмәтле рәсүл килгән иде:
18. "«Аллаһның колларын миңа кайтарыгыз, мин сезгә ышанычлы рәсүл бит."
19. "Аллаһка каршы күтәрелмәгез, мин сезгә ачык дәлил белән киләмен."
20. Сез мине таш белән атмас өчен Раббыма һәм сезнең Раббыгызга сыенамын.
21. "Әгәр миңа иман китереп инанмасагыз, миннән аерылыгыз»."
22. Һәм ул Раббысына: «Алар — гөнаһкәр кавем!» — дип ялварды.
23. "«Минем колларым белән төнлә чык, сезне артыгыздан куарлар"
24. "һәм диңгезне тыныч килеш калдыр, алар гаркъ булучы гаскәриләр»."
25. "Алар күпме бакчалар һәм чишмәләр калдырды,"
26. "һәм игенлекләр, һәм кадерле урыннарны,"
27. һәм үзендә алар ләззәтләнгән нигъмәтлекне!
28. Менә шулай! Ёәм Без аны башка кавемгә мирас итеп бирдек.
29. "Алар артыннан күк тә һәм җир дә еламады, һәм алардан кичектерелмәделәр дә."
30. "Һәм Без Исраил угылларын хурлыклы газаптан коткардык,"
31. фиргавеннән. Ул чиктән узганнар арасыннан олысы булды.
32. Һәм Без аларны белем буенча галәмнәрдән өстен сайладык.
33. Һәм Без аларга анда ачык сынау булган аятьләр китердек.
34. "Хакыйкатьтә, алар әйтәләр:"
35. «Тик шушы беренче үлемебез генә бит һәм без яңадан терелмәячәкбез.
36. "Әгәр сез рас сөйли торган булсагыз, безнең аталарыбызны китерегез!»"
37. Алар хәерлерәкме яки Түббәгъ кавемеме һәм аларга кадәр булучылармы? Без аларны һәлак иттек. Алар бит гөнаһкәрләр иде.
38. "Күкләрне һәм җирне, һәм алар арасындагы нәрсәләрне Без уйнап бар итмәдек!"
39. "Без аларның икесен дә хаклык белән генә барлыкка китердек, ләкин аларның күбесе белмиләр."
40. "Хакыйкатьтә, аерылу көне — аларның барысының да билгеләнгән вакыты."
41. "Ул көнне дус дусны бернәрсәдән коткара алмас, һәм аларга ярдәм итү дә булмас,"
42. "Аллаһ мәрхәмәтенә ирештергәннән башка. Ул гыйззәт иясе, рәхимле бит!"
43. "Зәкъкум агачы, хакыйкатьтә,"
44. гөнаһлының тәгаме.
45. "Карыннарда эрегән бакыр кебек кайнар ул,"
46. кайнар су кайнаган кебек.
47. «Алыгыз аны! Ыргытыгыз аны тәмуг утының уртасына!
48. Шуннан кайнар суны газаптан башына коегыз.
49. "Әйдә, тәмен таты! Син— гыйззәт иясе, хөрмәтле бит!"
50. "Хакыйкатьтә, сез шик тоткан нәрсә менә шушы»."
51. "Хакыйкатьтә, тәкъвалар имин урында,"
52. "бакчалар һәм чишмәләр арасында,"
53. "атластан һәм чатмадан кием киярләр, һәм бер- берсенең алдында килеш."
54. Менә шулай! Ёәм Без аларны зур кара күзлеләр белән кушабыз.
55. Алар анда иминлектә килеш һәртөрле җиләк- җимешне сорыйлар.
56. "Беренче үлемнән башка алар анда үлемне тоймаслар. Ул аларны тәмуг газабыннан саклый,"
57. Раббыңнан фазыл итеп. Бу бөек җиңү бит!
58. "Без аны, хаклыкта, синең телеңдә җиңел иттек! Шаять, алар искә алырлар!"
59. "Көтеп тор, алар да көтәләр бит!"
