74. әл-Мудәсир - Коран

• 1. "Шәфкатьле, рәхимле Аллаһ исеме белән... Ий, төрелгән!"

• 2. Тор һәм үгетлә!

• 3. Һәм Раббыңны олыла!

• 4. Һәм киемнәреңне пакь ит!

• 5. Һәм поттан качып кит!

• 6. "Һәм зурга омтылып, изгелек күрсәтмә!"

• 7. Һәм Раббың өчен сабыр ит!

• 8. "Сур карынына өрсәләр,"

• 9. "бу — шул көнне. Ул — авыр көн,"

• 10. кәферләргә җиңел түгел.

• 11. "Мине һәм Мин ялгыз итеп барлыкка китергәнне калдыр,"

• 12. "Мин аңа мул байлык булдырганны,"

• 13. "һәм монда булган бала-чагаларын,"

• 14. һәм аңа изгелекне киң итеп җәйгәнне.

• 15. Соңыннан ул Мин арттырганны теләп комсызлана.

• 16. Юк инде! Безнең аятьләргә ул нык каршы.

• 17. Мин аңа күтәрелүне дучар итәчәкмен.

• 18. "Ул бит, хакыйкатьтә, уйлап карады һәм исәпләде."

• 19. Ул үтереләчәк әле! Ничек исәпләгән ул!

• 20. Моннан соң да ул үтереләчәк! Ничек исәпләгән ул!

• 21. Моннан соң карады.

• 22. Моннан соң чыраен сытты һәм кашын җыерды.

• 23. Моннан соң борылып куйды һәм тәкәбберләнде.

• 24. "Һәм: «Бу бары тик электән тапшырылып килә торган сихер генә», — дип әйтте."

• 25. «Бу бит нибары кешеләр сүзе генә!»

• 26. Мин аны сәкарь җәһәннәмендә яндырачакмын!

• 27. Сәкарь җәһәннәме нәрсә икәнен сиңа кайдан белергә?

• 28. "Ул калдырмый да һәм ташлап та китми,"

• 29. тиреләрне яндыручы.

• 30. Аның өстендә унтугызаудыр.

• 31. "Ут сакчыларын Без фәрештәләрдән генә булдырдык һәм аларның саннарын кәфер булучыларга сынау гына иттек. Бу — китап бирелгәннәр инансыннар өчен, һәм иман китереп инанганнарның иманнары ныгысын өчен, һәм китап бирелгәннәр һәм иман китереп инанганнар шик-шөбһә тотмасыннар өчен, һәм күңелләрендә авыру булганнар һәм кәферләр: «Аллаһ бу мисал белән нәрсә тели икән?» — дип әйтсеннәр өчен. Аллаһ менә шулай теләгәнен адаштыра һәм теләгәнен туры юлга алып бара, һәм Аллаһның гаскәриләрен Аннан башка беркем дә белми. Бу исә кешеләргә тик искә төшерү генә."

• 32. Юк инде! Ай белән ант итәм!

• 33. Әйләнгән чагындагы төн белән ант итәм!

• 34. Һәм күренгән чагындагы таң белән ант итәм!

• 35. Бу бит иң зурлардан берсе.

• 36. "Кешеләргә үгет өчен,"

• 37. арагыздан алга барырга яки артка чигенергә теләүчегә.

• 38. "Һәр җан үзе кәсеп итеп тапкан нәрсәсенең тоткыны,"

• 39. уң як ияләреннән башка.

• 40. "Алар бакчаларда бер-берсеннән сорашалар,"

• 41. гөнаһкәрләр турында:

• 42. «Сәкарь җәһәннәменә сезне нәрсә китереп кертте?»

• 43. "Алар әйттеләр: «Без намаз укучылар арасында булмадык,"

• 44. "без мескеннәрне туйдырмадык,"

• 45. "һәм без чумучылар белән бергә чумдык,"

• 46. "һәм без кыямәт көнен ялганга чыгардык,"

• 47. безгә үлем килгәнгә кадәр».

• 48. Аларга шәфәгатьчеләрнең шәфәгате ярдәм итми.

• 49. Нәрсә булды аларга: искә төшерүдән йөз боралар.

• 50. "алар нәкъ куркытылган ишәкләр шикелле,"

• 51. җиңүчедән качып баручылар?

• 52. Әйе! Алардан һәр кеше үзенә ачып куйган төргәкләрнең бирелгәнен тели!

• 53. "Юк инде! Әйе, алар әхыйрәттән курыкмыйлар."

• 54. "Юк инде! Бу, хакыйкатьтә, искә төшерү,"

• 55. һәм теләүче аны искә алыр.

• 56. Әгәр Аллаһ теләмәсә — алар искә алмаслар. Аннан курку лаеклы һәм Аннан ярлыкау лаеклы!