1. "Шәфкатьле, рәхимле Аллаһ исеме белән... Хөкемендә падишаһлык булучы мөбарәк булсын! Һәм Ул — һәрнәрсәгә кодрәтле!"

2. "Ул сезне сынар өчен һәм дә гамәлләрегезгә карата кайсыгыз яхшырак икәнлеген күрер өчен үлем белән тереклекне яратучы. Ул— гыйззәт иясе, кичерүче,"

3. кат-кат җиде күкне яратучы. Мәрхәмәтле булучының яратканында һичбер кимчелек-җитешсезлек күрмәссең. Күз сал тирә-юнеңә: берәр җитешсезлек бармы?

4. "Янә күзең илә кара тирә-юньгә, ул сиңа гаҗиз һәм алҗыган булып кире кайтыр."

5. Шайтаннарны атарга Без дөнья күген кандилләр илә бизәгән идек һәм аларга ут белән газаплауны хәзерләп куйдык.

6. Кәфер булучыларга — җәһәннәм газабы! Һәм бигрәк кыйты ахырдыр!

7. Үзләрен ташлаганда алар аның үкереп торуын ишеттеләр. Ул кайнап тора.

8. Ярсуыннан атылып чыгарга тора. Һәрвакыт төркемне шунда ташлаганда саклаучылар: «Сезгә үгетләүче килмәгән идемени?» — дип алардан сорыйлар.

9. "Алар: «Әйе, безгә үгетләүче килгән иде, без исә аны кире кагып, «Аллаһ бернәрсә дә иңдермәде, сез бик нык ялгышасыз, адашу юлында торасыз» дип кенә әйттек», — диделәр."

10. "Янә: «Әгәр без тыңлаган булсак вә гакылыбыз илә кулланган булсак, җәһәннәм әһелләре арасында булмас идек», — дип әйттеләр."

11. "Шулай алар гөнаһларын таныдылар. Ычкыныгызчы, җәһәннәмгә хөкем ителгәннәр!"

12. "Хакыйкатьтә, яшертен хәлдә Раббыларыннан куркучыларга ярлыкау вә бөек әҗердер."

13. "Сүзләрегезне яшерәсезме, әллә ишетерлек иттереп сөйлисезме, Ул —күкрәкләрегездәгене белүчедер."

14. Юктан бар итеп яраткан белмәсме әллә? Һәм Ул — үтәдән-үтә күрүче һәм хәбәрдар.

15. Ул сезгә җирне буйсындырган. Аның иркенлекләре буенча йөрегез һәм Аның ризыгыннан тукланыгыз! Аңа кире кайтачаксыз!

16. "Күктә булучы, җир тетри башлагач, җирдән үзегезне йоттырмасмы дип шикләнәсезме әллә?"

17. Әллә күктә булучының үзегезгә таш яудыруыннан шикләнәсезме? Беләсезме әллә үгетләвемнең нәрсә икәнлеген.

18. Алардан алда булучылар да кире кактылар. Алар га Минем җәзам ничек булды соң?

19. "Өсләрендә канатларын җәеп-җыеп очкан кошларны күрмиләрмени соң? Аларны, Шәфкатьледән башка кем тотып торсын икән? Хакыйкатьтә, Ул — һәрнәрсәне күрүчедер!"

20. "Әнә шул — сезгә гаскәр булучы, ул исә Шәфкатьледән башка булыша аламыни? Кәферләр гафиллектә генә бит!"

21. "Әгәр Ул сезне ризыгыннан киссә, кем сезне тукландырыр? Әйе, алар буйсынмауда һәм читләшүдә нык торалар."

22. "Кем соң тугры юлдан баручы икән: башын иеп йөзе илә җиргә карап баручымы, юкса, тураеп баручы тугрымы?"

23. "Әйт: «Ул сезне барлыкка китереп, сезгә колаклар, күзләр вә кальбләр бирүче. Шөкрана кылуыгыз никадәр аздыр!»"

24. "Әйт: «Ул сезне җир буенча таратучы, һәм Аңа җыелачаксыз»."

25. "«Әгәр сез дөресен сөйләсәгез, кайчан бу вәгъдә булыр?» — дип алар сорыйлар."

26. "Әйт: «Хаклыкта, моны белүче — Аллаһ, мин исә ап-ачык аңлатып бирүче үгетләүчедер»."

27. "Кәфер булучыларның янына нык якынайткач йөз-кыяфәтләре бозылыр. Аларга: «Бу — үзегез таләп иткән нәрсәдер», — дип әйтелер."

28. "Әйт: «Әгәр Аллаһ мине һәм үзем белән булу чыларны һәлак итсә яки рәхмәтенә ирештерсә, ничек , уйлыйсыз, кәферләрне үзәк өзгеч газабыннан кем саклар икән?»"

29. "Әйт: «Ул — Шәфкатьле. Без иман китереп инан-дык, Аңа тәвәккәлләдек. Һәм сез тиздән кемнең ап- ачык ялгышлыкта булуын белерсез әле»."

30. "Әйт: «Әгәр суыгыз тирән киткән булса, сезгә агым суны кем китереп бирер дип уйлыйсыз?»"