1. "Шәфкатьле, рәхимле Аллаһ исеме белән... Бер-бер артлы җибәрелә торганнар белән ант итәм,"
2. "һәм көчле иттереп исүчеләр белән,"
3. "һәм киң итеп таратучылар белән,"
4. "һәм нык иттереп аеручылар белән,"
5. "һәм искә алуны тапшыручылар белән,"
6. кичерү өчен яки үгетләү өчен!
7. "Сезгә вәгъдә ителгән нәрсә, хаклыкта, әлбәттә, булачак бит."
8. "Һәм кайчан йолдызлар сүнә икән,"
9. "һәм кайчан күк ярыла икән,"
10. "һәм кайчан таулар ишелә икән,"
11. "һәм кайчан рәсүлләргә билгеле вакыт билгеләнә икән,"
12. кайсы көнгә кадәр кичектерелер?
13. Аермалык көненә кадәр.
14. Аермалык көне нәрсә икәнлеген сиңа ни белгертер?
15. Ялганга чыгаручыларга ул көнне— үкенеч!
16. Без әүвәлгеләрне һәлак итмәдекмени?
17. Моннан соң Без алар артыннан ахыргыларны да җибәрербез.
18. Гөнаһкәрләр белән Без шулай эшлибез!
19. Ялганга чыгаручыларга ул көнне— үкенеч!
20. Без сезне көчсез судан гына барлыкка китермәдекмени?
21. "Һәм Без аны ышанычлы урында булдырмадыкмы,"
22. мәгълүм вакытка кадәр.
23. "Без чамалап куйдык, һәм нинди яхшы чамалаучы Без!"
24. Ялганга чыгаручыларга ул көнне— үкенеч!
25. Без җирне сыену урыны итмәдекмени?
26. Тереләргә һәм үлеләргә?
27. "Һәм анда нык тора торган горурларны булдырдык, һәм сезне тозсыз су белән сыйладык."
28. Ялганга чыгаручыларга ул көнне — үкенеч!
29. Сез үзегез ялган дип исәпләгән нәрсәгә китегез.
30. Өч тармаклы караңгылыкка китегез.
31. "Күләгәле дә түгел ул, һәм ялкыннан да коткармый."
32. "Ул сарай кадәр очкыннар ташлый,"
33. алар нәкъ сары дөяләр кебек.
34. Ялганга чыгаручыларга ул көнне— кайгы!
35. Бу көнне сөйләшә алмаслар.
36. Аларга акланырга да изен-рөхсәт ителмәс.
37. Ялганга чыгаручыларга ул көнне— кайгы!
38. Бу — аермалык көне. Без сезне һәм әүвәлгеләрне дә җыйдык.
39. "Әгәр хәйләгез булса, Миңа каршы хәйлә корып карагыз!"
40. Ялганга чыгаручыларга ул көнне— үкенеч!
41. "Тәкъвалык ияләре, хакыйкатьтә, күләгәләрдә һәм чишмәләр"
42. белән җаннары теләгән җимешләр арасында.
43. Кылган гамәлләрегезгә күрә исәнлеккә-саулыкка ашагыз һәм эчегез!
44. "Без, хакыйкатьтә, яхшылык кылучыларны шулай бүләклибез."
45. Ялганга чыгаручыларга ул көнне — үкенеч!
46. Ашагыз һәм аз гына файдаланыгыз! Сез бит гөнаһкәрләр!
47. Ялганга чыгаручыларга ул көнне— үкенеч!
48. "Аларга: «Рәкәгать кылыгыз!» —дип әйтелсә, рәкәгать кылмыйлар."
49. Ялганга чыгаручыларга ул көнне — үкенеч!
50. Моннан соң нинди хикәягә ышанырлар икән алар?
